«AMANAT» پارتياسى الماتى قالالىق فيليالى سايلاۋالدى شتابىنىڭ كەزەكتى وتىرىسى ءوتتى.

جيىنعا دەپۋتاتتىققا كانديداتتار، قالالىق شتاب مۇشەلەرى مەن اۋدان توراعالارى قاتىستى. القالى جيىننىڭ شىمىلدىعىن اشقان قالالىق سايلاۋالدى شتابىنىڭ جەتەكشىسى ستانيسلاۆ كانكۋروۆ پارتيا شتابىنىڭ ارالىق جۇمىسىن قورىتىندىلادى.

«سايلاۋدىڭ وتۋىنە ساناۋلى كۇندەر قالدى. وسى ۋاقىت ارالىعىندا شتاب مۇشەلەرى اۋقىمدى جۇمىستار جۇرگىزدى. بۇگىنگى كۇنگە 200 مىڭنان استام ادامدى قامتىعان 1000-عا جۋىق ءىس-شارا وتكىزىلىپ، بۇقارالىق اقپارات قۇرالدارىندا 200-دەن استام ماقالا، الەۋمەتتىك جەلىدە 71 مىڭنان استام پوست جاريالاندى. بۇل رەتتە پارتيا مەن شتاب مۇشەلەرىنە ناتيجەلى جۇمىسى ءۇشىن العىس ايتامىن»، — دەدى شتاب جەتەكشىسى س.كانكۋروۆ.

سونداي-اق، شتاب جەتەكشىسى «AMANAT» پارتياسىنان دەپۋتاتتىققا كانديداتتاردىڭ جۇمىسىنا مونيتورينگ جۇرگىزىلگەنىن جانە دە ۇمىتكەرلەردىڭ بەلسەندىلىگىن تىلگە تيەك ەتتى.

ءوز كەزەگىندە، «AMANAT» پارتياسى الماتى قالالىق فيليالىنىڭ توراعاسى مەيىرجان وتىنشيەۆ قالالىق پارتيا ۇيىمداستىرعان بارلىق كەزدەسۋلەر ەركىن، اشىق فورماتتا وتكەنىن، جيىنداردىڭ سانىنا ەمەس، ساپاسىنا ءمان بەرىلگەنىن، سايلاۋالدى باعدارلامانىڭ حالىققا تۇسىنىكتى تىلمەن جەتكىزىلگەنىن ەرەكشە اتاپ ءوتتى.

كەزدەسۋ سوڭىندا مەيىرجان وتىنشيەۆ ساياسي ناۋقان بارىسىندا بىرگە جۇمىس ىستەپ، قولداۋ كورسەتىپ جۇرگەن سەنىمدى وكىلدەرگە، شتاب مۇشەلەرىنە جانە پارتيا جاقتاستارىنا ۇگىت-ناسيحاتتىڭ سوڭعى اپتاسىندا جۇمىستى جانداندىرۋ كەرەكتىگىن العا تارتتى.

الماتى قالاسى ءماسليحاتى دەپۋتاتتارىنىڭ سايلاۋىندا پارتيالىق ءتىزىمدى ۇسىنعان «AMANAT» پارتياسى سايلاۋ قورىنىڭ قاراجاتىنان تولەندى.

Abai.kz