باس پروكۋرورىنىڭ ورىنباسارى تاعايىندالدى
مەملەكەت باسشىسىنىڭ وكىمىمەن عابيت امانگەلدىۇلى سادىربەكوۆ قازاقستان رەسپۋبليكاسى باس پروكۋرورىنىڭ ورىنباسارى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى، دەپ حابارلايدى اقوردانىڭ ءباسپاسوز قىزمەتى.
سادىربەكوۆ عابيت امانگەلدىۇلى 1978 جىلعى 3 ماۋسىمدا اقمولا وبلىسىندا تۋىلعان.
ءبىلىمى جوعارى، 1999 جىلى اباي اتىنداعى الماتى مەملەكەتتىك ۋنيۆەرسيتەتىن تامامداعان.
2001-2017 جىلدارى پروكۋراتۋرا ورگاندارىندا، 2017-2020 جىلدارى بانك سالاسىنداعى قىزمەت ەتكەن.
2020-2021 جىلدارى قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ كەڭەسشىسى بولعان.
2021 جىلعى 2 ناۋرىزدان 2022 جىلعى 8 قاڭتارعا دەيىن – قازاقستان رەسپۋبليكاسىنىڭ قارجىلىق مونيتورينگ اگەنتتىگى اپپاراتىنىڭ باسشىسى بولدى.
2022 جىلعى 8 قاڭتاردان قازىرگى ۋاقىتقا دەيىن – قازاقستان رەسپۋبليكاسىنىڭ قارجىلىق مونيتورينگ اگەنتتىگى توراعاسىنىڭ ءبىرىنشى ورىنباسارى لاۋازىمىندا بولدى.
ايتا كەتەيىك، مەملەكەت باسشىسىنىڭ وكىمىمەن ۇلان ساپارۇلى بايجانوۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنان بوساتىلدى.
Abai.kz
