قر پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى ەرۇلان جاماۋباەۆ الداعى ۋاقىتتا نازارباەۆ زياتكەرلىك مەكتەپتەرى مەن نازارباەۆ ۋنيۆەرسيتەتى شىعىندارىن ارنايى ەنداۋمەنت-قور جاباتىنىن ايتتى.

«جىل سايىن رەسپۋبليكالىق بيۋدجەتتەن نازارباەۆ زياتكەرلىك مەكتەپتەرى مەن نازارباەۆ ۋنيۆەرسيتەتىن قارجىلاندىرۋ ازايىپ كەلەدى. وسى ورايدا، ارنايى ەنداۋمەنت-قور قۇرۋ قاراستىرىلعان جانە وسى تۇرعىدا قارجىلاندىرۋ ىسكە اسىرىلادى. Jusan Bank اتالعان ءبىلىم بەرۋ مەكەمەلەرىن تىكەلەي قارجىلاندىرۋى ءتيىس دەگەن تۇجىرىم مۇلدە دۇرىس ەمەس. بىرىنشىدەن، Jusan Bank باسقا دا ەكىنشى دەڭگەيلى بانكتەر سياقتى كوممەرتسيالىق باعىتتا قىزمەت ەتەدى. ياعني، حالىقتىڭ قاراجاتىن تارتادى، ءوزىنىڭ كاپيتالىن قۇرادى، ەكونوميكاعا نەسيە بولەدى. ءوزىنىڭ تابىسى ەسەبىنەن اكتسيونەرلەر ديۆيدەنتتەرى وسەدى. ال اكتسيونەرلەر ءوز قاراجاتىن ەنداۋمەنت-قور اياسىندا نازارباەۆ زياتكەرلىك مەكتەپتەرىنە باعىتتاي الادى. سوندىقتان Jusan Bank-تەن تىكەلەي قارجىلاندىرۋ بولماۋى كەرەك»، - دەدى ەرۇلان جاماۋباەۆ سەناتتا تىلشىلەر سۇراعىنا جاۋاپ بەرە وتىرىپ.

سونىمەن قاتار ول قازىرگى كەزدە اتالعان نارىقتا تۇراقتى جۇمىس ىستەپ جاتقانىن ايتتى.

«اتالعان وقۋ ورىندارىنا بولىنگەن قاراجاتتىڭ باسىم بولىگى رەسپۋبليكالىق بيۋدجەت ەسەبىنەن قاراستىرىلىپ كەلدى. بولاشاقتا وقۋ ورىندارىنىڭ شىعىندارىن تولىقتاي اتالعان قور جاباتىن بولادى»، - دەدى مينيستر.

Abai.kz