الماتىداعى قارا بازار - باراحولكا تاعى دا ورتەنىپ جاتىر. اقپارات  كوزدەرىنىڭ  حابارىنا قاراعاندا، بۇل جولى «ارال»، «قۇلاگەر» بازارلارى ورتكە ورانعان. ءورتتى سوندىرۋگە 15 تەحنيكا جۇمىلدىرىپ، ءورت شىققان اۋماقتى پوليتسيا قورشاۋعا العان.
ءورت شامامەن تۇنگى ساعات 3-ءتىڭ شاماسىندا شىققان. تاڭعا جۋىق بازارعا كەلگەن ساۋداگەرلەردىڭ ءبىرازى تاۋارلارىن تاسىپ ۇلگەرگەن. ال، تاڭەرتەڭ كەلگەن ساۋداگەرلەردى پوليتسيا ىشكە جىبەرمەي جاتقان كورىنەدى.

بۇعان دەيىن ياعني، قىركۇيەكتىڭ 13 كۇنى باراحولكادا ءورت شىعىپ، ءتىلسىز جاۋ 5400 شارشى مەتر اۋماقتى شارپىپ، «ولجا»، «ايان»، «كەرەمەت»، «الاتاۋ» بازارلارى وتقا ورانعان ەدى.
قالاداعى ەڭ ءىرى بازارداعى ءورت الەۋمەتتىك جەلىلەردە دە ءسوز بولىپ جاتىر. تومەندە جۋرناليست ايدوس جۇقانۇلى مەن «ەلارنا» تەلەارناسىنىڭ ديرەكتورى سەرىك اباس-شاحتىڭ فەيسبۋك الەۋمەتتىك جەلىسىندە باراحولكاداعى ورتكە قاتىستى ايتقان پىكىرلەرىن بەرىپ وتىرمىز.

الماتىداعى قارا بازار - باراحولكا تاعى دا ورتەنىپ جاتىر. اقپارات  كوزدەرىنىڭ  حابارىنا قاراعاندا، بۇل جولى «ارال»، «قۇلاگەر» بازارلارى ورتكە ورانعان. ءورتتى سوندىرۋگە 15 تەحنيكا جۇمىلدىرىپ، ءورت شىققان اۋماقتى پوليتسيا قورشاۋعا العان.
ءورت شامامەن تۇنگى ساعات 3-ءتىڭ شاماسىندا شىققان. تاڭعا جۋىق بازارعا كەلگەن ساۋداگەرلەردىڭ ءبىرازى تاۋارلارىن تاسىپ ۇلگەرگەن. ال، تاڭەرتەڭ كەلگەن ساۋداگەرلەردى پوليتسيا ىشكە جىبەرمەي جاتقان كورىنەدى.

بۇعان دەيىن ياعني، قىركۇيەكتىڭ 13 كۇنى باراحولكادا ءورت شىعىپ، ءتىلسىز جاۋ 5400 شارشى مەتر اۋماقتى شارپىپ، «ولجا»، «ايان»، «كەرەمەت»، «الاتاۋ» بازارلارى وتقا ورانعان ەدى.
قالاداعى ەڭ ءىرى بازارداعى ءورت الەۋمەتتىك جەلىلەردە دە ءسوز بولىپ جاتىر. تومەندە جۋرناليست ايدوس جۇقانۇلى مەن «ەلارنا» تەلەارناسىنىڭ ديرەكتورى سەرىك اباس-شاحتىڭ فەيسبۋك الەۋمەتتىك جەلىسىندە باراحولكاداعى ورتكە قاتىستى ايتقان پىكىرلەرىن بەرىپ وتىرمىز.

ايدوس جۇقانۇلى:
باراحولكا تاعى ورتەنىپ جاتىر. وسى جولى "ارال" مەن "قۇلاگەر". سوندا جۇمىس ىستەيتىن جەڭگەمە تەلەفون شالدىم. ء"بىزدى بازارعا كىرگىزبەي قويدى. ومون-دار قاپتاپ تۇر. كولىكتى دە، ءوزىمىزدى دە جولاتار ەمەس", - دەيدى.
90-شى جىلداردىڭ ورتاسى ەسىمە تۇسكەنى. وسىلاي قوقان-لوققىمەن تارتىپ الۋشى ەدى. قازىر 2013-ءشى جىل. ماسشتاب ۇلكەن. پوليتسيامەن قورشاپ الاتىن دەڭگەيگە جەتتىك. مادەنيەتتى تۇردە كوشىرۋگە الماتى اكىمدىگىنىڭ اقشاسى دا، پارمەنى دە جەتپەيدى. "رەكەت" ءسوزى "كۇش-قۇرىلىم" سوزىمەن اۋىسىپ كەتپەسە بولعانى.

سەرىك اباس-شاح:
"كىم ويناپ جاتىر، وتپەنەن؟"

الماتىدا ەكى بازار قاتارىنان جانىپ جاتىر دەيدى.
باي-ماناپتار بۇل ورتتەن كوپ نارسە جوعالتا قويماس، ال قاراپايىم ادامدارعا وتە اۋىر تيەتىنى انىق.
ءتىلسىز جاۋ قايدان شىعا كەلدى؟ قالاي شىقتى؟
كەزدەيسوقتىق پا، جوق، الدە...
سوڭعىسىن ويلاۋدىڭ ءوزى ىڭعايسىز.
ىڭعايسىز دەگەننەن گورى قورقىنىشتى دەگەن ءسوز دۇرىس شىعار؟
ولاي بولۋى مۇمكىن ەمەس دەپ ءوزىڭدى سەندىرگىڭ كەلەدى.
قانداي تاسجۇرەك بولسا دا كوكتەگى قۇدايدان قايمىعاتىن شىعار؟
ارتى جاقسىلىق بولسىن، ايتەۋىر!

باراحولكانى كوشىرۋ ماسەلەسى 2002 جىلدان بەرى ايتىلىپ كەلەدى. 2002 جىلى الماتى قالاسى اۋماعىن كەڭەيتۋ جوسپارىنا سايكەس، بازارلار زاماناۋي ساۋدا ۇيلەرىنە كوشىرىلۋ ءتيىس ەدى. الايدا، 11 جىلدان بەرى بۇل ماسەلەنى قالالىق اكىمشىلىك ەكى تاراپقا دا ءتيىمدى جولمەن شەشۋدىڭ امالىن تابا الماي كەلەدى.
قالالىق اكىمشىلىك باراحولكاداعى كەيبىر بازارلاردىڭ اۋماعى قىزىق سىزىقتان اسىپ كەتكەن جانە بازار اۋماعىندا كولىك تۇراعى، جاياۋ جۇرگىنشىلەر جولى، قاۋىپسىزدىك شارالارى ساقتالماعان دەيدى.
ال، ساۋداگەرلەر بازار جاڭا ساۋدا ۇيىنە كوشكەن جاعدايدا ساۋدا ورىندارىنان ايىرىلىپ قالامىز دەپ قورقادى. اكىمشىلىك بولسا، سالىناتىن ساۋدا ۇيلەرىندە بارىنە ورىن بەرىلەدى دەپ ۋادە ايتادى.
باراحولكادا ون شاقتى بازار بار. وندا نەگىزىنەن ۇكىمەتتىڭ ەسەبى بويىنشا، «ءوزىن-ءوزى قامسىزداندىرىپ وتىر» دەيتىن، شىندىعىندا جۇمىسسىز سانالاتىن مىڭداعان ادام جۇمىس ىستەيدى. جانە بۇل بازارلار ەل اۋماعىنداعى ءىرىلى-ۋاقتى ساۋداگەرلەردى ارزان تاۋارمەن قامتاماسىز ەتىپ وتىرعان ساۋدا نۇكتەسى.
باراحولكاداعى ەكى ءورتتىڭ دە شىعۋ سەبەبىن جۇرت وزىنشە جورامالداپ جاتىر. ەلدىڭ سوزىنە قاراعاندا، ءورت بازار تۇرعان جەردى بوساتۋ ماقساتىندا قاساقانا جاسالۋ دا مۇمكىن. بىراق، اكىمشىلىك بازار ورنالاسقان جەر مەملەكەتتەن جالعا الىنىپ وتىرعاندىقتان، ەندىگى كەزەكتە جالعا الۋ مەرزىمىن سوزباۋ تۋرالى دا شەشىم قابىلداعان كورىنەدى.
Abai.kz

"31" تەلەارناسىنىڭ ءجۋرناليستى يرينا سوۆەتجانقىزىنىڭ تەلەفونعا تۇسىرگەن ۆيدەوسى. ۆيدەو ءجۋرناليستتىڭ فەيسبۋك الەۋمەتتىك جەلىسىندەگى پاراقشاسىنان الىندى.