بۇل قوستاناي قالاسىنىڭ ورتالىق ساياباعىنىڭ ادامدار كوپ جۇرەتىن قاق ورتاسىنا قويىلعان ەسكەرتكىش. قاسىنان كۇندە وتەمىن. وتەمىن دە قالىڭ ويعا شومامىن. بۇل ەسكەرتكىش نەنى مەڭزەيدى، نەنى اڭعارتادى؟ تاماققا تويىپ الىپ، ەشتەڭەنى دە ويلاماي، قارىندى سيپاپ جاتا بەرەتىن قازاق دەگەن حالىقتىڭ جيىنتىق وبرازى ما؟

ءوزىمىز شەكارالاس وبلىس بولعان سوڭ، كورشىمىز رەسەيدەن كۇندە اعىلىپ كەلىپ جاتقان قالىڭ ورىسقا ماقتانا ايتار دۇنيەمىز بە، بۇل؟ الدە وسىنداعى ورىستار مەن ماڭگۇرت قازاقتاردىڭ «حالقىمىزدىڭ بۇگىنگى كەلبەتى وسىنداي» دەپ، بوتەن جۇرتقا ادەيى مازاق ەتۋ ءۇشىن ويلاپ تاپقان قۋلىعى ما؟

ايتپاقشى، مۇنىڭ اۆتورى دا ءوزىمىزدىڭ قازاق بولىپ شىقسا دا مۇلدەم تاڭ قالماسپىز.
بىزدەن تەك ءبىر عانا ءوتىنىش. جالقاۋ قازاقتىڭ جانىنا اراقتىڭ بوتەلكەسىن ۇستاعان ورىس مۇجىعىن قوسىپ قويسا، ناعىز ينتەرناتسيونالدىق، حالىقتار دوستىعىن جىرلاعان تاپتىرماس تاماشا ەسكەرتكىش بولىپ شىعار ما ەدى؟

سوسىن جاقىندا عانا وسىندا ات باسىن تىرەيتىن رەسەي «پاتشاسى» پۋتين كەلگەندە قۋانا كورسەتەر ەدىك. تاماشا باستاما ەمەس پە؟

جايبەرگەن بولاتوۆ

Abai.kz