7 قىركۇيەكتەن الماتىدان ءيزرايلدىڭ تەل-اۆيۆ قالاسىنا ۇشاق قاتىنايدى.

«قر يندۋستريا جانە ينفراقۇرىلىمدىق دامۋ مينيسترلىگىنىڭ ازاماتتىق اۆياتسيا كوميتەتى قازاقستاندىق اۋە كومپانيالارمەن بىرلەسىپ ۇشۋ گەوگرافياسىن كەڭەيتۋ جانە حالىقارالىق رەيستەر سانىن ۇلعايتۋ بويىنشا جۇمىس جۇرگىزۋدە.

بيىلعى جىلدىڭ 7 قىركۇيەگىنەن باستاپ «ەير استانا» اۋە كومپانياسى Airbus 321 ۇلگىسىندەگى اۋە كەمەلەرىندە اپتاسىنا 2 رەيس (بەيسەنبى جانە جەكسەنبى) جيىلىگىمەن الماتى – تەل-اۆيۆ باعىتى بويىنشا تىكەلەي تۇراقتى جولاۋشىلار رەيستەرىن ورىنداۋدى باستاۋدى جوسپارلاپ وتىر»، - دەلىنگەن حابارلامادا.

ءمالىم ەتىلگەندەي، قازاقستان مەن يزرايل اراسىنداعى اۋە قاتىناسىنىڭ اشىلۋى ەلدەر اراسىنداعى ساۋدا-ەكونوميكالىق، ينۆەستيتسيالىق، تۋريستىك جانە مادەني ىنتىماقتاستىقتى دامىتۋدى جەدەلدەتۋگە مۇمكىندىك بەرمەك.

Abai.kz