جۇما, 19 شىلدە 2024
دەپ جاتىر 2686 13 پىكىر 22 جەلتوقسان, 2022 ساعات 14:05

فينليانديا: رەسەيمەن سوعىسۋعا دايىنبىز!

فين ارمياسى ءدال قازىر ۋكراينا سەكىلدى سوعىسۋعا ساقاداي ساي تۇر. بۇل تۋرالى ەلدىڭ قورعانىس كۇشتەرىنىڭ قولباسشىسى، گەنەرال تيمو كيۆينەن «Bloomberg» اگەنتتىگىنە بەرگەن سۇحباتىندا ايتتى.

«ءبىز دە ءدال قازىر ۋكرايناداعىداي سوعىس جۇرگىزۋگە قابىلەتتىمىز. ايتارلىقتاي قورعانىس قابىلەتىمىز بار»، - دەدى.

گەنەرال كيۆينەن فينليانديا قازىرگى ۋاقىتتا جان باسىنا شاققانداعى «ەۋروپاداعى ەڭ ۇلكەن وت قۋاتىنا يە» ەكەنىن، ءوز ەلىنىڭ ءالى كۇنگە ناتو-عا كىرمەگەنىنە كوڭىلى تولمايتىنىن ايتقان.

«ءبىز قازىردىڭ وزىندە ناتو-عا مۇشە بولۋعا كەرەكتى اسكەري كريتەريلەرگە جاۋاپ بەرەمىز جانە قورعانىس شىعىندارىمىز ءجىو-ءنىڭ 2%-ىن قۇرايدى»، - دەدى كيۆينەن.

فينليانديا قارۋلى كۇشتەرىنىڭ باسشىسى ەلدە فرانتسيا مەن گەرمانيانى بىرىكتىرگەننەن دە كوپ ارتيللەريا بار ەكەنىن جانە قارۋلى قاقتىعىس بولعان جاعدايدا 280 مىڭعا دەيىن ساربازدى جۇمىلدىرا الاتىنىن اتاپ ءوتتى.

تيمو كيۆينەن بۇعان دەيىن فينليانديانىڭ رەسەيدىڭ بولجامدى شابۋىلىنا ونداعان جىلدار بويى دايىندالعانىن جانە سوعىس بولا قالسا، تاباندى تۇردە قارسىلىق كورسەتەتىنىن ايتقان. ول فينليانديانىڭ رەسەيمەن تىكەلەي قاقتىعىسىپ قالسا، «قاتتى جاڭعاققا» اينالاتىنىنا سەنىمدى.

2022 جىلدىڭ مامىر ايىندا ناتو-نىڭ باس حاتشىسى يەنس ستولتەنبەرگ فينليانديا مەن شۆەتسيانىڭ ناتو-عا كىرۋگە وتىنىشتەرىن قابىلدادى. تۇركيا بولسا شۆەتسيا مەن فينلياندياعا بىرنەشە شارت قويىپ، كەلىسسوزدەردىڭ باستالۋىنا توسقاۋىل قويدى.

بيىلعى MTV Uutiset جازعى ساۋالناماسىندا ۋكرايناعا جاسالعان شابۋىل فيندەردىڭ رەسەيگە دەگەن كوزقاراسىن ناشارلاتقانى بەلگىلى بولدى. ءاربىر بەسىنشى فين «رەسەي فينلياندياعا قارسى اسكەري ارەكەتى مۇمكىن» دەپ ەسەپتەيدى.

ساۋالناماعا قاتىسقانداردىڭ كوپشىلىگى سوعىس تۋرالى جاڭالىقتار الاڭداۋشىلىق تۋعىزاتىنىن ايتادى. ساۋالناماعا 1700 فين قاتىسقان. جالپى، ەگجەي-تەگجەيلى جاۋاپتاردا رەسەي ەشقاشان وزگەرمەيدى دەگەن وي باسىم. كسرو ىدىراعاننان كەيىن رەسەي دەموكراتياعا بەت بۇردى دەگەن ءۇمىت سەيىلگەن سياقتى.

كەرىمسال جۇباتقانوۆ

Abai.kz

13 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1281
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2010
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2067