ۋكرايناداعى سوعىس تۋرالى ماقالا جازعانى ءۇشىن قازاقستاندىق Arbat.media باسىلىمى رەسەيدىڭ ۆلاديمير قالاسىنداعى لەنين اۋداندىق سوتىنا شاقىرتۋ الدى. ارىز بەرۋشى – رەسەي ارمياسىنىڭ 19-اسكەري پروكۋراتۋراسى، 56680 اسكەري بولىمشەسى. سوت وتىرىسى 17 اقپانعا بەلگىلەنگەن.

Arbat.media باسىلىمىنىڭ جازۋىنشا، شاقىرتۋ قاعازىندا "روسكومنادزوردىڭ ۆلاديمير وبلىستىق باسقارماسى باسىلىمداعى ۋكرايناداعى سوعىس تۋرالى ماقالادان شىندىققا سايكەس كەلمەيتىن جانە ساياسي ماندەگى قوعامدىق ماڭىزدى اقپارات جايلى جالعان مالىمەت بارىن انىقتادى" دەپ جازىلعان.

قازاقستاندىق باسىلىم بۇل ايىپپەن كەلىسپەيتىنىن مالىمدەدى.

ايتا كەتەيىك، بۇعان دەيىن رەسەيدىڭ اقپاراتتىق تەحنولوگيا جانە بۇقارالىق بايلانىس سالاسىن باقىلايتىن فەدەراتسيالىق قىزمەتى (روسكومنادزور) بىرنەشە قازاقستاندىق باسىلىمنان ۋكرايناداعى سوعىس تۋرالى ماتەريالدارىن الىپ تاستاۋدى تالاپ ەتكەن. بۇل جولى سوتقا شاعىمدانۋعا دەيىن جەتىپتى.

Abai.kz