جۋرناليست سەيىتقازى ماتاەۆتىڭ ۇلى اسەت ماتاەۆ ءماجىلىس سايلاۋىنا تۇسەتىنىن مالىمدەدى

ول بۇل تۋرالى الەۋمەتتىك جەلىگە جازدى. ء"ماجىلىس دەپۋتاتتىعىنا سايلاۋعا ءتۇسۋ نيەتىم بار. جەڭىسكە جەتكەن جاعدايدا مەنىڭ پارلامەنتتەگى داۋىسىم الماتى تۇرعىندارىنىڭ عانا ەمەس، بۇكىل قازاقستاننىڭ مۇددەسىن قورعايتىن بولادى.

مەنى ءار وڭىردەگى جاستار وكىلدەرى، قوعام قايراتكەرلەرى، ونەر قايراتكەرلەرى، بۇقارالىق اقپارات قۇرالدارىنداعى ارىپتەستەرىم قولداپ وتىر. ولار وزگەرىستەر مەن دامۋدى قالايدى. بىرەۋلەر دامۋدى سىرتتان ىزدەپ ءجۇر. ال مەن ءوز ءومىرىمدى قاسيەتتى وتانىممەن بايلانىستىرامىن. ءبىزدىڭ ۇرپاق كوپتەگەن ماسەلەنى شەشىپ، قازاقستاندى وركەنيەتتىڭ داڭعىل جولىنا باعىتتاي الادى دەپ سەنەمىن!", - دەپ جازدى ول.

ايتا كەتەيىك، 2022 جىلى جوعارعى سوتتىڭ قىلمىستىق ىستەر جونىندەگى سوت القاسى اكەلى-بالالى ماتاەۆتاردىڭ ءىسىن قاراپ، ولارعا قاتىستى 2016 جىلعى 9 جەلتوقسانداعى ۇكىمىنىڭ كۇشىن جويعان بولاتىن. سەيتقازى مەن اسەت ماتاەۆتاردىڭ ارەكەتتەرىندە قىلمىس قۇرامىنىڭ بولماۋىنا بايلانىستى ءىس جۇرگىزۋ توقتاتىلدى.

Abai.kz