قازاقستاندىق شەنەۋنىكتەردىڭ شەتەلدىك بانكتەردە ساقتاعان 530 ملرد تەڭگەcى بار. بۇل تۋرالى مەملەكەتتىك كىرىستەر كوميتەتى بەرگەن مالىمەتتە كورسەتىلگەن.

LS- باسىلىمىنىڭ جازۋىنشا 354 مەملەكەتتىك قىزمەتكەر اقشاسىن 59 ەلدىڭ بانك ەسەپشوتىنا سالعان.

بۇل دەرەكتەر مەملەكەتتىك قىزمەتكەرلەردىڭ جانە ولاردىڭ جۇبايلارىنىڭ،  مەملەكەتتىك قىزمەتكەرلەرگە تەڭەستىرىلگەن ادامداردىڭ تابىسىن دەكلاراتسيالاۋ كەزىندە الىندى. جالپى سوما – 529,13 ملرد تەڭگەنى قۇراعان.

قازاقستاندىق شەنەۋنىكتەر اقشاسىن ءباا مەن سينگاپۋر مەملەكەتىندە ساقتاۋدى قۇپ كورەدى ەكەن. ەڭ كوپ قاراجات، 308,48 ملرد تەڭگە، ءباا بانكتەرىندەگى 22 ەسەپشوتقا سالىنعان. ودان كەيىنگى ورىنداعى سينگاپۋردىڭ قارجى قۇرىلىمدارىندا 158,04 ملرد تەڭگە، 5 ەسەپشوتتا ساقتالعان. شۆەيتساريادان اشىلعان 33 ەسەپشوتتا 36,08 ملرد تەڭگە بار.

قازاقستاننىڭ مەملەكەتتىك قىزمەتكەرلەرى ەڭ كوپ بانك ەسەپشوتىن – 95 ەسەپشوتتى رەسەيدەن اشقان، ول جەردە 3,26 ملرد تەڭگە بار. وتانداستاردىڭ اقش-تاعى 64 ەسەپشوتىندا 1,1 ملرد تەڭگە بار.

تومەندەگى كەستەدە تولىق مالىمەت كورسەتىلگەن.

Abai.kz