قازاقستاننىڭ سىرتقى ىستەر ءمينيسترى مۇحتار تىلەۋبەردى  ەقىۇ سىرتقى ىستەر مينيسترلەرى كەڭەسىنىڭ وتىرىسىندا رەسەي مەن ۋكراينا قاقتىعىسىنا توقتاۋ سالۋعا شاقىردى.

«بىزگە ەڭ الدىمەن، رەسەي مەن ۋكراينا اراسىنداعى جويقىن اسكەري قاقتىعىستى توقتاتۋ ءۇشىن ساياسي كۇش-قۋات كەرەك. اتالعان قاقتىعىس، سونداي-اق ەقىۇ اۋماعىنداعى باسقا دا شيەلەنىس وشاقتارى ەكونوميكالىق جانە ەكولوگيالىق ماسەلەلەردى ودان ءارى ارتتىرۋدا. وسى جاعدايدىڭ ءبارى ءبىزدىڭ بىرىككەن كۇش-جىگەرىمىزدى قاجەت ەتەدى. بۇل سىن-قاتەرلەردەن ءار مەملەكەت جەكە-جەكە اتتاپ وتە المايدى. ماسەلەنىڭ اۋقىمى ۇلكەن. سوندىقتان ۇيىمعا قاتىسۋشى مەملەكەتتەر بىرىگىپ ەقىۇ-نىڭ قۇندىلىقتارىن بەرىك ۇستانعانىن كورسەتۋى كەرەك", — دەدى ءسىم باسشىسى.

وتىرىس پولشانىڭ لودز قالاسىندا ءوتىپ جاتىر. سونداي-اق، "ورتالىق ازيا جانە گەرمانيا فەدەراتيۆتىك رەسپۋبليكاسى" مينيسترلىك كەزدەسۋىندە تىلەۋبەردى الەمدەگى گەوساياسي وزگەرىستەرگە جانە تاۋارلاردى، ونىڭ ىشىندە ازىق-تۇلىكتى جەتكىزۋدىڭ لوگيستيكالىق تىزبەگىنىڭ بۇزىلۋىنا بايلانىستى ترانزيتتىك-كولىك سالاسىنداعى ىنتىماقتاستىققا باسا نازار اۋداردى.

Abai.kz