سارسەنبى, 17 شىلدە 2024
689 0 پىكىر 22 اقپان, 2024 ساعات 16:58

تايلاندتاعى ەڭبەك قۇلدىعىنان ەكى قازاق بوساتىلدى

سۋرەت: ابزال كاليەۆ

تايلاندتا ەڭبەك قۇلدىعىنا تءۇسىپ قالعان ەكى قازاقستاندىق بوساتىلدى دەپ حابارلادى سىرتقى ىستەر ءمينيسترىنىڭ باسپاسءوز حاتشىسى ايبەك سمادياروۆ.

مالىمدەمەگە سۇيەنسەك، وتكەن ايدىڭ سوڭىندا قازاقستاننىڭ تايلاندتاعى كونسۋلىنىڭ مەسسەندجەرىنە التىن ءۇشبۇرىشتا قازاق ازاماتى ەڭبەك قۇلدىعىندا دەگەن حابارلاما كەلىپ، كومەك سۇراعان.

"جەرگىلىكتى بيلىكپەن كەلىسىپ ارەكەت ەتكەننەن كەيىن، ول جاقتا شىن مانىندە ءبىزدىڭ ەكى قازاقستاندىق ازامات بارىن انىقتادىق. ءبىر اي بويى ولاردى بوساتۋ ءۇشىن قولىمىزدان كەلگەننىڭ ءبارىن جاساپ، كەلىسسوز جۇرگىزدىك. قازىر ولار بوساتىلدى، قازاقستانعا كەلە جاتىر", - دەدى سمادياروۆ.

"جوعارى جالاقى تولەيمىز" دەگەن جارناماعا الدانعان ەكى ازاماتىمىز بۇل اۋدانداردا ەڭبەك قۇلدىعى بارىن بىلە تۇرعان بارعان.

"قازاقستان ازاماتتارىنا شەتەلگە جۇمىس ىستەۋگە شىعار الدىندا بارلىق كەلىسىم-شارتتى مۇقيات قاراۋدى، تەكسەرۋدى سۇرايمىز. بۇل ءسىزدىڭ تاعدىرىڭىز، ءسىزدىڭ ءومىرىڭىز. ولاردى امان-ەسەن بوساتىپ الدىق. وتە قايعىلى جاعدايلار كەزدەسەدى", - دەدى ايبەك سمادياروۆ.

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1253
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1973
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2020