قاس قارايا ۇيگە ورالىسىمەن  كۇندەگى ادەتىمشە تەلەديداردى قوسىپ، ارنالاردى اۋىستىرا باستادىم.  ارنالاردى اۋىستىرىپ وتىرىپ مالاحوۆتىڭ «پۋست گوۆورياتىنا» توقتالدىم. ءارتۇرلى وقيعالاردى قوزعايتىن توكشوۋدىڭ بۇل جولعى تاقىرىبى «تۋرەتسكي گامبيت» ەكەن. باعدارلامانىڭ  باستى كەيىپكەرى - تۇركيانىڭ    گۇلسۋم ەسىمدى ازاماتشاسى بولىپ شىقتى. 2008 جىلى جول اپاتىنا ۇشىراپ، اۋىر حالدە اۋرۋحاناعا تۇسكەن بەلگىسىز ازاماتتى دارىگەرلەردىڭ «ادام بولمايدى» دەگەنىنە قاراماستان ءتورت جىل بويى بالاسىنداي باعىپ، ءومىر سۇرۋگە جەتەلەگەن بۇل ايەلى بۇگىندە كۇللى رەسەيگە تانىمال جان. ۇلتىنان، ءتىلى مەن دىنىنەن، اتى-جونىنەن، بۇرىنعى ومىرىنەن بەيحابار بولا تۇرا بار انالىق ماحابباتىن وسى بەلگىسىز جانعا ارناعان ايەلدى قالايشا قۇرمەتتەمەسكە؟! باعدارلاما بارىسىندا تۇسىرىلگەن سيۋجەتتەردى كورە وتىرىپ كورەرمەندەردىڭ كوزىنە جاس ۇيىرىلگەنى انىق (1-بەينەماتەريالدى كورىڭىز).

قاس قارايا ۇيگە ورالىسىمەن  كۇندەگى ادەتىمشە تەلەديداردى قوسىپ، ارنالاردى اۋىستىرا باستادىم.  ارنالاردى اۋىستىرىپ وتىرىپ مالاحوۆتىڭ «پۋست گوۆورياتىنا» توقتالدىم. ءارتۇرلى وقيعالاردى قوزعايتىن توكشوۋدىڭ بۇل جولعى تاقىرىبى «تۋرەتسكي گامبيت» ەكەن. باعدارلامانىڭ  باستى كەيىپكەرى - تۇركيانىڭ    گۇلسۋم ەسىمدى ازاماتشاسى بولىپ شىقتى. 2008 جىلى جول اپاتىنا ۇشىراپ، اۋىر حالدە اۋرۋحاناعا تۇسكەن بەلگىسىز ازاماتتى دارىگەرلەردىڭ «ادام بولمايدى» دەگەنىنە قاراماستان ءتورت جىل بويى بالاسىنداي باعىپ، ءومىر سۇرۋگە جەتەلەگەن بۇل ايەلى بۇگىندە كۇللى رەسەيگە تانىمال جان. ۇلتىنان، ءتىلى مەن دىنىنەن، اتى-جونىنەن، بۇرىنعى ومىرىنەن بەيحابار بولا تۇرا بار انالىق ماحابباتىن وسى بەلگىسىز جانعا ارناعان ايەلدى قالايشا قۇرمەتتەمەسكە؟! باعدارلاما بارىسىندا تۇسىرىلگەن سيۋجەتتەردى كورە وتىرىپ كورەرمەندەردىڭ كوزىنە جاس ۇيىرىلگەنى انىق (1-بەينەماتەريالدى كورىڭىز).

باعدارلامادان كەيىن ويىما ءوزىمىزدىڭ «ايالى الاقان» باعدارلاماسى، باعادارلاما اۆتورى بيبىگۇل داۋلەتباققىزى ورالا كەتتى دە قوڭىراۋ شالۋعا اسىقتىم. ەكەۋارا اڭگىمەمىز تومەندەگىدەي ءوربىدى.

- سالەمەتسىز بە، بيبىگۇل!؟ بۇل مەن عوي نازەركە.

- يا، نازەركە، قالىڭ قالاي؟

- شۇكىر، بارلىعى جاقسى. جاڭا تەلەديداردان مالاحوۆتىڭ باعدارلاماسىن كورىپ ءسىز ەسىمە ءتۇسىپ كەتتىڭىز. سودان بىردەن سىزگە حابارلاسىپ جاتقانىم عوي.

- يا، يا. مەن دە كوردىم ول باعدارلامانى. قىزىق ەكەن، مەنى نەگە ەسىڭە الدىڭ؟

- وسىدان بىرەر جىل بۇرىن ءوزىڭىز جۇرگىزگەن «ايالى الاقان» باعدارلاماسىنان جانسايا ەسىمدى قىزدىڭ ءومىرى جايلى كورگەن ەدىم. قولسىز تۋىلعان  ءبۇلدىرشىننىڭ ومىرگە قۇشتارلىعىن كورىپ، جۇرەگىم قاتتى اۋىرعان ەدى سول كەزدە.

- ءبارى ەسىمدە عوي، ءبارى... مەن دە جۇرەگى ماحابباتقا، مەيىرگە تولى تۇرىك ايەلىنىڭ ارقاسىندا بەتى بەرى قاراعان جاس جىگىتتى كورىپ وتىرىپ، تالاي وقيعانى ەسىمە الدىم. يا، قولدارى جوق بولسا دا اياعىمەن تاماق جەپ وتىرعان جانسايانىڭ بەينەسىن قالايشا ۇمىتۋعا بولادى؟!

- گۇلسۋمنىڭ بەينەسى جانساياعا ون ءبىر جىل بويى قامقور بولعان بالالار ءۇيىنىڭ تاربيەشىسى، اتى ەسىمدە قالماپتى، ۇلتى تاتار ايەلگە قاتتى كەلەدى ەكەن.

- سەن بىلەسىڭ بە، مەن دە ءدال سولاي ويلاپ وتىرعانمىن. مەنىڭ ويىمدى وقىپ ۇلگەرىپسىڭ. وسى كەزدە مەن باعدارلامانى ەگىلىپ، جىلاپ كورىپ وتىرمىن. گۇلسۋم اناعا دەگەن مەنىڭ تاڭدانىسىم مەن سۇيىسپەنشىلىگىمدە شەك جوق. ادامعا ادامنىڭ جانى اشۋى كەرەك.  مەيىرىمگە ءزارۋ جاندارعا  كومەك قولىن سوزۋ وسى  كۇنى ەلدىڭ اۋزىنداعى انشەيىن اڭگىمە عانا بولىپ بارا جاتقان سياقتى. تۇركيانىڭ ءبىر عانا وتباسى بارشا ادامزاتقا ۇلگى بولارلىق ءىس جاسادى. قالاي ايتقان كۇندە دە، بۇل ومىردە جاقسى ادامداردىڭ ءالى بار ەكەندىگىنىڭ ءبىر كورىنىسى عوي بۇل. جانسايانى باققان تاربيەشىنىڭ دە ەڭبەگىن ايتپاي كەتۋگە بولمايدى. قولسىز تۋىلعان ءبۇلدىرشىندى بولمەي، ءتىپتى وزگە بالالاردان ارتىق جاقسى كورگەن ايەلدى ءوز باسىم قۇرمەت تۇتامىن.

- جاڭارتپاساڭ جادىڭداعى دا وشەدى. ەلدىڭ ەسىندە ەندىگى جانسايا قىز قالماعان دا شىعار.

- جوق، نازەركە، مەن ولاي ويلامايمىن. ءالى كۇنگە دەيىن مەنىڭ "ايالى الاقانىمداعى" كەيىپكەرلەردى حالىق ۇمىتا قويعان جوق. ەلەكتروندى پوشتاما كۇنى بۇگىنگە دەيىن كورەرمەندەر حابارلاسۋدا. تۋا بىتكەننەن ەكى قولى جوق جانسايا سالىقباەۆا وسىدان التى جىل بۇرىن نەبارى ون ءبىر  جاستا ەدى. ونىڭ سول كەزدەگى دارمەنسىز كۇيى كوز الدىمنان كەتەر ەمەس. "اپكەتاي، مەنىڭ انامدى تاۋىپ بەرىڭىزشى، وتىنەمىن" دەپ شىرىلداعان ءبۇلدىرشىننىڭ سوزدەرى سول كەزدە مەنى كۇندىز كۇلكىدەن، تۇندە ۇيقىدان ايىرعان ەدى. شارق ۇرىپ اناسىن ىزدەستىرۋگە كىرىستىك.  «ايالى الاقان» اياقتالىسىمەن تەلەفونعا دامىل بولمادى. كابينەتتە وتىرعان رەداكتور  - نازىم ەكەۋمىز ەكى تەلەفونمەن جاعالاسىپ سويلەسىپ  جاتىرمىز. اندا-ساندا ءبىر بىرىمىزگە قاراپ قويامىز. كەيدە ول ء"يا، ءيا ايتا بەرىڭىز، اناسى؟" دەگەن كەزدە مەن جالت قارايمىن، ال ول بولسا باسىن شايقايدى. ءۇش ساعات بويى قوڭىراۋلارعا جاۋاپ بەرىپ،  كۇتكەن قوڭىراۋىمىز سوعىلماعان سوڭ  ۇنجىرعامىز ءتۇسىپ كەتتى. كەش باتا قوڭىراۋلار سايابىرلاي باستادى. ساعات كەشكى توعىزدار شاماسى. كابينەتتە مەن، نازىم جانە باعانادان بەزەك قاعىپ تىنباعان ەكى تەلەفون. ايتسەدە ءۇمىتىمىز ۇزىلەر ەمەس. ءبىر ۋاقىتتا قارا تەلەفون شىر ەتە قالدى، تۇتقانىڭ ار جاعىنان قوڭىر داۋىستى كەلىنشەكتىڭ "قىزىم قايدا؟" دەگەن ءبىر اۋىز ءسوزى  مەنى تولقىتىپ جىبەردى. ءسۇيىنشى!!! جانسايانىڭ اناسىن تاپتىق. نازىم ەكەۋىمىزدىڭ قۋانعانىمىز سونشا، كابينەتتە ءبىر ءبىرىمىزدى قۇشاقتاپ سەكىرىپ ءجۇرمىز. قازىر جانسايا دا بويجەتتى، اناسىمەن قاۋىشتى(2-بەينەماتەريالدى قاراڭىز).

اڭگىمەمىز وسىلايشا تامامدالعان سوڭ دا كوز جاسىما يە بولا المادىم. بيبىگۇلدى ويلادىم. «ايالى الاقان» ارقىلى تالاي تاعدىرلى جاندى ەفيرگە الىپ شىعىپ، ەلدىڭ جۇرەگىندەگى مەيىرىم مەن ايانىشتى وياتۋعا ۇمىتىلعان ول دا مەنىمەن سۇحباتىن كۇرسىنىپ اياقتادى.

ABAI.KZ