«سامۇرىق-قازىنا» اق كومپانيالار توبى ءىت-سينەرگياعا شوعىرلانادى
«سامۇرىق-قازىنا» اق قاراماعىنداعى كومپانيالار توبىنا قاتىستى ءىت-سينەرگيانى دامىتۋ بويىنشا ستراتەگيا جاساپ شىعارادى.
قۇجات توپتىڭ تاۋەلسىز ديرەكتورلارى كەزدەسەتىن قاراشا ايىندا تانىستىرىلادى.
«سامۇرىق-قازىنا» اق باسقارۋشى ديرەكتورى نيكولاس مالوۋننىڭ پىكىرىنشە، قورداعى ءىت-سينەرگيانىڭ باستاپقى سالالارى «بۇلتتى» تەحنولوگيالار باسىمدىققا يە بولاتىن داتا-ورتالىقتارعا، تەحنولوگيالىق ۇدەرىستەردى ستاندارتتاۋ مەن قولداۋ قىزمەتتەرىن وڭتايلاندىرۋعا جۇمىلدىرىلۋى مۇمكىن.
«تەحنولوگيا دەگەنىمىز، بۇل پاناتسەيا ەمەس. ادامدار مەن تەحنولوگيالاردىڭ، ۇدەرىستەردىڭ ۇيلەسە ارەكەت ەتۋى ماڭىزدى. ءىت-سينەرگيانىڭ باسىندا ادامدار تۇرادى. ءبىرتۇتاس كوزقاراس قاجەت. ورتاق ادىستەمەنى، باسقارۋدىڭ ءبىرتۇتاس جۇيەسىن جاساپ شىعارۋ كەرەك. ترانسۇلتتىق كومپانيالاردىڭ ءىت-ۇدەرىستەردى قالاي باسقاراتىنىن زەرتتەگەن ابزال. سينەرگيانى قامتاماسىز ەتۋ ءۇشىن، سونداي-اق، مۇمكىندىگىنشە ءبىزدىڭ بارلىق ۇدەرىستەرىمىزدى ستاندارتتاعان ءجون»، – دەيدى نيكولاس مالوۋن.
«سامۇرىق-قازىنا» كومپانيالار توبىنىڭ تاۋەلسىز ديرەكتورلارى، اقپاراتتىق تەحنولوگيالار سالاسىنداعى وزگەرىستەردى ءتيىمدى جۇزەگە اسىرۋ ءۇشىن، ادىستەمەنى، نەگىزگى رەسۋرستاردى انىقتاۋدا ءىس-قيمىلداردى قايتالاۋدىڭ الدىن الاتىن ءىت-كەڭەس بەرۋ ورتالىعىن قۇرۋدى ۇسىنادى. ءىت-جاڭعىرتۋ 2014 جىلى باستالادى دەپ كۇتىلۋدە.
«سامۇرىق-قازىنا» اق قاراماعىنداعى كومپانيالار توبىنا قاتىستى ءىت-سينەرگيانى دامىتۋ بويىنشا ستراتەگيا جاساپ شىعارادى.
قۇجات توپتىڭ تاۋەلسىز ديرەكتورلارى كەزدەسەتىن قاراشا ايىندا تانىستىرىلادى.
«سامۇرىق-قازىنا» اق باسقارۋشى ديرەكتورى نيكولاس مالوۋننىڭ پىكىرىنشە، قورداعى ءىت-سينەرگيانىڭ باستاپقى سالالارى «بۇلتتى» تەحنولوگيالار باسىمدىققا يە بولاتىن داتا-ورتالىقتارعا، تەحنولوگيالىق ۇدەرىستەردى ستاندارتتاۋ مەن قولداۋ قىزمەتتەرىن وڭتايلاندىرۋعا جۇمىلدىرىلۋى مۇمكىن.
«تەحنولوگيا دەگەنىمىز، بۇل پاناتسەيا ەمەس. ادامدار مەن تەحنولوگيالاردىڭ، ۇدەرىستەردىڭ ۇيلەسە ارەكەت ەتۋى ماڭىزدى. ءىت-سينەرگيانىڭ باسىندا ادامدار تۇرادى. ءبىرتۇتاس كوزقاراس قاجەت. ورتاق ادىستەمەنى، باسقارۋدىڭ ءبىرتۇتاس جۇيەسىن جاساپ شىعارۋ كەرەك. ترانسۇلتتىق كومپانيالاردىڭ ءىت-ۇدەرىستەردى قالاي باسقاراتىنىن زەرتتەگەن ابزال. سينەرگيانى قامتاماسىز ەتۋ ءۇشىن، سونداي-اق، مۇمكىندىگىنشە ءبىزدىڭ بارلىق ۇدەرىستەرىمىزدى ستاندارتتاعان ءجون»، – دەيدى نيكولاس مالوۋن.
«سامۇرىق-قازىنا» كومپانيالار توبىنىڭ تاۋەلسىز ديرەكتورلارى، اقپاراتتىق تەحنولوگيالار سالاسىنداعى وزگەرىستەردى ءتيىمدى جۇزەگە اسىرۋ ءۇشىن، ادىستەمەنى، نەگىزگى رەسۋرستاردى انىقتاۋدا ءىس-قيمىلداردى قايتالاۋدىڭ الدىن الاتىن ءىت-كەڭەس بەرۋ ورتالىعىن قۇرۋدى ۇسىنادى. ءىت-جاڭعىرتۋ 2014 جىلى باستالادى دەپ كۇتىلۋدە.
«بارلىق قاجەتتى دەرەكتەردى جيناپ، تۇگەندەۋ جۇمىستارىن جۇرگىزۋدە جانە اقپاراتتىق-كوممۋنيكاتسيالىق تەحنولوگيالار جۇيەسىنىڭ ماتريتساسىن جاساۋدا، وپەراتسيالىق ءارى كۇردەلى شىعىنداردى انىقتاۋدا «سامۇرىق-قازىنا» اق كومپانيالارىنىڭ بارلىعى قولداۋ تانىتقانى دۇرىس»، – دەگەن پىكىردە «قازترانسويل» اق تاۋەلسىز ديرەكتورى مۇستافا حابيب.
«سامۇرىق-قازىنا» اق باسشىسى ومىرزاق شوكەەۆتىڭ ايتۋىنا قاراعاندا، حولدينگتەگى كومپانيالار توبى ءىت-تەحنولوگيالارعا كوپ قارجى قۇيۋدا. «بۇل ينۆەستيتسيالاردىڭ 80 پايىزى كەلەسى ەكى كومپانيادا شوعىرلانعان: «قازمۇنايگاز» بەن «قازاقستان تەمىر جولى». بۇل جاعداي ناشار دەگەندى بىلدىرتپەيدى. الايدا، ۇيلەسىمدى تۇردە قيمىلداعان جاقسىراق. العاشقى تالداۋعا سۇيەنسەك، كومپيۋتەرلەردى، باعدارلامالىق قامتۋلاردى ساتىپ الۋدىڭ ورتالىقتاندىرىلعان جۇيەسىنە ساي ءبارىن دۇرىس ىستەسەك، ءبىراز قارجى ۇنەمدەمەكپىز»، - دەيدى قور جەتەكشىسى.
دەرەككوز: «SK News»
