ءسىم: "رەسەيدىڭ سوتى بىزگە جۇرمەيدى"
ۋكرايناداعى سوعىس تۋرالى ماقالا جاريالاعانى ءۇشىن رەسەي سوتىنان شاقىرتۋ العان قازاقستاندىق باسىلىم تۋرالى قازاقستان ءسىم تۇسىنىك بەردى.
ءسىم رەسەي سوتى بۇل ماسەلەدە رەسەي فەدەراتسياسىنىڭ ازاماتتىق ءىس جۇرگىزۋ زاڭناماسىنىڭ تالاپتارىنا سۇيەنگەنىن ايتادى.
«رەسەي فەدەراتسياسىنىڭ اۋماعىندا بەلگىلى ءبىر جاڭالىقتار رەسۋرسىن بۇعاتتاۋ ءۇشىن قابىلداعان شارالار رەسەيدىڭ ىشكى زاڭناماسىنا نەگىزدەلگەن. باسقاشا ايتقاندا، ونىڭ شەشىمدەرىنىڭ زاڭدى كۇشى جوق جانە قازاقستان رەسپۋبليكاسىنىڭ اۋماعىندا قولدانىلمايدى»، - دەدى ءسىم.
مينيسترلىك قازاقستان مەن رەسەي اراسىندا باق قىزمەتىنە سىرتقى ەلدىڭ ارالاسۋىن كوزدەيتىن شارتتار جوق ەكەنىن اتاپ ءوتتى. سونداي-اق، ءسىم Arbat media-نىڭ قازاقستان رەسپۋبليكاسىنىڭ زاڭناماسىن بۇزباعانىن ايتتى.
Abai.kz
