جۇما, 29 ناۋرىز 2024
بيلىك 1655 0 پىكىر 6 اقپان, 2023 ساعات 13:58

سۋ باسۋ قاۋپى ءتونىپ تۇرعان وڭىرلەر

قازگيدرومەت اقپان ايىنداعى سۋ تاسقىنىنا قاتىستى بولجامدى جاريالادى. اقپان ايىندا تەمپەراتۋرالىق فون جوعارىلاپ، قاتتى جاڭبىر جاۋعان جاعدايدا، قازاقستاننىڭ وڭتۇستىگى، وڭتۇستىك-شىعىسى مەن شىعىسىنداعى تاۋ وزەندەرىندە ەرىگەن قار جانە جاڭبىر سۋىنان اۋقىمدى تاسقىن بولۋى مۇمكىن.

الايدا قىس مەزگىلى اياقتالعان جوق.

قاراعاندى، ۇلىتاۋ، اقمولا، باتىس قازاقستان، اتىراۋ جانە اقتوبە وبلىستارىندا توپىراقتىڭ قاتۋ تەرەڭدىگى وتكەن جىلعى كورسەتكىشتەردەن ورتا ەسەپپەن 3 سم-دەن 84 سم-گە دەيىن ارتىق. اقمولا، سولتۇستىك قازاقستان جانە قوستاناي وبلىستارىندا بۇل كورسەتكىش وتكەن جىلعى كورسەتكىشتەرمەن سالىستىرعاندا ورتا ەسەپپەن 7 سم-دەن 40 سم-گە دەيىن كەم.

قازاقستاننىڭ جازىقتاعى وزەندەرى باسسەينىندە جينالعان قار جامىلعىسىنداعى سۋدىڭ قورى ايتارلىقتاي اركەلكىلىگىمەن سيپاتتالادى، ناقتىراق ايتساق، ول اقمولا، ۇلىتاۋ، قوستاناي، اقتوبە، باتىس قازاقستان جانە اتىراۋ وبلىستارىندا ورتاشا كوپجىلدىق ماننەن تومەن، ال قاراعاندى جانە سولتۇستىك قازاقستان وبلىستارىندا ورتاشا كوپجىلدىق ءماننىڭ شەگىندە.

كونسۋلتاتيۆتىك سينوپتيكالىق اۋا رايى بولجامىنا سايكەس، 2023 جىلدىڭ اقپان ايىندا ەل اۋماعىنىڭ باسىم بولىگىندە اۋا تەمپەراتۋراسى نورماعا جۋىق. ال رەسپۋبليكانىڭ وڭتۇستىك جانە شىعىس وڭىرلەرىندە نەگىزىنەن جىلى جانە جاۋىن-شاشىندى بولادى دەپ كۇتىلۋدە.

 

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1582
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3616