2007 جىلى كوكشەتاۋداعى اۋىلشارۋشىلىق مەكەمەسىنە ديرەكتوردىڭ ورىنباسارى بولىپ جۇمىسقا تۇردىم. سول كەزدە اقمولا وبلىسىنداعى سەگىز ەلەۆاتوردى ينگۋشتار جەكەشەلەندىرىپ العان ەكەن. جەرگىلىكتى قازاقتاردى «باران» دەپ اتايتىن ولارعا ءاي دەيتىن اجە قوي دەيتىن قوجا جوق. ءبىزدىڭ ۇكىمەت ەرەكشە باقىلاۋداعى نىساندار زاڭسىز جەكەشەلەنگەن دەپ ەلەۆاتورلاردى وزىنە قايتىپ الماق بولدى. تەگىن اقشا ءتۇسىپ تۇرعان ەلەۆاتوردى ينگۋشتەر بەرگىسى كەلمەي الەك. سونىمەن ءبىزدىڭ فيرما ماۋسىمعا ەكىجۇز مىڭ دوللار تولەپ 63 پايىز، ينگۋشتار ءجۇز مىڭ تولەپ 33 پايىز اكتسياعا يەلىك ەتەتىن بولدى. ءبىز كەلگەنگە دەيىن حالىقتىڭ ساقتاۋعا بەرگەن استىعىن ينگۋشتار ءوز استىعىنداي پايدالانىپ كەلگەن. كومبيناتتى ءبىز العاننان كەيىن ءوز ادامدارىمىزدى قويا باستادىق. كومبيناتقا كىرىپ شىعاتىن قاقپاعا ءوز ادامىمىزدى قويدىق.

 2007 جىلى كوكشەتاۋداعى اۋىلشارۋشىلىق مەكەمەسىنە ديرەكتوردىڭ ورىنباسارى بولىپ جۇمىسقا تۇردىم. سول كەزدە اقمولا وبلىسىنداعى سەگىز ەلەۆاتوردى ينگۋشتار جەكەشەلەندىرىپ العان ەكەن. جەرگىلىكتى قازاقتاردى «باران» دەپ اتايتىن ولارعا ءاي دەيتىن اجە قوي دەيتىن قوجا جوق. ءبىزدىڭ ۇكىمەت ەرەكشە باقىلاۋداعى نىساندار زاڭسىز جەكەشەلەنگەن دەپ ەلەۆاتورلاردى وزىنە قايتىپ الماق بولدى. تەگىن اقشا ءتۇسىپ تۇرعان ەلەۆاتوردى ينگۋشتەر بەرگىسى كەلمەي الەك. سونىمەن ءبىزدىڭ فيرما ماۋسىمعا ەكىجۇز مىڭ دوللار تولەپ 63 پايىز، ينگۋشتار ءجۇز مىڭ تولەپ 33 پايىز اكتسياعا يەلىك ەتەتىن بولدى. ءبىز كەلگەنگە دەيىن حالىقتىڭ ساقتاۋعا بەرگەن استىعىن ينگۋشتار ءوز استىعىنداي پايدالانىپ كەلگەن. كومبيناتتى ءبىز العاننان كەيىن ءوز ادامدارىمىزدى قويا باستادىق. كومبيناتقا كىرىپ شىعاتىن قاقپاعا ءوز ادامىمىزدى قويدىق.

ءبىزدىڭ ۇلىقساتىمىزسىز ينگۋشتار ەلەۆاتوردان كاماز كولىگىمەن استىق شىعارا باستادى. مەن شىعاتىن قاقپادا وتىرعان قىزمەتكەرگە ءار شىققان ماشينانى جازىپ وتىر دەپ تاپسىرما بەردىم. ماۋسىم بىتكەنشە ولار ەلەۆاتوردان زاڭسىز ءجۇز ماشينادان ءارى استىق شىعارىپ ۇلگەرىپتى. ماۋسىم بىتكەندە ولار: «ءبىزدىڭ قوسقان اقشامىزعا استىق بەرىڭدەر، ءبىز ءوز جونىمىزگە كەتەمىز» دەپ شارت قويدى. مەن قاي كۇنى، قاي ساعاتتا قانشا توننا استىقتى قانداي ءنومىرلى ماشينامەن الىپ كەتكەنىن ايتسام دا مويىندايتىن ەمەس. كۇزەتشىنى سوققىعا جىققان. مەن ءبىر ينگۋشتى ۇرىپ تاستادىم. قىزمەتكەرلەردىڭ ءبارىن قورقىتىپ قويعان. ولار كومبيناتتا ءوز ۇيلەرىندە جۇرگەندەي سەزىنەدى. پوليتسيا كەلىپ مەنى جاۋىپ تاستادى. ءۇش اي اباقتىدا جاتتىم. الماتىداعى گەنەرال اعامىزدىڭ ارالاسۋىمەن ارەڭ شىقتىم. ەلەۆاتور ەلگە ءالى جەتپەي جاتىر. مەملەكەتتىك ماڭىزى بار نىسانداردى ساتىپ كىرىپتار بولعان ءبىزدىڭ ۇكىمەتتىڭ ءجۇرىسى مىناۋ. ءوز وتانىندا ءوز مۇددەسى اياققا تاپتالعان نەتكەن سورلى ەل ەدىك! نان شىعارۋشى باقتيار دەگەن كاۆكازدىق بولسا ەشتەڭە بىلمەيمىن دەپ جولاتار ەمەس. نان جەتكىزۋشى قاسقا قۇداي بىلەدى دەپ ايتايىن، بۇل كەزدە تاياق جەپ اۋرۋحانادا جاتقان شىعار. بولماسا مەن قۇساپ تاكسيگە وتىرعان بولار...

Abai.kz