پولشانىڭ سوتسياليستىك مۇرادان قالعان باق-تى مەملەكەتتىك مەنشىكتەۋدەن باس تارتۋى 2023 جىلدىڭ سوڭىنداعى ەڭ باستى جاڭالىقتاردىڭ بىرىنە اينالدى.

«Polska Agencja Prasowa» باسىلىمى پولشا مادەنيەت جانە ۇلتتىق مۇرا ءمينيسترى سەنكەۆيچتىڭ مەملەكەتتىك باق-تى تاراتۋ تۋرالى مالىمدەسىن جاريالادى.

پولشا پرەزيدەنتى انجەي دۋدانىڭ قارجىلاندىرۋدى توقتاتۋ تۋرالى شەشىمىنەن كەيىن، ۆارشاۆا بارلىق مەملەكەتتىك باق-تى جويۋعا نيەتتى ەكەنىن پولشانىڭ مادەنيەت ءمينيسترى جانە ۇلتتىق مۇرا بارتولومەي سەنكەۆيچ:

«پولشا پرەزيدەنتىنىڭ مەملەكەتتىك باق-تى قارجىلاندىرۋدى توقتاتۋ تۋرالى شەشىمىنە بايلانىستى مەن «پولشا تەلەديدارى»، «پولشا راديوسى» جانە «پولشا اقپارات اگەنتتىگى» كومپانيالارىن تاراتۋ ءراسىمىن جالعاستىرۋ تۋرالى شەشىم قابىلدادىم»، - دەپ، جاھانعا جار سالا جەتكىزدى.

سەنكەۆيچتىڭ ايتۋىنشا، اتالعان شەشىم قارجىلاندىرۋ توقتاتىلعاننان كەيىن «وسى كومپانيالاردىڭ ودان ءارى جۇمىس ىستەۋىن قامتاماسىز ەتۋگە، ولاردا قاجەتتى قايتا قۇرىلىمداۋدى جۇرگىزۋگە جانە اتالعان كومپانيالاردا جۇمىس ىستەيتىن قىزمەتكەرلەردى جۇمىستان بوساتۋعا جول بەرمەۋگە» مۇمكىندىك بەرەدى.

بۇعان دەيىن دۋدا جاڭا ۇكىمەت باقىلاۋعا الۋعا تىرىسىپ جاتقان مەملەكەتتىك باق-تى قارجىلاندىرۋ تۋرالى زاڭعا ۆەتو قويعان بولاتىن. وسىندايدا مەملەكەتتىڭ قولجۋلىعىنا اينالعان باق داستۇرىنەن باس تارتۋ ورتالىق ازيادا قاشان تۋادى دەگەن ويعا قالادى ەكەنسىڭ؟!

Abai.kz