دۇيسەنبى, 15 شىلدە 2024
تالقى 1933 14 پىكىر 12 قىركۇيەك, 2023 ساعات 12:58

مەكتەپتە حيدجاپ كيۋگە رۇقسات بەرۋ كەرەك پە، جوق پا؟

سۋرەت: الەۋمەتتىك جەلىدەن

ايتەۋىر اپتا سايىن ەلىمىزدى ويعا قالدىراتىن، سانامىزدى ءدۇر سىلكىندىرەتىن وقيعالار ورىن الىپ جاتادى. جاڭا وقۋ جىلى باستالعان ساتتەگى مەكتەپ شاكىرتتەرىنە قاتىستى سونداي ءبىر وقيعا قمدب ءمۇفتيات وقۋشى قىزداردىڭ مەكتەپكە ورامال تاعىپ بارۋىنا قاتىستى مالىمدەمە جاريالادى.

وندا: «شاريعات بويىنشا باليعات جاسىنا تولعان مۇسىلمان قىزعا ورامال تاعۋ – پارىز... ءمۇفتيات شاريعات بويىنشا باليعات جاسىنا تولعان مۇسىلمان قىزعا ورامال تاعۋ پارىز ەكەنىن جوققا شىعارعان ەمەس... مۇنى مۇسىلمان قاۋىمى تەرەڭ ءتۇسىنۋى ءتيىس. الايدا شاريعاتىمىز باليعات جاسىنا تولماعان قىزعا ورامال تاعۋدى مىندەتتەمەيدى. مۇنى دا مۇسىلمان جاماعاتى دۇرىس ءتۇسىنۋى كەرەك»، - دەلىنگەن.

بۇعان اتەيستىك تاربيەنىڭ شىرماۋىنداعىلار: «قمدب «اراب حاليفاتىنىڭ» شاريعاتىن «جاڭا قازاقستاندا» ورناتپاقشى ما؟» دەگەن داۋلى پىكىردى باق پەن الەۋمەتتىك جەلىدە قارداي بوراتتى. ولار ورىنسىز جەرگە پىشاق ۇرىپ، وزدەرىنشە ەكى قيسىندىق پايىمداۋلارىن العا تارتادى:

ەندى وسى جەردە سۇراق تۋادى: «باليعات جاسى» دەگەن قانشا جاس (جىل)? «اراب حاليفاتىنىڭ» العاشقى باسشىسى مۇحاممەد ايەلدىككە العان قايسى قىزدىڭ كۇيەۋگە تيگەندەگى جاسىن «باليعات» دەپ وتىر؟ ايشانىڭ با، الدە باسقاسىنىڭ ما؟ ءمۇفتيات نەگە وسىنىڭ انىقتاپ جازبايدى ەكەن ءا؟! الدە دۇمشە مولدالارعا تسيفر جازۋ دا كۇنا بولىپ قالعان با؟

ەكىنشىدەن، قمدب قازاقستانداعى قوعامدىق كوپ ۇيىمنىڭ ءبىرى عانا. مۇنداي ۇيىمدار قازاقستاننىڭ زاڭدارىن، كونستيتۋتسياسىن باسشىلىققا الۋى ءتيىس. الدە قمدب-عا ورتاعاسىرداعى «اراب حاليفاتىنىڭ» شاريعاتىن (زاڭناماسىن) زايىرلى قازاقستان رەسپۋبليكاسىنىڭ ازاماتتارىنا تاڭۋعا ارنايى قۇقىق بەرىپ قويعان با؟

سوندا وسىلايشا قمدب ءمۇفتياتىنىڭ دۇرىس ءسوزىن بۇرىسقا شىعارۋشىلاردىڭ كوزدەگەنى نە دەگەن ويعا قالادى ەكەنسىز!؟

بۇل ارادا قمدب ءمۇفتياتى بارشا مەكتەپتە وقيتىن قىزداردى ەمەس، تەك بەس ۋاقىت نامازىن قازا جىبەرمەيتىن قىزدارعا قاتىستى ءسوز قوزعاپ وتىر. سول سەبەپتى 1937 جىلداعىداي «باي مەن مولدانى قويداي قۋ قامشىلاي» دەيتىن زاماندى ورناتۋشىلاردىڭ اڭساعانى نە؟ قازاقتى دىنىنەن بەزدىرۋ مە؟ قازاقستاننىڭ زاڭدارىندا، كونستيتۋتسياسىندا ءدىني بوستاندىققا ەركىندىك بەرىلگەن. سوناۋ 1990 باستاپ، كۇنى بۇگىنگە دەيىن جالعاسقان ورمال تاقتى ەكەن دەپ شاكىرت قىزداردى اعاش اتقا مىنگىزۋشىلىككە ءدىن تۇرعىسىنان جاۋاپ بەرگەن قمدب ءمۇفتياتىنىڭ دۇرىس تىرلىگىن بۇرىس قىلۋدىڭ ارتىندا كىمدەر تۇر، سوندا؟!

Abai.kz

14 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1211
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1904
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1953