ينتەرنەتتە «ەل بولاشاعىنا الاڭدايمىز» دەگەن تاقىرىپتا ارانداتۋشى اشىق حات پايدا بولدى. حاتتا ەل تاۋەلسىزدىگىنە قاۋىپ ءتوندىرىپ وتىرعان كەدەندىك وداق، اەس، مەملەكەتتىك ءتىل، كوشى-قون، جەمقورلىق ماسەلەلەرى دەي كەلىپ، «بۇل - كەلەسى پرەزيدەنتتىڭ كىم بولاتىنىنا بايلانىستى وتە ماڭىزدى ماسەلە» دەپ كورسەتىپ،  بيلىك اۋىسقان جاعدايدا استانا قالاسىنىڭ اكىمى يمانعالي تاسماعامبەتوۆتىڭ پرەزيدەنت بولۋىنا حالىقتى جان-جاقتى قولداۋ كورسەتۋگە شاقىرعان. حاتتىڭ سوڭىنا مۇحتار شاحانوۆ باستاعان زيالىلاردىڭ  رۋشىلدىققا، لاتىنا الىپبيىنە قارسى جازىلعان اشىق حاتتاردا قويىلعان قولداردى كوشىرىپ بەرە سالعان.

ءبىزدىڭ بىلۋىمىزشە، ارانداتۋشى اشىق حات بيلىكتەگى ازاماتتارعا دا كۇتپەگەن جاعداي بولعانعا ۇقسايدى. ءدال قازىر ول جاقتاعى ادامدار حاتتىڭ تەگىن تەكتەپ، قايدان شىققانى، كىمدەر جازعانى تۋرالى زەرتتەپ جاتقانعا ۇقسايدى.

ال، ءبىز وسى ماسەلەگە وراي مۇحتار شاحانوۆتىڭ پىكىرىن بەرىپ وتىرمىز.

مۇحتار شاحانوۆ:

- ەل بولاشاعىنا الاڭدايمىز دەگەن اشىق حات جاريالانىپتى. بۇل حاتتا ءبىزدىڭ اركەزدە ايتىپ، بيلىكتىڭ الدىنا قويىپ جۇرگەن ماسەلەلەرىمىز كورىنىس تاۋىپتى. جالپى كوتەرىپ وتىرعان پروبەلمالارى نەگىزىنەن دۇرىس. بىراق مۇنداعى ادىلەتسىزدىك مىنادا: يمانعالي تاسماعامبەتوۆتى پرەزيدەنتتىك ۇسىنادى. مۇنداي حاتقا ءبىز قول قويعان جوقپىز. ءتىپتى مۇنداي اڭگىمە بولعان دا ەمەس.

ينتەرنەتتە «ەل بولاشاعىنا الاڭدايمىز» دەگەن تاقىرىپتا ارانداتۋشى اشىق حات پايدا بولدى. حاتتا ەل تاۋەلسىزدىگىنە قاۋىپ ءتوندىرىپ وتىرعان كەدەندىك وداق، اەس، مەملەكەتتىك ءتىل، كوشى-قون، جەمقورلىق ماسەلەلەرى دەي كەلىپ، «بۇل - كەلەسى پرەزيدەنتتىڭ كىم بولاتىنىنا بايلانىستى وتە ماڭىزدى ماسەلە» دەپ كورسەتىپ،  بيلىك اۋىسقان جاعدايدا استانا قالاسىنىڭ اكىمى يمانعالي تاسماعامبەتوۆتىڭ پرەزيدەنت بولۋىنا حالىقتى جان-جاقتى قولداۋ كورسەتۋگە شاقىرعان. حاتتىڭ سوڭىنا مۇحتار شاحانوۆ باستاعان زيالىلاردىڭ  رۋشىلدىققا، لاتىنا الىپبيىنە قارسى جازىلعان اشىق حاتتاردا قويىلعان قولداردى كوشىرىپ بەرە سالعان.

ءبىزدىڭ بىلۋىمىزشە، ارانداتۋشى اشىق حات بيلىكتەگى ازاماتتارعا دا كۇتپەگەن جاعداي بولعانعا ۇقسايدى. ءدال قازىر ول جاقتاعى ادامدار حاتتىڭ تەگىن تەكتەپ، قايدان شىققانى، كىمدەر جازعانى تۋرالى زەرتتەپ جاتقانعا ۇقسايدى.

ال، ءبىز وسى ماسەلەگە وراي مۇحتار شاحانوۆتىڭ پىكىرىن بەرىپ وتىرمىز.

مۇحتار شاحانوۆ:

- ەل بولاشاعىنا الاڭدايمىز دەگەن اشىق حات جاريالانىپتى. بۇل حاتتا ءبىزدىڭ اركەزدە ايتىپ، بيلىكتىڭ الدىنا قويىپ جۇرگەن ماسەلەلەرىمىز كورىنىس تاۋىپتى. جالپى كوتەرىپ وتىرعان پروبەلمالارى نەگىزىنەن دۇرىس. بىراق مۇنداعى ادىلەتسىزدىك مىنادا: يمانعالي تاسماعامبەتوۆتى پرەزيدەنتتىك ۇسىنادى. مۇنداي حاتقا ءبىز قول قويعان جوقپىز. ءتىپتى مۇنداي اڭگىمە بولعان دا ەمەس.

ءبىز رۋشىلدىققا قارسى ءبىر توپ ادام حات جازعانبىز. سول حاتقا ءۇن قاتقان ادامداردىڭ قولىن  بىرىنەن سوڭ، ءبىرىن كوشىرىپ بەرە سالىپتى. وسىنداي ادىلەتسىزدىككە بارۋ - بارىپ تۇرعان زيانكەستىك.

ينتەرنەت دەگەن جاقسى. ال، جامان جاعى وسىنداي وسەكتەرگە جول بەرەتىندىگى. رۋشىلدىق ماسەلەسىندە قانشاما ادام ءبىزدى قولداپ قول قويدى. ودان كەيىن لاتىن الىپبيىنە قارسى دا باس كوتەردىك. ويتكەن سەبەبى، بۇگىنگى تاڭدا قازاق حالقىنىڭ 60 پايىزى ءوز انا تىلىندە وقي المايدى، جازا المايدى. ونىڭ سىرتىندا قازاقتىڭ كوپ بولىگى اۋىلدان قالاعا كەلىپ، بازاردا اربا سۇيرەتىپ، ماشيناسىمەن ءارى-بەرى ادام تاسىپ، كۇزەتشى بولىپ كۇن كورىپ ءجۇر. سوندا لاتىن الىپبيىنە كوشكەندە ولار بالا-شاعالارىن اسىراي ما، جوق لاتىن ءالىپبيىن ۇيرەنە مە؟ مىنە، سودان كەلىپ قازاقتىڭ ۇلكەن بولىگى كيريلليتسادا قالىپ قويادى. سوعان قارسى ءبىز ءۇن قاتتىق.

بىراق، ءبىر ماسەلەگە تۇسىنبەيمىن، ءبىز قاي كەزەڭدە بولماسىن ەلدىك، ۇلتتىق مۇددەگە جانىمىزدى سالامىز. ال، ەندى وسى ماسەلە توڭىرەگىندە مەنىڭ ەستىمەگەن ءسوزىم قالمادى. ەشكىم مەنى بۇلاي بالاعاتتاعان ەمەس. ءتىپتى بىرەۋ بالاما، نەمەرە، شوبەرەلەرىمە ولاردىڭ ۇرپاعىنا شاحانوۆتىڭ جىرلارىن وقىتپايمىن دەپتى. نەبىر بالاعات سوزدەر جازىلعان. مىسالى، مەن قوناەۆتىڭ كەزىندە ءىستى بولىپپىن-مىس. ءبارى شىلعي وتىرىك. مەن ەشۋاقىتتا رۋعا بولىنبەگەن اداممىن.

سوندىقتان، مەنىڭ ۇعىمىمشا،عالامتوردا ەگەر بىرەۋ وي ايتاتىن بولسا، ار جاعىندا كىمنىڭ جازعانى كورىنىپ تۇرۋى كەرەك. وسىنداي قادامعا بارۋىمىز كەرەك. ايتپەسە، نەبىر بىلاپىت سوزدەردى، توبە شاشىڭ تىك تۇراتىن وسەكتەردى ەستىپ جاتىرمىز.

ال مىنا اشىق حاتتى كىم ۇيىمداستىردى؟ بۇل نە دەگەن سۇمدىق! ءبىز وسىنداي ادامداردى تاباتىنداي جاعدايعا كەلۋىمىز كەرەك. اركىم اۋزىنا كەلگەنىن ايتىپ، بىرەۋدىڭ سىرتىنان عايباتتاپ جاتادى.

شەشىمىن تاپپاي جاتقان ۇلتتىق ماسەلەلەر جەتەرلىك. ماسەلەن، مەملەكەتتىك ءتىل كۇنى بۇگىنگە دەيىن ورىستەمەي كەلە جاتىر. بارلىق مەملەكەتتەردە مەملەكەتتىك ءتىل تۋرالى زاڭ بار، بىزدە عانا جوق. تىپتەن ۇلكەن بيلىك باسىنداعىلار «قازاق ءتىلى باسقا تىلدەردى باسىپ وزىپ كەتپەۋى كەرەك» دەگەن پىكىر ايتتى. بۇل بارىپ تۇرعان ساۋاتسىزدىق.  باسقادا ۇلتتىق مۇددەلەرگە كەرەعار شارالار ءجۇرىپ جاتىر. سونىڭ ءبارىن دۇرىس كوتەرۋ كەرەك. بىراق، حاتتىڭ نەگىزىندە بىرەۋدى قىزمەتىنەن ىعىستىرىپ، ونىڭ ورنىنا قوي دەگەندى ءبىز ايتقان جوقپىز. مۇنى كىم جازدى؟ الدە ءبىزدىڭ ەلدىك، ۇلتتىق مۇددە توڭىرەگىندەگى پىكىرلەرىمىزدى كۇلكىگە اينالدىرعىسى كەلىپ، سونى العا تارتىپ، سودان جيرەندىرگىسى كەلىپ جازدى ما؟

P.S.

مۇحتار اعامەن جوعارىداعى اشىق حات تۋراسىندا اڭگىمەلەسىپ وتىرعانىمىزدا رەداكتسيامىزعا قوڭىراۋ شالىپ حابارلاسقان اقىن باقىتجان توبياقوۆ تا قاتتى كەيىگەن ۇنمەن «مىناۋ نە دەگەن ماسقارا؟ مەن مۇنداي حاتقا قول قوياتىن ادام ەمەسپىن. بۇل ناعىز ارانداتۋ عوي» دەدى.

Abai.kz