ماماندار رەسەيدىڭ 74 ايماعىندا شوشقا تۇماۋى تىركەلگەنىن مالىمدەدى. بۇل تۋرالى روسپوترەبنادزوردىڭ ءباسپاسوز قىزمەتى حابارلادى. رەسەيدە تۇماۋ ۆيرۋسىنىڭ انىقتالعان نۇسقالارىنىڭ ىشىندە شوشقا تۇماۋى باسىم ەكەنى كورسەتىلگەن.

«تۇماۋ ۆيرۋستارى تابىلعانداردىڭ اراسىندا رەسەيدىڭ 74 سۋبەكتىسىندە شوشقا تۇماۋى دەپ اتالاتىن A (H1N1)-2009 شتاممى باسىم»، - دەپ حابارلايدى RT اگەنتتىگى. سونداي-اق تۇماۋمەن سىرقاتتانۋشىلىق وتكەن اپتامەن سالىستىرعاندا 18,5%-عا وسكەنى اتاپ ءوتىلدى.

قاراشانىڭ ورتاسىندا روسپوترەبنادزور رەسەي فەدەراتسياسىندا تۇماۋ ۆيرۋسىنىڭ ءۇش قاۋىپتى نۇسقاسىنىڭ بەلسەندىلىگىنىڭ ارتۋى تۋرالى ەسكەرتكەن ەدى. A (H1N1) 2009, A (H3N2) جانە B نۇسقالارى رەسەيدە كەڭ تاراپ جاتقانىن مالىمدەگەن بولاتىن.

Abai.kz