بۇلار دا از قالدى...
بۇرىن مينيسترلىكتىڭ تىزگىنىن ۇستاپ، تۇكىرىگى جەرگە تۇسپەسە دە، وقىعانى مەن توقىعانى مول سەكسەننىڭ سەڭگىرىنەن اسقان كورشىم كورگەن جەردە اعىنان جارىلدى.
- «الماتى اقشامىنان قالي سارسەنباي كەتىپ قالىپتى عوي. جۇرە بەرگەنى دۇرىس ەدى.
- ول رەسپۋبليكالىق گازەتكە باس رەداكتور بولىپ ءوسىپ كەتتى.
- جۇرە بەرگەنى دۇرىس ەدى. سول كەزدە «اقشامدى» ۇزبەي وقۋشى ەدىم.
- ەندى «انا ءتىلىن» وقىڭىز.
ول قاققان شەگەدەي تەسىلە قارادى دا:
- وسى جازۋ جازعاننىڭ ءبارى جۋرناليست پە؟ – دەدى.
- جوق. ونىڭ ىشىندە گازەت شىعارۋ دەگەن ءجۋرناليستىڭ ءجۋرناليسى عانا شىدايتىن تىرلىك.
- ءبىز كەزىندە گازەتتىڭ باس ماقالاسىنان قورقۋشى ەدىك. وعان اق بولىپ ىلىكسەڭ – اقسىڭ، قارا جاعىلسا، سۇرتە الماي اۋرەگە تۇسەسىڭ. گازەتتىڭ ءرولى كۇشتى ەدى.
- قازىر دە ءالسىز ەمەس، تەك وقۋ كەرەك، جازىلۋ كەرەك.
- شەرحاننىڭ شەكپەنىنەن شىققان جۋرناليستەر مىقتى دەيدى عوي. قالي دا سونىڭ ءبىرى مە؟ ەندى «انا تىلىنە» جازىلام، - دەپ اۋليە كىسى تىعىرشىقتاي بوپ تومپاڭداپ كەتىپ بارا جاتتى. قۇداي بىلەدى، پوشتا بولىمشەسىن بەتكە الدى.
بۇلار دا از قالدى...

قۋاندىق تۇمەنباي

Abai.kz