سەمەيدەگى  جەو-1-دە ءورت شىقتى. بۇل تۋرالى توتەنشە جاعدايلار مينيسترلىگىنىڭ ءباسپاسوز قىزمەتى مالىمدەدى.

«15 جەلتوقساندا ساعات 00:34-تە اباي وبلىسىنىڭ سەمەي قالاسىندا 1-جەو-دا ۇزىندىعى 6 مەتر الاڭدا ترانسپورتەر لەنتاسى مەن ەلەكتر كابەلدەرى جانعان بولاتىن. ساعات 1.36-دا ءورت تولىعىمەن ءسوندىرىلدى. ءورت سالدارىنان قاتتى وتىن – كومىر بەرۋ جۇيەسىنىڭ جۇمىسى توقتاتىلدى. ساعات 10-نان باستاپ توتەنشە جاعدايلار جانە قورعانىس مينيسترلىكتەرى اسكەري بولىمدەرىنىڭ اسكەري قىزمەتشىلەرى ۇزدىكسىز رەجيمدە قازاندىق اگرەگاتتارىنا قاتتى وتىندى قولمەن سالۋ جۇمىستارىن باستادى»، - دەلىنگەن ۆەدومستۆو حابارلاماسىندا.

قازىر سەمەيدە اۋا تەمپەراتۋراسى -30 گرادۋس ەكەنىن ايتا كەتەيىك.

Abai.kz