2023 جىلدىڭ 21 مامىرىندا قازاقستاندىق جۋرناليست گرۋزيانىڭ شىعىسىنداعى كاحەتيادا، ساگارەدجو اۋىلىنىڭ ماڭىندا كىسى قولىنان اجال قۇشقان بولاتىن.

ءجۋرناليستى گرۋزيالىق ازاماتى تبيليسيدەن كاحەتياعا بارۋعا ۇگىتتەپ، كەيىن باسىنان كىرپىشپەن ۇرىپ ءولتىرىپ، دەنەسىن وزەنگە لاقتىرىپ جىبەرگەن. وقيعاعا قاتىستى ايىپتى رەتىندە گابريەل حوحوباشۆيلي ەسىمدى گرۋزيالىق ازامات ۇستالدى.

11 ايدان استام ۋاقىتقا سوزىلعان سوت وتىرىسى گرۋزيادا ءوتتى. سوت شەشىمى بويىنشا 50 جاستاعى گابريەل حوحوباشۆيلي 11 جىلعا سوتتالدى. الايدا، ارىزدانۋشى تاراپ بۇل جازانى تىم جەڭىل دەپ ساناپ، شەشىمدى قايتا قاراۋ ءۇشىن شاعىم تۇسىرمەك.

گرۋزيالىق ادۆوكات نينو ءاندرياشۆيليدىڭ ايتۋىنشا، سوت گابريەل ءحوحوباشۆيليدىڭ "جەكە باسىنىڭ پايداسى ءۇشىن قاساقانا ادام ولتىرگەنىنە" جەتكىلىكتى دالەلدەر جوق ەكەنىن العا تارتقان.

داريعا اسقار

Abai.kz