ءبىر نارسەگە ميىم جەتپەي-اق قويدى. ەلىمىزدەگى باز بىرەۋلەر گريگوري كۇنتىزبەسى بويىنشا جاڭا جىل تۋىسىمەن كەلەسى جاڭا جىلدى (ناۋرىزدى ەمەس) تاعاتسىزدانا كۇتەتىن سياقتى. بۇل رەتتە، اسىرەسە، استانا الدىنا ەشكىمدى سالار ەمەس. وتكەن جىلى جەلتوقسان تۋار-تۋماستا جاڭا جىل قاربالاسىنا كىرىسىپ كەتسە، بيىل ەۋروپاڭدى دا، امەريكاڭدى دا، تاعى كىمىڭ بار، ءبارىن ارتقا تاستاپ، قاراشانىڭ بەل ورتاسىندا، قار قىلاۋلاماي جاتىپ، جاسىل شىرشا تىگە باستادى. قازىر قالانىڭ قاي بۇرىشىنا بارساڭ دا ابىر-سابىر، الەم-جالەم. جۇرت ءبىر نارسەدەن قۇر قالاتىنداي جانتالاسىپ جاتىر. ياپىرماۋ، بۇل نە؟ بىزدەگىلەر ۋاقىتتى اۋىستىرىپ العاننان ساۋ ما ءوزى؟! الدە جاڭا جىلعا دايىندىقتى ەكى اي بۇرىن باستاۋ ءبىرجولا سالتىمىزعا ءسىڭىپ، داستۇرىمىزگە ەنىپ كەتكەنى مە؟
جارايدى، ول كۇن جىل ساناۋداعى ايتۋلى بەلەس-اق بولسىن. بىراق سول ءۇشىن باسقا جۇمىستىڭ ءبارىن سىرىپ تاستاپ، جۇرتتىڭ الدىنا ءتۇسىپ دالبالاقتاۋدىڭ نە قاجەتى بار؟ الدا شىن مانىندە ۇلىق مەرەكەمىز، ۇلى مەرەكەمىز – تاۋەلسىزدىك كۇنى كەلە جاتىر. نەگە قاسيەتتى مەرەكەمىز داڭعازا شارالاردىڭ كولەڭكەسىندە قالىپ، ۇلتتىق قۇندىلىقتارىمىز تاپتالىپ، اسىل داستۇرلەرىمىز اياقاستى بولا بەرەدى؟! الدىمەن سول تويدى ءوز دارەجەسىندە وتكىزۋدى ويلاساق، سوسىن دا ۋاقىت جەتىپ جاتىر عوي. الدە، بىزگە تاۋەلسىزدىكتەن جاڭا جىل قىمبات پا؟ وسىدان ءبىراز جىل بۇرىن پارلامەنتتە جۇرگەندە ۇكىمەت باسشىسىنا دەپۋتاتتىق ساۋال جولداپ، ماسەلەنى ءدال وسىلاي توتەسىنەن قويعان ەدىك. بىراق قۇلاقتارىنا ىلگەندەرى بايقالمايدى.

ءبىر نارسەگە ميىم جەتپەي-اق قويدى. ەلىمىزدەگى باز بىرەۋلەر گريگوري كۇنتىزبەسى بويىنشا جاڭا جىل تۋىسىمەن كەلەسى جاڭا جىلدى (ناۋرىزدى ەمەس) تاعاتسىزدانا كۇتەتىن سياقتى. بۇل رەتتە، اسىرەسە، استانا الدىنا ەشكىمدى سالار ەمەس. وتكەن جىلى جەلتوقسان تۋار-تۋماستا جاڭا جىل قاربالاسىنا كىرىسىپ كەتسە، بيىل ەۋروپاڭدى دا، امەريكاڭدى دا، تاعى كىمىڭ بار، ءبارىن ارتقا تاستاپ، قاراشانىڭ بەل ورتاسىندا، قار قىلاۋلاماي جاتىپ، جاسىل شىرشا تىگە باستادى. قازىر قالانىڭ قاي بۇرىشىنا بارساڭ دا ابىر-سابىر، الەم-جالەم. جۇرت ءبىر نارسەدەن قۇر قالاتىنداي جانتالاسىپ جاتىر. ياپىرماۋ، بۇل نە؟ بىزدەگىلەر ۋاقىتتى اۋىستىرىپ العاننان ساۋ ما ءوزى؟! الدە جاڭا جىلعا دايىندىقتى ەكى اي بۇرىن باستاۋ ءبىرجولا سالتىمىزعا ءسىڭىپ، داستۇرىمىزگە ەنىپ كەتكەنى مە؟
جارايدى، ول كۇن جىل ساناۋداعى ايتۋلى بەلەس-اق بولسىن. بىراق سول ءۇشىن باسقا جۇمىستىڭ ءبارىن سىرىپ تاستاپ، جۇرتتىڭ الدىنا ءتۇسىپ دالبالاقتاۋدىڭ نە قاجەتى بار؟ الدا شىن مانىندە ۇلىق مەرەكەمىز، ۇلى مەرەكەمىز – تاۋەلسىزدىك كۇنى كەلە جاتىر. نەگە قاسيەتتى مەرەكەمىز داڭعازا شارالاردىڭ كولەڭكەسىندە قالىپ، ۇلتتىق قۇندىلىقتارىمىز تاپتالىپ، اسىل داستۇرلەرىمىز اياقاستى بولا بەرەدى؟! الدىمەن سول تويدى ءوز دارەجەسىندە وتكىزۋدى ويلاساق، سوسىن دا ۋاقىت جەتىپ جاتىر عوي. الدە، بىزگە تاۋەلسىزدىكتەن جاڭا جىل قىمبات پا؟ وسىدان ءبىراز جىل بۇرىن پارلامەنتتە جۇرگەندە ۇكىمەت باسشىسىنا دەپۋتاتتىق ساۋال جولداپ، ماسەلەنى ءدال وسىلاي توتەسىنەن قويعان ەدىك. بىراق قۇلاقتارىنا ىلگەندەرى بايقالمايدى.
مەرەكەنى ۇيىمداستىرۋعا جاۋاپتى ادامدار نەگە جۇرىسىنەن جاڭىلا بەرەدى؟ سوندا بۇل نە، اۋرۋ قالسا دا ادەت قالمايدىنىڭ كەرى مە؟ تۇسىنبەيمىن. جاڭا جىلعا جابىسىپ قالاتىنداي نە كورىندى بىزگە؟! ۇيات قايدا؟! نامىس قايدا؟! قاشانعى جۇرتقا مازاق بولا بەرەمىز؟!.
Abai.kz