جاڭا جىلدان باستاپ ەڭ تومەنگى جالاقى 70 مىڭ تەڭگە بولماق
2023 جىلدىڭ 1 قاڭتارىنان باستاپ ەڭ تومەنگى جالاقى 70 مىڭ تەڭگە بولادى. ءماجىلىس دەپۋتاتتارىنىڭ ساۋالىنا جاۋاپ بەرگەن پرەمەر-مينيستر ءاليحان سمايىلوۆ بيىل رەسپۋبليكاداعى ەڭ تومەنگى جالاقى 60 مىڭ تەڭگەگە جەتكەنىن اتاپ وتەدى.
«بۇل 1,7 ملن جالدامالى جۇمىسشىنىڭ اقشالاي كىرىسىنىڭ ارتۋىنا وڭ ىقپالىن تيگىزگەن بولاتىن. وسى جىلى الەۋمەتتىك تولەمدەرگە ەكى مارتە يندەكساتسيا جاسالىپ، 4,1 ملن ادام قامتىلدى. ونىڭ ىشىندە 2,2 ملن زەينەتكەر بار.
2023 جىلدىڭ 1 قاڭتارىنان باستاپ ەڭ تومەنگى جالاقى مولشەرى 70 مىڭ تەڭگەگە دەيىن قوسىمشا ارتتىرىلاتىن بولادى»، - دەدى ۇكىمەت باسشىسى جاۋابىندا.
Abai.kz
