«ارسەلورميتتال تەمىرتاۋ» اق مەتاللۋرگيالىق زاۋىتىنىڭ كوكسحيميالىق وندىرىسىندە اپات بولىپ، ءبىر ادام قازا تاپتى.

«8 جەلتوقساندا «ارسەلورميتتال تەمىرتاۋ» اق مەتاللۋرگيالىق زاۋىتىنىڭ كوكسحيميالىق وندىرىسىندە ادام ولىمىنە اكەلگەن اپات بولدى. اپاتتان 1982 جىلى تۋعان قىزمەتكەر كوز جۇمدى. ارنايى كوميسسيا قۇرىلدى. وقيعانىڭ سەبەپتەرى انىقتالۋدا»، - دەلىنگەن كومپانيا حابارلاماسىندا.

ەسكە سالايىق، 28 قاراشادا «ارسەلورميتتال تەمىرتاۋدىڭ» ءوندىرىس مەكەمەسىندە اپات بولدى. 3 قاراشادا «ارسەلورميتتال تەمىرتاۋ» اق لەنين شاحتاسىندا اپات بولىپ، 5 كەنشى قازا تاپقان. وقيعا بويىنشا قىلمىستىق ءىس قوزعالعان بولاتىن.

Abai.kz