2023 جىلدىڭ 13-14 مامىر كۇندەرى ۋنيۆەرسيتەتىمىزدىڭ 95 جىلدىق مەرەيتويىنا وراي جانە ۇرپاقتار ساباقتاستىعىن نىعايتۋ ماقساتىندا «اتامەكەن» ينتەللەكتۋالدى پىكىرسايىس كلۋبىنىڭ ۇيىمداستىرۋمەن ءداستۇرلى «SHANYRAQ» CUP II اتتى ۋنيۆەرسيتەتىشىلىك پىكىرسايىس ءتۋرنيرى ءوتتى.  

2 كۇنگە سوزىلعان تۋرنيرگە 32 كوماندا قاتىسىپ، اقتىق كەزەڭگە 2 فراكتسيا ءوتتى. سونىمەن قاتار، تۋرنيرگە ءبىلىم الۋشى ستۋدەنتتەردەن بولەك 35 مەكتەپ وقۋشىسى قاتىسىپ، سۋپەر فينالدىق ويىندا مەكتەپ وقۋشىسى بولاتوۆ مەرەي پىكىرسايىستى. ءوزارا كىل مىقتىنى انىقتاۋ وڭاي بولمادى.

«ۇزدىك تالپىنىس» نوميناتسياسىمەن «وازيس» فراكتسياسى دۇيسەنباەۆ داستانبەك پەن بولاتكەرىم اررايانا اتانىپ، 20 000 تەڭگەمەن ماراپاتتالدى.

«ەڭ ۇزدىك تورەشى» نوميناتسياسىن گانيباەۆ بازاربەك جەڭىپ الىپ، 20 000 تەڭگە سىياقىمەن ماراپاتتالدى. «ەڭ ۇزدىك سپيكەر» نوميناتسياسىن ۋنيۆەرسيتەت تۇلەگى ابدۋل راحمانۇلى ابدۋلكارىم 40 000 تەڭگە جەڭدى، الايدا، ءوزىنىڭ جۇلدە قورىن ءبىلىم الۋشى ستۋدەنتتەر اراسىندا تاراتىپ بەرۋدى ءجون سانادى. نوميناتسيالاردىڭ جۇلدە قورىن «اتامەكەندىك» اعا بۋىندار تاعايىندادى.

جۇلدەلى ورىنداردىڭ قورىنا ارنايى 220 مىڭ تەڭگە كولەمىندە دەمەۋشىلىك كورسەتكەن ۋنيۆەرسيتەت تۇلەكتەرى قۇرمانبەك جۇماعالي مەن ەرجان ءجۇنىس ەكەن اتاپ ءوتۋ كەرەك.

3 ورىن يەلەنگەن «كوكتەن جوعارى» فراكتسياسى ابدىقايىمۇلى دىنمۇحاممەد پەن بايتلەس توعجان 50 000 تەڭگە جۇلدەمەن جانە ۋنيۆەرسيتەت رەكتورىنىڭ ديپلومىمەن ماراپاتتالدى.

2 ورىنعا «سيددحارتا» فراكتسياسى بولاتوۆ مەرەي مەن بايگالي البينا تابان تىرەپ، 70 000 تەڭگە جۇلدەگە يە بولىپ، ديپلوممەن ماراپاتتالدى.

جۇلدەلى 1 ورىندى «ماداراما مەن توبيراما» فراكتسياسى تاسقۇل تالعات پەن ابدىگاليەۆ رۋسلان جەڭىپ الىپ، 100 000 تەڭگەمەن، ديپلوممەن جانە «SHANYRAQ» CUP II كۋبوگىمەن ماراپاتتالدى.

ءتۋرنيردىڭ جابىلۋ سالتاناتىندا العىس سوزبەن باسقارما توراعاسى-رەكتور بيليالوۆ دارحان نۇرلانۇلى اشىپ، ستۋدەنت-جاستارعا قولداۋ ءبىلدىرىپ، قارجىلاي دەمەۋشىلىك جاساعان ەرجان ءجۇنىس پەن قۇرمانبەك جۇماعاليۇلىنا جانە وزگە دە دەمەۋشى بولعان اعا بۋىن وكىلدەرىنە العىسىن ءبىلدىردى.

ءوز كەزەگىندە ەرجان ءجۇنىس مىرزا «اتامەكەندىك» جاستاردى ءتۋرنيردىڭ وتۋىمەن جانە ۋنيۆەرسيتەتتىڭ مەرەيتويىمەن قۇتتىقتاپ، بۇل قولداۋدىڭ بارلىعى جاستار مەن تۇلەكتەر اراسىنداعى ۇرپاقتار ساباقتاستىعىن نىعايتىپ، بولاشاق مامانداردا ءوز ءبىلىم العان قاراشاڭىراعىنا قولداۋ جاساۋ مەسەندجىن دارىپتەۋ ەكەنىن اتاپ ءوتتى.

تۋرنير بارىسىندا «اتامەكەندىك» تۇلەكتەر بولسىن، قازىرگى ستۋدەنتتەر بولسىن وزدەرىنىڭ ءبىر وتباسى ەكەنىن تاعىدا ءبىر رەت دالەلدەدى. ۋنيۆەرسيتەت تۇلەكتەرىنىڭ قولداۋىمەن وسى تۋرنير ءداستۇرلى تۇردە جىلدا وتكىزىلەتىن بولادى.

دەمەۋشى بولعان بارلىق اعا بۋىن وكىلدەرىنە العىسىمىز شەكسىز.

«رۋحاني جاڭعىرۋ» جوبالىق كەڭسەسى

تۇلەكتەر قاۋىمداستىعى

اتامەكەن» يپك

Abai.kz