وسى جىلدىڭ قاڭتار-قازان ايلارىندا قويما جانە كولىك سالاسىنا سالىنعان ينۆەستيتسيالار 1,1 ترلن تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا قۇندىق ماندە 11,6%-عا ارتىق (ناقتى كولەمنىڭ ءوسىمى 8,5%-عا كوپ).

2021 جىلدىڭ ۇقساس كەزەڭىندە سەكتورعا سالىنعان ينۆەستيتسيا 978 ملرد تەڭگەنى قۇراعان بولاتىن. ءبىر جىلدا 1,9%-عا ارتقان.

وڭىرلىك بولىنىستە كولىك-لوگيستيكا سەكتورىنداعى ينۆەستيتسيالاردىڭ ەڭ كوپ كولەمى – الماتىدا. وندا كورسەتكىش – 155,2 ملرد تەڭگە، جىلدىق ءوسىم — قۇندىق ماندە بىردەن 45,2%-عا كوبەيگەن. كوشباسشىلار ۇشتىگىنە اتىراۋ (149,5 ملرد تەڭگە، جىلدىق ءوسىم 2,9 ەسە كوپ) جانە الماتى (111,6 ملرد تەڭگە، جىلدىق ءوسىم 24,6%-عا از) وبلىستارى دا كىردى.

سالاداعى ينۆەستيتسيالاردىڭ ايتارلىقتاي ءوسىمى اتىراۋ وبلىسىندا تىركەلدى.

سەكتورداعى ەڭ كوپ كولەمدەگى ينۆەستيتسيا كاسىپورىنداردىڭ ءوز قاراجاتى ەسەبىنەن قامتاماسىز ەتىلدى. كورسەتكىش 614,7 ملرد تەڭگەنى نەمەسە 56,3%-دى قۇرايدى.

رەسپۋبليكالىق بيۋدجەت قاراجاتى ەسەبىنەن ينۆەستيتسيالار 223,3 ملرد تەڭگەنى ء(بىر جىلدا 22%-عا كوپ), جەرگىلىكتى بيۋدجەت قاراجاتى ەسەبىنەن -114,9 ملرد تەڭگەنى ء(بىر جىلدا 9,3%-عا از) قۇرادى. بانكتىك ەمەس قارىز قاراجاتى 50,1%-عا، ياعني 102,1 ملرد تەڭگەگە دەيىن قىسقاردى. بانكتىك قارىزدار، كەرىسىنشە، 3,1 ەسەگە، 36,4 ملرد تەڭگەگە دەيىن ۇلعايدى.

Abai.kz