قايتا جاساقتالعان ۇكىمەت: تولىق قۇرام قالاي وزگەردى؟
بۇگىن «امانات» پارتياسىنىڭ ۇسىنۋىمەن پرەزيدەنت توقاەۆ جاڭا ۇكىمەت باسشىسىن تانىستىردى. پارلامەنت ولجاس بەكتەنوۆتىڭ كانديداتۋراسىن بەكىتتى. وسىدان سوڭ، ۇكىمەت قۇرامى قايتا جاساقتالدى. كۇن ۇزاققا جالعاسقان تاعايىنداۋلاردىڭ سۇلباسى تومەندەگىدەي بولدى.
اۋىس-تۇيىستەر رەتى:
بۇرىنعى ۇكىمەتتەن قر دەنساۋلىق ساقتاۋ ءمينيسترى اجار عينيات قىزمەتتەن الىندى. ونىڭ ورنىن اقمارال ءالنازاروۆا باستى. ءالنازاروۆا قىزىلوردا وبلىسىنان سايلانعان سەناتور ەدى.
2020 جىلدان بەرى قر قارجى ءمينيسترى قىزمەتىن اتقارىپ كەلگەن ەرۇلان جاماۋباەۆ تا قىزمەتىمەن قوشتاستى. ونىڭ ورنىنا ءمادي تاكيەۆ مينيستر بولىپ تاعايىندالدى. تاكيەۆ بۇعان دەيىن ماجىلىستە دەپۋتات بولعان.
تاعى ءبىر جاڭا مينيستر – شىڭعىس ءارىنوۆ. ول قر توتەنشە جاعدايلار مينيسترلىگىن تىزگىندەدى. ءارىنوۆ بۇعان دەيىن پرەزيدەنتتىڭ كۇزەت قىزمەتىنىڭ باسشىسى بولعان. ال بۇل تجم لاۋازىمىندا بولعان سىرىم ءشارىپحانوۆ ەكس-مينيستر ستاتۋسىنا اۋىسىپ, قىزمەتسىز قالدى.
مينيستر قىزمەتىنە تاعايىندالعان ءتورتىنشى ادام – نۇرلان باينازاروۆ. ول ءبىر دەگەندە قر ۇلتتىق ەكونوميكا ءمينيسترى ءھام پرەمەر-ءمينيستردىڭ ورىنباسارى قىزمەتتەرىنە قاتار تاعايىندالدى. بۇل قىزمەتتى بۇگىنگە دەيىن الىبەك قۋاڭتىروۆ اتقارىپ كەلگەن.
قازاقستان ۇكىمەتىنىڭ جاڭارتىلعان تولىق قۇرامى:
ولجاس بەكتەنوۆ – قر پرەمەر-ءمينيسترى،
رومان سكليار – پرەمەر-ءمينيستردىڭ ءبىرىنشى ورىنباسارى،
عالىمجان قويشىباەۆ – پرەمەر-ءمينيستردىڭ ورىنباسارى – ۇكىمەت اپپاراتىنىڭ باسشىسى،
مۇرات نۇرتىلەۋ – پرەمەر-ءمينيستردىڭ ورىنباسارى – قر سىرتقى ىستەر ءمينيسترى،
نۇرلان بايبازاروۆ – پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى،
تامارا دۇيسەنوۆا – پرەمەر-ءمينيستردىڭ ورىنباسارى،
سەرىك جۇمانعارين – پرەمەر-ءمينيستردىڭ ورىنباسارى،
رۋسلان جاقسىلىقوۆ – قر قورعانىس ءمينيسترى،
ەرجان سادەنوۆ – قر ىشكى ىستەر ءمينيسترى،
ازامات ەسقاراەۆ – ادىلەت ءمينيسترى،
ءمادي تاكيەۆ – قارجى ءمينيسترى،
الماسادام ساتقاليەۆ – ەنەرگەتيكا ءمينيسترى،
اقمارال ءالنازاروۆا – دەنساۋلىق ساقتاۋ ءمينيسترى،
ايداربەك ساپاروۆ – اۋىل شارۋاشىلىعى ءمينيسترى،
شىڭعىس ءارىنوۆ – توتەنشە جاعدايلار ءمينيسترى،
باعدات مۋسين – تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى،
عاني بەيسەمباەۆ – وقۋ-اعارتۋ ءمينيسترى،
ەرلان نىسانباەۆ – ەكولوگيا جانە تابيعي رەسۋرستار ءمينيسترى،
ساياسات نۇربەك – عىلىم جانە جوعارى ءبىلىم ءمينيسترى،
نۇرجان نۇرجىگىتوۆ – سۋ رەسۋرستارى جانە يرريگاتسيا ءمينيسترى،
ايدا بالاەۆا – مادەنيەت جانە اقپارات ءمينيسترى،
ەرمەك مارجىقپاەۆ – تۋريزم جانە سپورت ءمينيسترى،
مارات قاراباەۆ – كولىك ءمينيسترى،
سۆەتلانا جاقىپوۆا – ەڭبەك جانە حالىقتى الەۋمەتتىك قورعاۋ ءمينيسترى،
قانات شارلاپاەۆ – ونەركاسىپ جانە قۇرىلىس ءمينيسترى،
ارمان شاققاليەۆ – ساۋدا جانە ينتەگراتسيا ءمينيسترى.
تولىق قۇرامى جاساقتالعان مينيسترلەر كابينەتى تۋرالى ويىڭىز قانداي؟
ايىم الماسقىزى
Abai.kz
