ەكىباستۇزدا جىلۋ جەلىسىندە جوندەۋ جۇمىستارى جۇرگىزىلۋىنە بايلانىستى تۇرعىندار تاعى جىلۋسىز وتىرۋعا ءماجبۇر، دەپ جازدى Ulysmedia.kz.

«ەكىباستۇزجىلۋەنەرگو» كومپانياسى قالاداعى كەيبىر نىسانعا جىلۋ بەرىلمەيتىنىن مالىمدەدى.

بيىل 13 اقپاندا ساعات 09:00-دەن 15:00-گە دەيىن ءاليا مولداعۇلوۆا كوشەسى، 102-دە جىلۋ جەلىسى جوسپارعا سايكەس جىلۋدان اجىراتىلادى، - دەپ جازىلعان حابارلامادا.

كومپانيا مالىمەتىنشە، جۇمىسشىلار ىلمەكتى ارماتۋرانى بولشەكتەپ، قۇبىردى جۋىپ-شايادى.

ايتا كەتەيىك، بۇدان بۇرىن پرەزيدەنت قاسىم-جومارت توقاەۆ پرەمەر-ءمينيستردىڭ ءبىرىنشى ورىنباسارى رومان سكليارعا جانە پاۆلودار وبلىسىنىڭ اكىمى اسايىن بايحانوۆقا ەكىباستۇز تۇرعىندارىنىڭ پاتەرلەرىندە جانە الەۋمەتتىك نىسانداردا تەمپەراتۋرا رەجيمىن تۇراقتاندىرۋ ءۇشىن بارلىق قاجەتتى شارانى قابىلداۋدى جۇكتەدى. سونىمەن قاتار جىلىتۋ ماۋسىمىن جانە جوندەۋ، قالپىنا كەلتىرۋ جۇمىستارىنىڭ بارىسىن تۇراقتى باقىلاۋدا ۇستاۋدى تاپسىردى.

كوپ ۇزاماي «پاۆلودارەنەرگو» اق  باسشىلىعى ەكىباستۇز قالاسىن جىلۋمەن تۇراقتى قامتۋ پروبلەماسى جىلىتۋ ماۋسىمى اياقتالعانعا دەيىن شەشۋ مۇمكىن بولمايتىنىن مالىمدەدى.

Abai.kz