"اق جول" پارتياسىنىڭ مۇشەسى فۋات ساتىباەۆ ءماجىلىس دەپۋتاتى رەتىندە انت بەردى. بۇعان دەيىن ورتالىق سايلاۋ كوميسسياسى فۋات ساتىباەۆتى ءماجىلىس دەپۋتاتى رەتىندە تىركەگەن بولاتىن. كونستيتۋتسياعا سايكەس، جاڭادان سايلانعان دەپۋتات قازاقستان حالقىنا انت بەرەدى.

تومەنگى پالاتا سپيكەرى ەرلان قوشانوۆ جاڭا ارىپتەسىن قىزمەتىمەن قۇتتىقتاپ، جۇمىسىنا تابىس تىلەدى. سونداي-اق فۋات ساتىباەۆ ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ قۇرامىنا سايلاندى.

فۋات سايداحمەتۇلى ساتىباەۆ 1965 جىلى سەمەيدە تۋعان. سەمەي مەملەكەتتىك مەديتسينا ينستيتۋتىن تامامداعان. حيرۋرگ-دارىگەر، دەنساۋلىق ساقتاۋ سالاسىنىڭ قۇرمەتتى قىزمەتكەرى. بۇعان دەيىن "اق جول" پارتياسىنان سايلانعان پاۆلودار وبلىستىق ءماسليحاتىنىڭ جەتىنشى شاقىرىلىم دەپۋتاتى بولدى.

Abai.kz