كۇنى كەشە عابيدەن جاكەي، ماقسات ءىلياسۇلى، بولاتبەك ءبىلال باستاعان ازاماتتار «ۇلتشىل قازاقتار، بىرىگىڭدەر!» دەپ ۇران تاستاپ، قازاقن ايىندا ۇلتشىل قازاقتار قۇرىلتايىن وتكىزگەلى وتىرعاندارىن ايتىپ مالىمدەمە جاساعان ەدى (http://old.abai.kz/content/kyryltai-yltshyl-kazaktar-biriginder).

قۇرىلتايعا قاتىستى ءارتۇرلى پىكىرلەر ايتىلىپ جاتىر. ءبىز تومەندە تاۋەلسىز ساياساتكەر ءامىرجان قوسانوۆ پەن تاۋەلسىز جۋرناليست قاسىم امانجولۇلىنىڭ پىكىرىن بەرىپ وتىرمىز.

كۇنى كەشە عابيدەن جاكەي، ماقسات ءىلياسۇلى، بولاتبەك ءبىلال باستاعان ازاماتتار «ۇلتشىل قازاقتار، بىرىگىڭدەر!» دەپ ۇران تاستاپ، قازاقن ايىندا ۇلتشىل قازاقتار قۇرىلتايىن وتكىزگەلى وتىرعاندارىن ايتىپ مالىمدەمە جاساعان ەدى (http://old.abai.kz/content/kyryltai-yltshyl-kazaktar-biriginder).

قۇرىلتايعا قاتىستى ءارتۇرلى پىكىرلەر ايتىلىپ جاتىر. ءبىز تومەندە تاۋەلسىز ساياساتكەر ءامىرجان قوسانوۆ پەن تاۋەلسىز جۋرناليست قاسىم امانجولۇلىنىڭ پىكىرىن بەرىپ وتىرمىز.

ءامىرجان قوسانوۆ:
عابيدەن، ماقسات، بولاتبەك باۋىرلارىمىز ۇلتشىل كۇشتەردى بىرىگۋ جونىندەگى قۇرىلتاي وتكىزۋ تۋرالى ۇران تاستاپتى.
1. مەن بىرىگۋدىڭ كەز كەلگەن فورمۋلاسى مەن فورماسىن قولداپ كەلە جاتقان قازاقپىن. سوندىقتان بۇل يدەيانى دا قولدايمىن!
2. مەنىڭشە، بىرىگۋ ناقتى يدەيا مەن ونى جۇزەگە اسىرۋدىڭ جولدارى انىقتالعان ناقتى قۇجات نەگىزىندە بولۋى ءتيىس. مۇمكىن، قۇرىلتاي الدىندا جۇمىس توبىن قۇرىپ، سول جوبالاردى جەر-جەردە، ونىڭ ىشىندە الەۋمەتتىك جەلىلەردە، تالقىلاپ، سونداي مىقتى، پىسكەن قۇجاتتى قۇرىلتايعا ۇسىنۋ كەرەك بولار.
3. ءوز باسىم 15 جىل بويىنا اتسالىسىپ كەلە جاتقان "بىرىگۋ" يدەياسى ىلعي دا ءبىر كەدەرگىگە كەزىگىپ كەلەدى. ول "كىم باسشى بولادى؟" دەگەن ساۋال. مەنىڭشە، وسى پالە-ساۋالدان قۇتىلۋ ءۇشىن، العاشقى كەزەڭگە ۇجىمدىق باسشىلىق كەرەك. ونى دا ويلاستىرۋ قاجەت. جانە دە ۇلتتىق يدەيانى قولداپ جۇرگەن بارشا بەلسەندى ازاماتتاردى، توپقا نە بىرەۋدىڭ بىرەۋگە رەنىش نە وكپەسىنە قاراماي، مۇمكىنشىلىگىنشە تۇگەل قاتىستىرۋ قاجەت.
4. قارجىلاندىرۋ ماسەلەسى دە ماڭىزدى. بيلىككە نە بەلگىلى ءبىر جەكە قارجىلىق توپقا تەلىنىپ قالۋ كەلەشەكتە سۋبەكتيۆيزمگە، تاكتيكالىق قيىندىقتارعا الىپ كەلەدى. سول جاعىن دا انىقتاپ الۋ كەرەك.
5. قارجى جۇمسالىپ، جيىن وتەتىن بولسا، ونىڭ قازاقستان زاڭدارىنا سايكەس ءوتىپ، ەرتەڭگى كۇنى قۇجاتتارىنا ەشكىم تيىسە المايتىنداي بولعان ابزال.
6. جاڭاشا تاريحىمىزدا ۇلتشىلداردى بىرىكتىرۋدىڭ بىرنەشە باستاماسى بولعان. وكىنىشكە قاراي، ولار جۇزەگە اسپاي قالدى. شىنىن ايتساق، كوپشىلىك بىرىگە الاتىنىمىزعا سەنۋدەن قالىپ بارا جاتىر. تاعى دا ۇياتقا قالماۋ ءۇشىن (اسىرەسە، باسقا جۇرت الدىندا!) مۇنداي باستامانى كوتەرۋشىلەر مەن قولداۋشىلار قوعام الدىنداعى اسا زور جاۋاپكەرشىلىگىن سەزىنۋى ءتيىس دەپ ويلايمىن!
قاتارداعى قاتىسۋشى رەتىندە شاما-شارقىمشا ات سالىسۋعا مەن دايىن. باسقا قازاقتى دا سوعان شاقىرامىن!

ازىرشە ايتارىم وسى!

قاسىم امانجولۇلى:

مۇنداي جيىننىڭ بولعانى جاقسى، ارينە! قوس قولىمدى كوتەرىپ قولدار ەدىم، ەگەر:

- قۇرىلتاي وتكىزۋدىڭ الدىمەن جوباسى، جارعىسى تالقىلانسا;

- ونى وتكىزۋگە جاۋاپتى ۇيىمداستىرۋ كوميتەتى اشىق تۇردە جاساقتالسا;

- قۇرىلتايدا كوتەرىلمەك باستى ماسەلەلەر اقىلداسىپ ورتاعا سالىنسا;

- ەلدەگى بارشا ۇلتشىل كۇشتەر مەن ۇلتشىل بەلسەندىلەر بارىنشا قامتىلىپ، مالىمدەمەدەن بۇرىن كەلىسسوزدەر جۇرگىزىلسە;

- قۇرىلتايعا جۇمسالاتىن قاراجات كوزى بىرنەشەۋ جانە اشىق بولسا.

ال مىنا باستامانى ۇسىنۋشى ازاماتتاردىڭ ىسىندە اسىعىستىق بار سياقتى كورىنەدى. ادەيى كۇمان تۋعىزىپ، جۇمىسقا بەلسەنگەن جانداردىڭ ىسىنە كەدەرگى جاساۋ نيەتىم جوق، الايدا ءۇش ادامنىڭ باستاماسىمەن قۇرىلتاي شاقىرىپ، ۇلتقا ۇندەۋ جاريالاۋ ءجون ەمەس دەپ ويلايمىن. التاي مەن اتىراۋدىڭ ورتاسىن تۇگەل قامتيتىن، ەل بولاشاعىنا ءجون سىلتەيتىن، اتاۋى دا تىم كيەلى – قۇرىلتاي دەگەن ۇعىمدى كوكپارعا اينالدىرىپ الماساق ەكەن. بۇل شاقىرىلىپ جاتقان «قۇرىلتايدىڭ» ءساتتى وتەرىنە سەنبەسەم دە، قاتەلەسۋىمدى قاتتى تىلەيمىن. قالىس قالاتىنىمدى، بىراق قارسى جۇمىس جاسامايتىنىمدى ول ازاماتتارعا جەتكىزدىم دە.

Abai.kz