جۇما, 29 ناۋرىز 2024
قاينايدى قانىڭ... 2774 16 پىكىر 28 قاراشا, 2022 ساعات 13:37

ەكىباستۇزدى جىلۋسىز قالدىرعان - كلەبانوۆ

پاۆلودار وبلىسىنداعى ەكىباستۇز قالاسى كەشەدەن بەرى قاقاعان ايازدا جىلۋسىز وتىر. 27 قاراشانىڭ تۇنىندە جىلۋ ەلەكتر ورتالىعىندا اپات بولىپ، ءۇش قازاندىقتىڭ ىستەن شىققانى حابارلاندى.

«ساعات 01:30-دا جەلىلىك سۋدى كوپ تۇتىنۋعا بايلانىستى №13, 14, 15 قازاندىق اگرەگاتتارى توقتاپ قالدى. قازىرگى ۋاقىتتا №8 جانە №14 قازاندىق قوندىرعىلارى ىسكە قوسىلۋدا. جوندەۋ بريگادالارى ۇيىمداستىرىلدى. جاقىن ارادا پارامەترلەر قالپىنا كەلتىرىلەدى»، - دەپ حابارلاعان بولاتىن جىلۋ ەلەكتر ورتالىعى.

بىراق جاعداي ۋشىققان سوڭ وڭىردە وبلىس اكىمى باستاعان جەدەل شتاب قۇرىلدى. ەكىباستۇزدىڭ ءبىلىم نىساندارى قاشىقتان وقىتۋ فورماتىنا اۋىستىرىلدى. بالاباقشالار جۇمىسىن توقتاتتى.

«قالادا ەۆاكۋاتسيامەن 123 ادام پاۆلودار قالاسىنا كوشىرىلدى. ەمدەۋ مەكەمەلەرىندە تەمپەراتۋرا سانيتارلىق نورماعا ساي، قالالىق اۋرۋحانادا 269 پاتسيەنت (ونىڭ ىشىندە 92 بالا), ال پەرزەنتحانادا 37 پاتسيەت (ونىڭ ىشىندە 19 بالا) بار. شۇعىل كومەك ۋاقتىلى كورسەتىلەدى. تەمپەراتۋرا رەجيمى ساعات سايىن باقىلانادى. اۆاريالىق جوندەۋ جۇمىسىنا 138 ادام جانە 35 تەحنيكا جۇمىلدىرىلدى. كۇننىڭ ءبىرىنشى جارتىسىندا 20 كوپپاتەرلى تۇرعىن ۇيگە قاتىستى ماسەلەنى تولىق شەشۋ جوسپارلانعان»، - دەلىنگەن اكىمدىك حابارلاماسىندا.

28 قاراشادا قالادا توتەنشە جاعداي جاريالاندى. ۆەدومستۆو مالىمەتىنشە، 17 كوپقاباتتى تۇرعىن ءۇي، بەس الەۋمەتتىك جانە 21 زاڭدى نىسان ءالى دە جىلۋسىز وتىر.

بۇگىن مەملەكەت باسشىسى قاسىم-جومارت توقاەۆ ۇكىمەتكە جانە وبلىس اكىمدىگىنە تاياۋ كۇندەرى ەكىباستۇزداعى جاعدايدى قالىپقا كەلتىرۋ، قالاداعى اۋىر احۋالعا جول بەرگەن ادامداردى جاۋاپقا تارتۋ جونىندە تاپسىرما بەردى.

«سونداي-اق پرەمەر-مينيستر ءاليحان سمايلوۆقا ەلىمىزدىڭ قالالارىنداعى پروبلەما ءجيى تۋىندايتىن ەنەرگەتيكالىق اكتيۆتەردى مەملەكەت مەنشىگىنە قايتارۋ ماسەلەسىن قاراستىرۋدى تاپسىردى. سەبەبى اتالمىش اكتيۆتەردى ساپاسىز باسقارۋ سالدارىنان جىلۋ ەلەكتر ستانسالارى اپاتقا ءجيى ۇشىراپ، تۇتىنۋشىلاردى ەلەكتر قۋاتىمەن ۇزدىكسىز قامتاماسىز ەتە الماي وتىر. ەكىباستۇزدا ورتالىق جىلۋ بەرۋدىڭ توقتاپ قالۋىنان حاباردار بولعان پرەزيدەنت قالا تۇرعىندارىنىڭ جاعدايىنا الاڭداۋشىلىق ءبىلدىردى. تۇرعىندارعا ءتيىستى كومەك بەرىلەدى. مەملەكەت باسشىسىنىڭ پىكىرىنشە، ازاماتتاردىڭ تۇرمىس-تىرشىلىگىنە قيىندىق تۋدىرۋعا جانە ولاردىڭ قۇقىن اياقاستى ەتۋگە جول بەرۋگە بولمايدى»، - دەپ جازدى پرەزيدەنتتىڭ ءباسپاسوز حاتشىسى رۋسلان جەلدىباي الەۋمەتتىك جەلىدەگى پاراقشاسىندا.

قازىرگى ۋاقىتتا قر ۇكىمەتى مەن باس پروكۋراتۋرانىڭ بىرقاتار جەو-نى مەملەكەت مەنشىگىنە قايتارۋ بويىنشا الدىن الا جۇمىس جۇرگىزىپ جاتقانى حابارلاندى.

«ەكىباستۇزداعى جاعدايعا قاتىستى. جەكسەنبى، 27 قاراشادا، جىلۋ جەلىلەرىندەگى جەلىلىك سۋدى كوپ تۇتىنۋعا بايلانىستى قالالىق جەو-دا قازاندىق اگرەگاتتارى توقتادى. وقيعا سالدارىن جويۋ بويىنشا شۇعىل تۇردە شتاب قۇرىلدى، اپاتتىق-قالپىنا كەلتىرۋ جۇمىستارى باستالىپ، جەدەل جەلى اشىلدى.

28 قاراشا، ساعات 11:00-دەگى جاعداي بويىنشا جەو-دا 6 قازاندىق جۇمىس ىستەپ تۇر. 129 كوپقاباتتى جانە 114 جەكە ءۇيدى، 11 الەۋمەتتىك نىساندى جىلۋمەن جابدىقتاۋ قالپىنا كەلتىرىلدى.

پروبلەمالىق ەنەرگەتيكالىق نىسانداردىڭ قىزمەتى ماسەلەلەرى بويىنشا جۇمىس وسى جىلدىڭ ناۋرىز ايىندا قۇرىلعان ەكونوميكانى دەمونوپوليزاتسيالاۋ جونىندەگى كوميسسيا شەڭبەرىندە دە جالعاساتىن بولادى»، - دەپ جازىلعان ۇكىمەت سايتىندا.

جەرگىلىكتى تۇرعىندار اپاتتىڭ بولۋىنا سەبەپكەر: بيلىكتىڭ ماسەلەگە ءجۇردىم-باردىم كوڭىل بولۋىنەن ەكەنىن ايتادى. جەو-نا تولىقتاي جوندەۋ جۇمىسى جۇرگىزىلۋ كەرەكتىگىنە قاراماستان، باسشىلىق وكىلدەرى ماسەلەگە ءمان بەرمەگەن. قىستىڭ ايازدى كۇندەرىندە جەو-دا ۇلكەن اپات بولۋى مۇمكىن ەكەنى جازدا حابارلانعان بولاتىن.

بۇل قازاقستاندىق وليگارح الەكساندر كلەبانوۆتىڭ مەنشىگىندەگى ەكىباستۇز جەو-دا بولىپ تۇرعان ەكىنشى اپاتتى وقيعا.

ەكىباستۇز تەتس-ىنە قوجالىق ەتىپ وتىرعان ادام – الەكساندر كلەبانوۆ دەگەن تەرەڭ قالتالى، دوڭشەكە وليگارح. ەكىباستۇز جەو-ىن «ەكىباستۇزجىلۋەنەرگو» جشس باسقارادى. بۇل جشس «پاۆلودارەنەرگو» اق-نىڭ ەنشىلەس قۇرىلىمى. ال «پاۆلودارەنەرگو» كلەبانوۆقا تيەسىلى «تساتەك» اق-نىڭ قۇرامىنا كىرەدى.

بيىل 20 ناۋرىزدا «پەتروپاۆل» جەو-2-دە ءۇش مۇرجانىڭ بىرەۋى قۇلاپ، قىزمەتكەرلەرىنىڭ ءبىرى ۇيىندىلەردى استىندا قالىپ، قازا تاپتى. وقيعاعا بايلانىستى قىلمىستىق ءىس قوزعالدى. 16 ماۋسىمدا «پەتروپاۆل «جەو-2 جۇمىسىن قالىپقا كەلتىرۋ ءۇشىن 17, 5 ملرد. تەڭگە جۇمسالاتىنى ايتىلدى.

11 تامىزدا «ەكىباستۇزجىلۋەنەرگو» جشس جىلۋ ەلەكتر ورتالىقتارى مەن ەكىباستۇزدىڭ جىلۋ جەلىلەرى جۇمىسىن قامتاماسىز ەتە المايتىنىن مالىمدەگەن. كلەبانوۆتىڭ باسقارۋىنداعى ەكىباستۇز جىلۋ جەلىلەرىنىڭ 70 پايىزدان استامى ابدەن توزعان.

ايتا كەتەيىك، الەكساندر كلەبانوۆ – قازاقستاننىڭ ەڭ باي 50 كاسىپكەرىنىڭ قاتارىنا كىرەدى. 2022 جىلدىڭ كوكتەمىندە ونىڭ بايلىعى 580 ميلليون دوللارعا جەتكەن. قازىرگى تەڭگە باعامى بويىنشا 270 ميلليارد تەڭگە. كلەبانوۆتىڭ ەكس-پرەزيدەنت نۇرسۇلتان نازارباەۆتىڭ تۋعان ءىنىسى بولات نازارباەۆتىڭ وتباسىمەن تىعىز قارىم-قاتىناستا ەكەنى ايتىلىپ ءجۇر. ونىڭ بولات نازارباەۆتىڭ سەنىمدى وكىلى ەكەنى ايتىلادى.

ايجان تەمىرحان

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3555