ەكىباستۇزدا 25 كوپقاباتتى تۇرعىن ءۇي مەن 90 جەكە ۇيگە ءالى جىلۋ بارمادى، دەدى  پاۆلودار وبلىسىنىڭ اكىمى ابىلقايىر سقاقوۆ.

"29 قاراشا كۇنى تاڭەرتەڭ 25 كوپپاتەرلى ءۇي مەن 90 جەكە ءۇيدىڭ جىلۋ جەلىلەرىندە پروبلەمالار تۋىندادى. بۇل ۇيلەرگە ءالى جىلۋ بارمادى. جەلىلەردە ىستىق سۋ بار. ءبىز بۇل ۇيلەردىڭ ىشكى جىلۋ جۇيەسىن قالپىنا كەلتىرۋىمىز كەرەك", - دەدى سقاقوۆ.

ونىڭ ايتۋىنشا، ءتورت قازاندىقتى توقتاتۋ ناتيجەسىندە جىلۋ-ەنەرگەتيكالىق ورتالىق (جەو) تومەندەتىلگەن كۇشپەن جۇمىس ىستەدى.

قازىر 10 قازاندىقتىڭ التاۋى جۇمىس ىستەيدى. 25 بريگادا مەن 37 تەحنيكا تارتىلدى. باسقا قالالاردان كومەككە ماماندار كەلگەن. جىلۋسىز قالعان تۇرعىندارعا جىلۋ قۇرالدارىن جەتكىزۋ ۇيىمداستىرىلعان.

Abai.kz