سەنبى, 2 ناۋرىز 2024
قوعام 2796 4 پىكىر 14 قىركۇيەك, 2023 ساعات 16:14

«ديكي ارماننىڭ» سوتى باستالدى...

بۇگىن قوعامدا «ديكي ارمان» لاقاپ اتىمەن تانىلعان قىلمىس الەمىنىڭ سەركەسى ارمان جۇماگەلديەۆ پەن كاسىپكەر قايرات قۇدايبەرگەننىڭ سوتى باستالدى.

اتى اتالعان ازاماتتاردىڭ ەكەۋى دە 2022 جىلعى قاڭتار وقيعاسىنان كەيىن ۇستالعان.

ا.جۇماگەلديەۆكە «قاڭتاردا» ادامداردى ۇرلاپ، ۇلتتىق قاۋىپسىزدىك كوميتەتى قىزمەتكەرىنىڭ نۇسقاۋىمەن ارەكەت ەتىپ، ادامداردى قىلمىستىق ارەكەتتەرگە يتەرمەلەدى دەگەن ايىپ تاعىلىپ وتىر.

ال ق.قۇدايبەرگەن جاپپاي تارتىپسىزدىكتى ۇيىمداستىرىپ، وعان قاتىستى جانە «ديكي ارمانمەن» ءسوز بايلاسۋى مۇمكىن دەگەن كۇدىككە ءىلىندى.

ارمان جۇماگەلديەۆ تە، قايرات قۇدايبەرگەن دە وزدەرىنە تاعىلعان بارلىق ايىپتى جوققا شىعاردى. سونداي-اق كۇدىكتىلەردىڭ تارابى سوتتىڭ جابىق ءوتۋىن تالاپ ەتتى.

ەستەرىڭىزگە سالا كەتەيىك، «ديكي ارمان» 2022 جىلدىڭ قاڭتار ايىنىڭ جەتىسى كۇنى قىلمىستىق توپتىڭ 6 وكىلىمەن بىرگە ۇستالعان. ۇستاۋ بارىسىندا كۇدىكتىلەردەن ماركالارى مەن كاليبرى ءارتۇرلى 4 جارتىلاي اۆتوماتتى تاپانشا جانە وق-دارىلەر، سۋىق قارۋ مەن بروندالعان اۆتوموبيل تاركىلەنگەن.

ال كاسىپكەر، سول كەزدەگى الماتى قالاسى ءماسليحاتىنىڭ دەپۋتاتى قايرات قۇدايبەرگەن 21 ساۋىردە ۋاقىتشا ۇستاۋ يزولياتورىنا قاماۋعا الىنعان. الدىن الا تەرگەۋدىڭ ناتيجەسىندە، ونىڭ «ديكي ارمانمەن» بىرگە «قازاقستان» قوناق ۇيىندە ادامدار جيناۋدى ۇيىمداستىرىپ، جۇماگەلديەۆتىڭ اينالاسىنا بىرىگۋگە، ونى قولداۋعا جانە بيلىكتىڭ بىرىڭعاي تالاپتارىن ۇسىنۋعا شاقىرعانى، سونداي-اق ادامداردى 10 ادامنان «ۇياشىقتار» بويىنشا ءبولىپ جانە ولاردىڭ توپتارىنىڭ ەرەكشەلىكتەرىنىڭ بەلگىسى رەتىندە قولدارىنا اق تاڭعىشتاردى تاڭۋعا نۇسقاۋ بەرگەنى انىقتالعان بولاتىن.

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 522
الاشوردا

قوجانوۆ مەجەلەۋ ناۋقانىندا

بەيبىت قويشىباەۆ 349
عيبىرات

قايسار رۋحتى عازيز جان

مۇحتار قۇل-مۇحاممەد 816