سارسەنبى, 21 اقپان 2024
اقمىلتىق 1596 3 پىكىر 7 جەلتوقسان, 2023 ساعات 13:12

ەرمۇرات باپي: ەسكى قازاقستان قايتا كۇش الىپ كەلەدى...

«ەسكى قازاقستاننىڭ» كلەپتوكراتتارى (بيلىكتى قولدانىپ، مەملەكەتتىك قارجىنى ۇرلاۋشىلار) ەل ەكونوميكاسىنا قايىرا قارماقتارىنا ءتۇسىرۋ ءۇشىن قام قىلىپ جاتىر. وسى ماسەلەنى سارسەنبىنىڭ ساتىندە ناقتى مىسالدارمەن ءماجىلىس دەپۋتاتى ەرمۇرات باپي كوتەردى.

ەرمۇرات باپي: «بارىمىزگە بەلگىلى، پرەزيدەنت قاسىم-جومارت توقاەۆ، جەتى جىلعا سايلانعان ۋاعىنداعى ءوزىنىڭ باعدارلاماسىنىڭ باستى باعىتى الەۋمەتتىك ادىلەتتىلىك دەپ  وسى جىلدىڭ قاراشاسىندا ءمالىم ەتتى. مەملەكەت باسشىسى بۇدان بولەك ءوزىنىڭ پرەزيدەنتتىك پارىزى ەلدەن زاڭسىز سىرتقا شىققان اكتيۆدەردى قايتارۋ ەكەندىگىن دە مالىمدەگەنتىن. كەشە 5 جەلتوقساندا پرەزيدەنتىمىزدىڭ وسى كەڭ كولەمدى مىندەتتى ورىنداۋ ءۇشىن وكىلەتتى ورگان اكتيۆدەردى قايتارۋ كوميتەتىن قۇرعان بولاتىن.  سوڭعى ەكى ايدا وسى كوميتەتتتىڭ نە ىستەپ نە قويىپ جاتقانىن ەشكىم بىلمەيدى»، - دەپ دەپۋتاتتىق ساۋال جولدادى.

باس پروكۋرور بەرىك اسىلوۆ جانە اكتيۆدەردى قايتارۋ كوميتەتىنىڭ توراعاسى نۇرداۋلەت سۇيىندىكوۆتەردەن وسى سالادا نە ىستەپ جاتقاندىعىن بىلگىسى كەلگەن ءماجىلىس دەپۋتاتى ەرمۇرات باپي قۇرامىندا ءاۋ باستا پرەزيدەنتتىك نۇسقاۋمەن 130 شتاتتىق قىزمەتكە العىندىعىن ءسوز ەتە كەلە، سولاردىڭ قانشاسى حالىقارالىق ىزدەستىرۋ بويىنشا ەڭبەك ەتىپ جاتقانىن بىلگىسىن كەلەتىن العا تارتىپ: «سوڭعى ەكى ايدا قايتارىلعان الدەبىر اكتيۆتەر بار ما؟ ەگەر بار بولسا، كولەمى قانشا؟ قۇپيا ەمەس قىزمەتتەرىڭىزدى جۇرت الدىندا ءباسپاسوز كونفەرەنتسياسى ارقىلى جاريا ەتە الاسىزدار ما؟» - دەپ سۇراۋ سالدى.

ءيا، مەملەكەت باسشىسىنا حالىق سەنىمىنىڭ باستى تەتىگى ەلباسيزم كەزىندە سىرتقا شىققان اكتيۆتەردى ەلگە قايتارۋ. ولار زاڭدى تۇردە ورالا ما، الدە «ەسكى قازاقستاندىقتاردىڭ» قازاق ەكونوميكاسىن قايىرا بيلەپ توسەۋى ءۇشىن ورالا ما؟ مىنە، وسى ماسەلەگە جانى اۋىرعان دەپۋتات باپي باس  پروكۋرور بەرىك اسىلوۆ جانە اكتيۆدەردى قايتارۋ كوميتەتىنىڭ توراعاسى  نۇرداۋلەت سۇيىندىكوۆتەردى ەلمەن اشىق جاۋاپتاسۋعا شاقىردى.

جانە بۇرىنعى پرەزيدەنتتىڭ قوس كۇيەۋ بالالارىنىڭ ساحنا سىرتىنداعى ەكونوميكالىق ايلا-شارعىلارى توڭىرەگىندەگى قولىندا بار دەرەكتەرىن جايىپ سالدى.

ەرمۇرات اعامىز دۇرىس ماسەلە كوتەرىپ وتىر: ول ۇرلانعان اكتيۆتەردىڭ زاڭدى جانە زاڭسىز ورالۋى. بۇعان وسى سالاعا جاۋاپتى باس پروكۋرور بەرىك اسىلوۆ جانە اكتيۆدەردى قايتارۋ كوميتەتىنىڭ توراعاسى نۇرداۋلەت سۇيىندىكوۆتەر نە دەيدى ەكەن؟ نە قايرات قىلادى ەكەن؟

Abai.kz

3 پىكىر

ۇزدىك ماتەريالدار

ادەبيەت

قاۋىرسىن

ءالىمجان ءاشىمۇلى 1512
ءالىپبي

لاتىن جايى

بيجومارت قاپالبەك 1559