نازەركە يناقىنقىزى. جانسايانىڭ تاعدىرى

وڭتۇستىك استاناعا ءتان كۇندەلىكتى كۇيبەڭ تىرشىلىكتەن كەيىن كەش باتا ۇيىنە قايتقان جانداردىڭ ءوزى - قىزىقتى ءبىر فيلم. ءبىرى جۇمىستان شارشاپ كەلىپ، توسەگىنە جەتەر-جەتپەستەن سۇلاسا، ەندى ءبىرىنىڭ شارشاعانىن ۇيىندەگى ءسابي كۇلكىسى ۇمىتتىرىپ جىبەرەدى. ءبىرى كەشكى استىڭ قامىنا كىرىسىپ كەتسە، ەندى ءبىرىن دوستارىمەن كەزدەسۋ كەشى كۇتىپ تۇرادى. بۇگىنگى كۇن بىرىنە ءساتتى، بىرىنە ءساتسىز، ءبىرى ءۇشىن جاقسى، ءبىرى ءۇشىن جامان، بىرىنە قۋانىش سىيلاسا، ەندى ءبىرىن مۇڭايتقان كوپ كۇندەردىڭ كۇندەلىكتى كورىنىسى ەدى. وسىنداي كەشقۇرىم ۋاقىتتا الماتىنىڭ قاق ورتاسىنداعى كوپقاباتتى ۇيلەردىڭ بىرىندە ورنالاسقان پاتەردە مىناداي وقيعا بولىپ جاتى.

نازەركە يناقىنقىزى. جانسايانىڭ تاعدىرى

وڭتۇستىك استاناعا ءتان كۇندەلىكتى كۇيبەڭ تىرشىلىكتەن كەيىن كەش باتا ۇيىنە قايتقان جانداردىڭ ءوزى - قىزىقتى ءبىر فيلم. ءبىرى جۇمىستان شارشاپ كەلىپ، توسەگىنە جەتەر-جەتپەستەن سۇلاسا، ەندى ءبىرىنىڭ شارشاعانىن ۇيىندەگى ءسابي كۇلكىسى ۇمىتتىرىپ جىبەرەدى. ءبىرى كەشكى استىڭ قامىنا كىرىسىپ كەتسە، ەندى ءبىرىن دوستارىمەن كەزدەسۋ كەشى كۇتىپ تۇرادى. بۇگىنگى كۇن بىرىنە ءساتتى، بىرىنە ءساتسىز، ءبىرى ءۇشىن جاقسى، ءبىرى ءۇشىن جامان، بىرىنە قۋانىش سىيلاسا، ەندى ءبىرىن مۇڭايتقان كوپ كۇندەردىڭ كۇندەلىكتى كورىنىسى ەدى. وسىنداي كەشقۇرىم ۋاقىتتا الماتىنىڭ قاق ورتاسىنداعى كوپقاباتتى ۇيلەردىڭ بىرىندە ورنالاسقان پاتەردە مىناداي وقيعا بولىپ جاتى.

كۇنى بويى جۇمىستان قولى بوساماي، كەش باتا ۇيىنە ورالعان جۋرناليست قىز توردەگى ديۆانعا جانتايا كەتتى. ەرمەك بولسىن دەپ تەلەديداردى قوسىپ، ارنالاردى اۋىستىرا باستادى. سوڭىندا نازارىن مالاحوۆتىڭ «پۋست گوۆورياتىنا» توقتاتتى. ءارتۇرلى وقيعالاردى قوزعايتىن توكشوۋدىڭ بۇل جولعى تاقىرىبى «تۋرەتسكي گامبيت» ەكەن. ويلاماڭىزدار، بۇل جەردە فيلم ەمەس تالقىعا تۇسكەن. مۇنداعى باستى كەيىپكەر - تۇركيانىڭ گۇلسۋم ەسىمدى ازاماتشاسى. 2008 جىلى جول اپاتىنا ۇشىراپ، اۋىر حالدە اۋرۋحاناعا تۇسكەن بەلگىسىز ازاماتتى دارىگەرلەردىڭ «ادام بولمايدى» دەگەنىنە قاراماستان ءتورت جىل بويى ءوز بالاسىنداي باعىپ كەلگەن تۇرىكتىڭ بۇل ايەلى بۇگىندە كۇللى رەسەيگە تانىمال بولىپ وتىر. ۇلتىنان، ءتىلى مەن دىنىنەن، اتى-ءجونى، بۇرىنعى ومىرىنەن بەيحابار بولا تۇرا بار انالىق ماحابباتىن وسى بەلگىسىز جانعا ارناعان ايەلدى قالايشا قۇرمەتتەمەۋگە بولادى؟! باعدارلاما بارىسىندا تۇسىرىلگەن سيۋجەتتەردى كورە وتىرىپ، جالعىز وسى ۇيدەگى قىزدىڭ عانا ەمەس، بارلىق كورەرمەندەردىڭ كوزىنە جاس كەلگەنى انىق. بۇل بەينەماتەريال جايىندا ءجۇز رەت ەستىگەننەن گورى، ءبىر رەت كورگەن ارتىق.

باعدارلامادان كەيىن تەرەڭ وي تۇڭعيىعىنا سۇڭگىگەن قىزدى تەلەفوننىڭ شىرىلى شىنايى ومىرگە قايتارىپ العان-دى. دەرەۋ تۇتقانى كوتەردى. ارعى جاعىنان:

- سالەمەتسىز بە، بيبىگۇل! بۇل مەن عوي نازەركە.

- ءيا، نازەركە، قالىڭ قالاي؟

- شۇكىر، بارلىعى جاقسى. جاڭا تەلەديداردان مالاحوۆتىڭ باعدارلاماسىن كورىپ ءسىز ەسىمە ءتۇسىپ كەتتىڭىز. سودان بىردەن سىزگە حابارلاسىپ جاتقانىم عوي.

- ءيا، ءيا. مەن دە كوردىم ول باعدارلامانى. قىزىق ەكەن، مەنى نەگە ەسىڭە الدىڭ؟

- وسىدان بىرەر جىل بۇرىن ءوزىڭىز جۇرگىزگەن «ايالى الاقان» باعدارلاماسىنان جانسايا ەسىمدى قىزدىڭ ءومىرى جايلى كورگەن ەدىم. قولدارى جوق بولىپ تۋىلعان ءبۇلدىرشىننىڭ ومىرگە قۇشتارلىعىن كورىپ، جۇرەگىم قاتتى اۋىرعان بولاتىن.

- ءبارى ەسىمدە عوي، ءبارى... مەن دە جۇرەگى ماحابباتقا، مەيىرگە تولى تۇرىك ايەلىنىڭ ارقاسىندا بەتى بەرى قاراعان جاس جىگىتتى كورىپ وتىرىپ، تالاي وقيعانى ەسىمە الىپ وتىرمىن. ءيا، قولدارى جوق بولسا دا اياعىمەن تاماق جەپ وتىرعان جانسايانىڭ بەينەسىن قالايشا ۇمىتۋعا بولادى؟!

- گۇلسۋمنىڭ بەينەسى جانساياعا ون ءبىر جىل بويى قامقور بولعان بالالار ءۇيىنىڭ تاربيەشىسى، اتى ەسىمدە قالماپتى، ۇلتى تاتار ايەلگە قاتتى كەلەدى ەكەن.

- سەن بىلەسىڭ بە، مەن دە ءدال سولاي ويلاپ وتىرعانمىن. مەنىڭ ويىمدى وقىپ ۇلگەرىپسىڭ. وسى كەزدە مەن باعدارلامانى ەگىلىپ جىلاپ كورىپ وتىرمىن. گۇلسۋم اناعا دەگەن مەنىڭ تاڭدانىسىم مەن سۇيىسپەنشىلىگىمدە شەك جوق.ادامعا ادامنىڭ جانى اشۋى كەرەك. ارقاشان كومەك قولىن سوزۋ وسى كۇنى كوبىنىڭ اۋىزشا عانا ىستەيتىن ءىسى بولىپ قالسا كەرەك. تۇركيانىڭ ءبىر عانا وتباسى بارشا ادامزاتقا ۇلگى بولارلىق ءىس جاسادى. قالاي ايتقان كۇندە دە، بۇل ومىردە جاقسى ادامداردىڭ ءالى بار ەكەندىگىنىڭ ءبىر كورىنىسى بولدى. جانسايانى باققان تاربيەشىنىڭ دە ەڭبەگىن ايتپاي كەتۋگە بولمايدى. قولسىز تۋىلعان ءبۇلدىرشىندى بولمەي، ءتىپتى وزگە بالالاردان ارتىق جاقسى كورگەن ايەلدى ءوز باسىم قۇرمەت تۇتامىن.

- جاڭارتپاساڭ جادىڭداعى دا وشەدى. ەلدىڭ ەسىندە ەندىگى جانسايا قىز قالماعان دا شىعار.

- جوق، نازەركە، مەن ولاي ويلامايمىن. ءالى كۇنگە دەيىن مەنىڭ "ايالى الاقانىمداعى" كەيىپكەرلەردى حالىق ۇمىتا قويعان جوق. ەلەكتروندى پوشتاما كۇنى بۇگىنگە دەيىن كورەرمەندەر حابارلاسۋدا... -دەپ اۋىر كۇرسىنگەن بيبىگۇلدىڭ اڭگىمەسى مەنى ءبىر ءسات كوز الدىما تەلەارناداعى ءبىز بىلە بەرمەيتىن جۋرناليستەردىڭ كۇندەلىكتى قاربالاس ءومىرىن ەلەستەتتى.

تەلەفوننىڭ ارعى جاعىنان شىققان «سىزگە نە بولدى؟ ءبارى دۇرىس پا؟» دەگەن سوزدەردى بۇل كەزدە جۋرناليست قىزدىڭ ەستىگەن ەستىمەگەنى ءبىر وزىنە عانا ءمالىم ەدى. جاڭبىردىڭ تامشىسىنداي ءمولدىر جاستارى ءبىر بىرىمەن تالاسا، جارىسا اعىپ جاتقانداي بولىپ كورىندى. نەگە؟ نە ءۇشىن؟ ونى دا تەك بيبىگۇلدىڭ ءوزى ءبىلۋشى ەدى. قانشاما جارىمجان بالالارمەن جۇمىس ىستەگەن ونىڭ بىلەرى كىم-كىمنەن بولماسىن ارتىق ەكەنى انىق.

Abai.kz