ءدال قازىر قازاقستان پارلامەنتىندە، پارلامەنتىنىڭ تومەنگى پالاتاسى (ماجىلىستە) ەلىمىزدە اسكەري قىزمەتتىڭ جاڭا ءتۇرى – رەزەرۆتى قۇرۋعا قاتىستى «ەرىكتىلەر ارمياسىن قۇرۋ تۋرالى زاڭ» جوباسى قارالىپ جاتىر.

قازاقستان ءوز قاۋىپسىزدىگىنە الاڭداپ، ءىشى ىسىمىزگە قول سۇققان ماسكەۋ مەن بەيجىننىڭ بىرىنەن كەيىن ءبىرى: «ءبىز قازاقستان تۇتاستىعىنا كەپىلدىك بەرەمىز»، - دەگەن مالىمدەلەرىندەگى جاعداياتتاردى ەسكەرە وتىرىپ، «ەرىكتىلەر ارمياسىن قۇرۋ تۋرالى زاڭ» جوباسىن قاراپ جاتقانداعىن وتاندىق باق حابارلادى.

اتالعان زاڭ جوباسىن پارلامەنت 15 قاراشادا تالقىلادى. وندا ەرىكتىلەردەن تۇراتىن جەكە رەزەرۆتىك ارميا قۇرۋ ءسوز ەتىلەدى. قاراستىرىلاتىن قۇجاتقا سايكەس، دوعارىستاعىلار (زاپاستاعىلار) ءتۇرلى اسكەري بولىمدەردە اسكەري دايىندىقتان ءوتىپ، ەگەر ەلگە اسكەري قاۋىپ تونگەن جاعدايدا الدارىنا قويىلعان جاۋىنگەرلىك تاپسىرمالاردى ورىنداۋعا تەز ارادا جۇمىلدىرىلۋعا قول جەتكىزىلەدى. اسكەريلەردى جەدەل ۇرىس قيمىلدارىنا تارتۋ جىلدام جۇزەگە اسىرىلادى. ويتكەنى، ستاندارتتىلىققا نەگىزدەلگەن ۇرىس قيمىلدارىنا جۇمىلدىرۋ ءىس-شاراسى تىم ۇزاقتى الاتىنى بەلگىلى. ال، كۇتپەگەن جەردەن قوس كورشىمىز تاراپىنان اسكەري اگرەسسيا بولا قالعان جاعدايدا اسكەرلەردىڭ شۇعىل ارەكەت ەتۋى قاۋىپتىڭ الدىن الۋ ءۇشىن وتە ماڭىزدى.

قر پارلامەنتى دەپۋتاتى ەرمۇرات باپي زاڭ جوباسىنا قاتىستى: «اسكەري قاۋىپ تونگەن جاعدايدا جۇمىلدىرۋ (بۇل ۆوەنكوماتتار ارقىلى اسكەرگە شاقىرۋ، جاڭا بولىمشەلەردى جاساقتاۋ، اسكەرگە شاقىرىلعانداردى وقىتۋ) وتە ۇزاق پروتسەسس. ال رەزەرۆتەگىلەر بولسا، ارميا بريگادالاردى قوسىمشا جاساقتاۋعا جىلدام مۇمكىندىك الادى»، - دەپ ءتۇسىندىردى.

ءبىر ايتا كەتەرلىگى ايەلدەر قاۋىمى دا رەزەرۆكە الىنادى، بىراق ولار ۇرىس قيمىلدارىنا تىكەلەي قاتىسى جوق تىلداعى شەكتەۋلى فۋنكتسيالاردى اتقارۋعا جۇمىلدىرىلادى. ەگەر وسى زاڭ قابىلدانسا، وندا قازاقستاندا 2025 جىلى ءتول رەزەرۆتەگىلەر ارمياعا يەلىك ەتەتىن بولامىز. بۇل اۋقىمدى ءىستىڭ ءبىرىنشى كەزەڭدە 2 مىڭعا جۋىق ادامدى تارتۋ جوسپارلانىپ وتىر.

رەسەي ارمياسىنىڭ ۋكرايناعا جاپپاي باسىپ كىرۋىنە بايلانىستى قازاقستان ءوز قاۋىپسىزدىگىنە الاڭدايتىنىنى ەش جاڭالىق ەمەس. پۋتيندىك بيلىك پەن رەسەيلىك ۇگىت-ناسيحات، اتاپ ايتقاندا، ەلىمىزدىڭ سولتۇستىك جەرلەرىنە قاتىستى دا جوسپارلارى بار ەكەنىن جاسىرمايدى. ماسكەۋ دە «ۋكراين» ستسەناريى بويىنشا قازاقتارعا وشپەندىلىك تۋدىرىپ، قازاقستانداعى «رۋسوفوبيا» جانە «ورىس تىلدىلەردىڭ قۇقىقتارىن بۇزۋ» تۋرالى ءتۇرلى مالىمدەمەلەر جاساۋدان تىنباي كەلەدى. بۇل زاڭ سونىڭ الدىن الۋ دەپ ايتپاقپىز.

كەرىمسال جۇباتقانوۆ

Abai.kz