ەلباسيزمنىڭ بيزنەس سەركەسى كايرات بورانباەۆتىڭ باسىنا ءىس 2022 جىلدىڭ ناۋرىزىندا ءتۇسىپ، «مۇناي گاز ساتىپ الۋدا باعانى تومەندەتتى جانە زاڭداستىرۋدا ايلا-شارعىعا بارىپ، 14,5 ملرد تەڭگە جىمقىردى» دەگەن ايىپپەن سوت ءىسى سول جىلدىڭ جەلتوقسانىندا باستالعان بولاتىن.

بىراق باسىنان باعى تايعان ماگنات وزىنە قانشا جەردەن شاڭ جۋىتقىسى كەلمەسە دە، تەرگەۋ ونىڭ قىلمىسىن دالەلدەپ، ءبىر جىلدان كەيىن، ياعني، 2023 جىلى بورانباەۆ كىنالى دەپ تابىلىپ، مال-مۇلكى تارىكىلەنىپ، سىبايلاستارى، اتاپ ايتساق: «ازياگازچۋندجاداعى» جەمتىكتەسى رومان ناحانوۆ «Qazaq Gaz-داعى» سەرىگى تايىر جانۇزاقتارمەن بىرگە 8 جىلعا باس بوستاندىعىنان ايىرىلعان بولاتىن. بۇل سوت كەسىمى – قايرات ءۇشىن 6 جىل بولىپ بەكىگەندىگىن جاقسى بىلەمىز.

ءبىزدىڭ سايت كايرات بورانباەۆتىڭ جەگەنىن قالاي قۇسقانىن بۇعان دەيىن تولىقتاي جازىپ، بىرنەشە ماتەريال جاريالاعان بولاتىن. ەندى رەسمي تەرگەۋدە كورسەتىلگەندەرىن تىزە كەتەيىك:

الماتىداعى جەر تەلىمى بار قۇنى 686 ملن تەڭگە بولاتىن ال-فارابي كوشەسىندە 77/7-1 ورنالاسقان كوممەرتسيالىق عيارات;

حالىق بانكدەگى 1 ملرد 270 ملن 190 مىڭ تەڭگەلىك سالىمى;

تاپ وسى بانكىدەگى ءتۇرلى شوتتارداعى 5 ملن 685 مىڭ 727 دوللارى، 1 ملن 170 مىڭ 329 دوللارى، 755 ملن 859 مىڭ 601 تەڭگەسى، 193 ملن 170 مىڭ 137 تەڭگەسى تاركىلەندى.

تابيعي گازدى يمپورتتاعان كەزدە جىمقىرۋ فاكتىسى بويىنشا كەلتىرگەن ماتەريالدىق زيانى ءۇشىن 14,5 ميللياردا تەڭگەنىڭ ورنىن تولتىردى.

ءوز ەركىمەن مەملەكەتكە 90 ميللياردوۆ تەڭگەنىڭ اكتيۆىن قايتاردى.

رەسمي دەرەك بويىنشا، اقمولا وبلىسىنىڭ زەرەندى اۋداندىق سوتى ايىپكەر مەملەكەتكە كەلتىرگەن شىعىنىن تولىق تولەگەنى جانە تەرگەۋ بارىسىندا بۇكپەسىز ارەكەت ەتكەنى ءۇشىن ءارى جاساعان قىلمىسىنا وكىنەتىندىگىن نەگىزگە الا وتىرىپ، قايراتتىڭ وتەمەگەن جازا مەرزىمىن بوستاندىعىن شەكتەۋمەن الماستىرعان ۇكىم شىعاردى.

اتالعان ۇكىم شىققان كۇنىنەن باستاپ كۇشىنە ەندى.

وسىلايشا ەلباسيزم كەزىندە داۋرەنى جۇرگەن ءبىر سەركەنىڭ باسىنان وتكەن قيامەت كوپىر ءوز مارەسىنە جەتتى. ەندى مارەسىنە جەتپەگەندەردىڭ ءىسى قانشا...

Abai.kz