قازاقستان ءوز مۇنايىن تاسىمالدايتىن كاسپي مۇناي كونتسورتسيۋىمى تەرمينالى (كتك) ورنالاسقان نوۆوروسسيسك پورتىنىڭ قاۋىپسىزدىگى ماسەلەسىن ساياسي دەڭگەيدە كوتەرەدى. مۇنى قازاقستان ەنەرگەتيكا ءمينيسترى الماسادام ساتقاليەۆ بۇگىن ۇكىمەت وتىرىسىنان كەيىن جۋرناليستەرگە بەرگەن سۇحباتىندا ايتتى.

"بۇل مۇناي تەرمينالىنىڭ تۇراقتى جۇمىس ىستەۋىنە مۇناي ءوندىرۋشى ءىرى كومپانيالار دا مۇددەلى", - دەدى الماسادام ساتقاليەۆ.

ونىڭ سوزىنشە، قازاقستان كتك قۇبىرىنا بايلانىپ قالماۋدى كوزدەپ وتىر.

"قازاقستان ءوز مۇنايىن ەكسپورتقا شىعارۋ جولدارىن ديۆەرسيفيكاتسيالاۋعا كىرىستى. باكۋ-جەيحان باعىتى بويىنشا كەلىسىم جاسالدى. باكۋ-سۋپسا مۇناي قۇبىرى بويىنشا، "درۋجبا" مۇناي قۇبىرى بويىنشا دا كەلىسسوز ءوتىپ جاتىر", - دەدى مينيستر.

كتك – قازاقستان مەن رەسەي جانە الەمدەگى جەتەكشى مۇناي ءوندىرۋشى كومپانيالار قاتىساتىن اسا ءىرى حالىقارالىق جوبا. قۇبىردىڭ ۇزىندىعى 1,5 مىڭ شاقىرىم. كتك نەگىزىنەن باتىس قازاقستان مۇنايى مەن رەسەي مۇنايىن تاسىمالدايدى.

Abai.kz