پرەزيدەنت پەن پەرزەنت
1-سۋرەت: پرەزيدەنتتىڭ قوستاناي وبلىسىنا ساپارى كەزىندە بالالار ۇيىندەگى بۇلدىرشىندەرمەن كەزدەسكەن ءساتى، 2007 جىل
2-سۋرەت: «جاسىل ەل» ەڭبەك جاساعىنىڭ «قۇرمەتتى كومانديرى» - قر پرەزيدەنتى ن.نازارباەۆ «جاسىل ەل» ەڭبەك جاساعى جاستارىنىڭ ورتاسىندا. پرەزيدەنتتىڭ cول جاعىندا: «جاسىل ەل» وتريادىنىڭ جەتەكشىسى - مۇحتار مانكەەۆ.
3-سۋرەت: «Astana Innovations» اكتسيونەرلىك قوعامىنىڭ باسقارۋشى ديرەكتورى مۇحتار مانكەەۆ
دانالىعىمەن ەل باسقارعان، دارالىعىمەن قول باستاعان، اۋزىنىڭ دۋالىلىعىمەن ءسوز ساپتاعان كىسىنى كورگەن حالقىمىز قاسيەت قونعان ادامعا بالاپ، ايرىقشا قادىرلەيتىنى بار.
بابالاردان جالعاسقان باعزى ءداستۇردىڭ ەرەكشەلىگى سوندا – ۇلاعاتتى تۇلعانىڭ ءومىرىن ۇل-قىزىنا ونەگە ەتۋگە دە ەرەكشە ءمان بەرگەن. اتاعى اتىراپقا جايىلعان ازامات اۋلىنا ات شالدىرعاندا قادامىن ەندى باسقان ءبۇلدىرشىننىڭ تۇساۋىن كەستىرىپ، قولعا سۋ قۇيۋعا جاراعان بالاسىنا باتاسىن بەرگىزىپ، تايعا تاقىم باسقان ۇلانىنا اقىل-كەڭەسىن تىڭداتىپ قالۋعا تىرىسقان. تاربيەگە تەرەڭ ءمان بەرەتىن ۇلتىمىزدىڭ كۇنى بۇگىنگە دەيىن ۇمىتىلمايتىن وسى تانىم-تۇسىنىگىنىڭ ءتۇپ-توركىنى ۇرپاعىنىڭ الگىندەي جۇرت سىيلايتىن ەل اعاسىنا ەلىكتەپ، جولىن قۋىپ، ورنىن باسۋعا جاراسا دەگەن ىزگى نيەتىمەن ۇشتاسىپ جاتىر. قازاق تاريحىنداعى تالاي-تالاي تۇلعالاردىڭ تانىلۋىن حالىق قاسيەت قونعان كىسىلەردىڭ اتىن قويۋمەن، باتاسىن الۋىمەن، تۇساۋىن كەسۋىمەن، اۋزىنا تۇكىرۋىمەن بايلانىستىراتىنىن قالاي جوققا شىعارامىز؟!
1-سۋرەت: پرەزيدەنتتىڭ قوستاناي وبلىسىنا ساپارى كەزىندە بالالار ۇيىندەگى بۇلدىرشىندەرمەن كەزدەسكەن ءساتى، 2007 جىل
2-سۋرەت: «جاسىل ەل» ەڭبەك جاساعىنىڭ «قۇرمەتتى كومانديرى» - قر پرەزيدەنتى ن.نازارباەۆ «جاسىل ەل» ەڭبەك جاساعى جاستارىنىڭ ورتاسىندا. پرەزيدەنتتىڭ cول جاعىندا: «جاسىل ەل» وتريادىنىڭ جەتەكشىسى - مۇحتار مانكەەۆ.
3-سۋرەت: «Astana Innovations» اكتسيونەرلىك قوعامىنىڭ باسقارۋشى ديرەكتورى مۇحتار مانكەەۆ
دانالىعىمەن ەل باسقارعان، دارالىعىمەن قول باستاعان، اۋزىنىڭ دۋالىلىعىمەن ءسوز ساپتاعان كىسىنى كورگەن حالقىمىز قاسيەت قونعان ادامعا بالاپ، ايرىقشا قادىرلەيتىنى بار.
بابالاردان جالعاسقان باعزى ءداستۇردىڭ ەرەكشەلىگى سوندا – ۇلاعاتتى تۇلعانىڭ ءومىرىن ۇل-قىزىنا ونەگە ەتۋگە دە ەرەكشە ءمان بەرگەن. اتاعى اتىراپقا جايىلعان ازامات اۋلىنا ات شالدىرعاندا قادامىن ەندى باسقان ءبۇلدىرشىننىڭ تۇساۋىن كەستىرىپ، قولعا سۋ قۇيۋعا جاراعان بالاسىنا باتاسىن بەرگىزىپ، تايعا تاقىم باسقان ۇلانىنا اقىل-كەڭەسىن تىڭداتىپ قالۋعا تىرىسقان. تاربيەگە تەرەڭ ءمان بەرەتىن ۇلتىمىزدىڭ كۇنى بۇگىنگە دەيىن ۇمىتىلمايتىن وسى تانىم-تۇسىنىگىنىڭ ءتۇپ-توركىنى ۇرپاعىنىڭ الگىندەي جۇرت سىيلايتىن ەل اعاسىنا ەلىكتەپ، جولىن قۋىپ، ورنىن باسۋعا جاراسا دەگەن ىزگى نيەتىمەن ۇشتاسىپ جاتىر. قازاق تاريحىنداعى تالاي-تالاي تۇلعالاردىڭ تانىلۋىن حالىق قاسيەت قونعان كىسىلەردىڭ اتىن قويۋمەن، باتاسىن الۋىمەن، تۇساۋىن كەسۋىمەن، اۋزىنا تۇكىرۋىمەن بايلانىستىراتىنىن قالاي جوققا شىعارامىز؟!
زامان اۋىسسا دا، قازىرگە دەيىن تۇسىنىگى وزگەرمەگەن، قۇنى جويىلماعان حالىقتىڭ وسى ءبىر قاسيەتىن ۇلت كوشباسشىسى، ەلباسى نۇرسۇلتان ءابىشۇلى نازارباەۆتىڭ ەل ارالاعان ساتتەرىندە ءجيى بايقايمىز. ءتىلشى رەتىندە سىرتتاي باقىلاعاندىقتان جۇزدەسۋگە كەلگەن ەلدىڭ ەلباسىعا قاراي تالاسا-تارماسا ۇمتىلىپ، قولىن الۋعا، ءبىر اۋىز تىلەگىن تىڭداۋعا جان-تانىمەن ىقىلاس تانىتقانىن كورىپ، قايران قالاسىڭ! تىپتەن سول كۇنى تاڭسارىدەن وياتىپ، مۇنتازداي ەتىپ كيىندىرىپ، جەتەكتەپ اكەلگەن نەمەرەسىنىڭ نەمەسە بالاسىنىڭ باسىنان سيپاتۋ ءۇشىن جانىن سالاتىندار دا ءجيى ۇشىراسادى. ءبارىن دە بايىز تاپتىرمايتىن سول باياعى نيەت – جاقسىعا جاناسۋ، شا¬راپاتىنا بولەنۋ. ەگەر ءساتى ءتۇسىپ سالەمدەسە قالسا، تالاي جىلعى ارمانى جۇزەگە اسقانداي ايرىقشا قۋانىشقا بولەنىپ، كوپكە دەيىن سونىڭ اسەرىنەن ارىلا المايتىنى راس. عاسىرلار بويى ۇزىلمەي كەلە جاتقان داستۇرىمىزگە ساي ەلباسى تالاي-تالاي ءبۇلدىرشىننىڭ تۇساۋىن كەستى، باتاسىن بەردى، باۋىرىنا باسىپ، اۋەلەتە كوتەردى. جاقىندا قر پرەزيدەنتىنىڭ كەڭەسشىسى – ءباسپاسوز حاتشىسى داۋرەن اباەۆپەن اڭگىمە ۇستىندە قىزىقتى تاقىرىپ قوزعالدى. «پرەزيدەنتپەن جۇزدەسىپ، تىلەگىن تىڭداپ، باعىت-باعدار العان كوپتەگەن بالالاردىڭ كەيىن زور جەتىستىككە جەتكەنىن بىلەمىز. تالابى مەن ەڭبەگى زامانداستارىنا ۇلگى بولاتىن وسىنداي ازاماتتار جايىندا نەگە جازباسقا؟!» – دەگەن ول بىرقاتارىنىڭ بۇگىنگى تابىستارى جايىندا اڭگىمەلەپ بەردى.
راسىندا دا، ەلباسىمەن كەزدەسىپ، باتاسىن العان بالالار بۇگىن قايدا ءجۇر؟ قانداي جەتىستىككە جەتتى، قانداي بيىكتىكتى باعىندىردى؟ جالپى، ولاردىڭ ءومىر جولى قالاي ءورىلدى؟ سان ءتۇرلى سۇراققا جاۋاپ تاپقانشا تىنشىمايتىن جۋرناليستىك كاسىبىمىزگە وراي ەلدىڭ ورتاسىنان الگىندەي ورەندەردى ىزدەۋگە كوشتىك. جان-جاققا سۇراۋ سالدىق، 10-20 جىل بۇرىنعى جۇزدەسۋلەر مەن جولىعۋلار كەزىندەگى فوتوسۋرەتتەرگە ۇڭىلدىك، اراسىنان قازىرگى قوعامداعى كوزگە ءتۇسىپ جۇرگەن بىرقاتار زامانداستارىمىزدىڭ بەينەسىن بايقادىق. مىنە، قىزىق، ءبىر كەزدەگى ءبىر ساتتىك كەزدەسۋلەر، بىرەر مينۋتتىق تىلدەسۋلەر كەيىپكەرلەردىڭ تاعدىرىن وزدەرى دە كۇتپەگەن توسىن ارنالارعا باعىتتاپتى! باياعى بالعىندار بۇگىندە ەلىمىزدىڭ ءار تۇكپىرىندە، قوعامنىڭ سان سالاسىندا قىزمەت اتقارىپ جاتقان بەلگىلى ازاماتتارعا اينالعان. بىرقاتارى الەمنىڭ ماڭدايالدى ۋنيۆەرسيتەتتەرىندە ءبىلىم الۋدا.
سول ءبىر جۇزدەسۋلەردە ەلباسىنىڭ الدىندا تالانتىمەن تانىلىپ، رازىلىعىنا بولەنىپ، العىسىن الىپ، تىلەگىن تىڭداعان قانشاما بالعىننىڭ ىشىنەن ومىردە دە، ونەردە دە باعى جانعاندارى كوپ. ءبىلىم مەن تاربيەگە اقىل مەن قايراتتى ۇشتاستىرىپ، بەلگىلى ءبىر بيىكتى باعىندىرعان كەشەگى بالالاردىڭ، بۇگىنگى دارالاردىڭ جەتىستىگىن ەلگە تانىتۋ ءۇشىن پرەزيدەنتتىڭ ءباسپاسوز قىزمەتى مەن «ايقىن» گازەتى تۇڭعىش پرەزيدەنت كۇنىنە وراي «پرەزيدەنت پەن پەرزەنت» اتتى جاڭا جوبانى باستاپ وتىر. ايدارىمىزدىڭ العاشقى كەيىپكەرى – «Astana Innovations» اكتسيونەرلىك قوعامىنىڭ باسقارۋشى ديرەكتورى مۇحتار مانكەەۆ.
«مۇحتار، نەعىپ تۇرسىڭ، كيگىزسەيشى ەندى»
مۇحتاردىڭ جادىندا پرەزيدەنتپەن ەكى كەزدەسۋدىڭ دە ءار ءساتى ۇمىتىلماستاي ساقتالعان. اسىرەسە، سوناۋ ستۋدەنت كەزىندەگى العاشقى جۇزدەسۋدىڭ ءجونى بولەك.
– 2005 جىلى جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنىڭ 4-كۋرسىندا وقىپ ءجۇردىم. بولاشاق ماماندىعىم – ينجەنەر-مۇنايشى، – دەپ باستادى ول اڭگىمەسىن. – پرەزيدەنت سول جىلدىڭ اقپان ايىندا قازاقستان حالقىنا ارناعان ءداستۇرلى جولداۋىندا ۇكىمەتكە ستۋدەنتتەردى جاز مەزگىلىندە جۇمىسپەن قامتىپ ءارى ەڭبەككە ۇيرەتۋ ءۇشىن «جاسىل ەل» وتريادىن قۇرۋدى تاپسىردى. ءساۋىر ايىندا ەلىمىز بويىنشا العاش رەت ءبىزدىڭ وبلىستا ەڭبەك توبى جاساقتالىپ، وعان باسشىلىق ەتۋ ماعان جۇكتەلدى. جەتەكشىلىكتى قولعا العانىمىزعا كوپ ۋاقىت وتپەستەن، وڭىرىمىزگە ەلباسى ساپارمەن كەلىپ، جاڭا نىساندارمەن تانىسىپ، «جاسىل ەل» ەڭبەك جاساعىمەن كەزدەسەدى دەگەن حابار ءتۇستى. وزىمىزشە قىزۋ دايىندالىپ، ءارتۇرلى جايتتاردى تالقىلاپ جاتىرمىز. بەلگىلەنگەن كۇن جاقىنداپ قالعاندا دوستارىمنىڭ تاراپىنان ءبىر قىزىق ۇسىنىس ايتىلدى. ءوزارا كەڭەسە كەلە، يدەيامىزدى پرەزيدەنت پروتوكولى قىزمەتىندەگى جىگىتتەرگە ايتتىق. ازداپ ويلانعان ولار ءبىر عانا شارتپەن كەلىسىمىن بەردى. ستۋدەنتتەردىڭ قىزىقتى ۇسىنىسى مىناۋ ەدى. ەلىمىزدەگى العاش قۇرىلعان «جاسىل ەل» ەڭبەك جاساعىنىڭ «قۇرمەتتى كوماندير» دەگەن جازۋى بار ارنايى كيىمىن ەلباسىعا تارتۋ ەتىپ، ءوزىمىز كيگىزگەندى ءجون كوردىك. الايدا پروتوكول قىزمەتكەرلەرى ۇسىنىستى قولداعانىمەن، «كيگىزۋدىڭ قاجەتى جوق، جاي عانا قولعا بەرسە جەتكىلىكتى»، – دەپ شەكتەۋ قويدى. سونىمەن كوپتەن كۇتكەن 2005 جىلدىڭ 11 مامىرىنا دا جەتتىك. مەملەكەت باسشىسى مىنگەن ۇشاق ورال قالاسىنا قونىپ، بەكىتىلگەن كەستەگە ساي نىسانداردى تانىستىرۋ جۇمىستارى باستالادى. بۇعان دەيىن اۋديتوريادان شىقپاعان ستۋدەنتتەرگە بىرلەسىپ ەڭبەككە ارالاسۋ تاڭسىق كورىنگەندىكتەن جاساققا جازىلعانداردىڭ قاراسى مىڭعا جاقىنداپ، ۋنيۆەرسيتەتتىڭ الدىندا اسا زور قۋانىشپەن كۇتىپ تۇر ەدى.
– ءبارىمىز «جاسىل ەل» جاساعىنىڭ كيىمىمەن ساپ تۇزەدىك. ەلباسى ورتامىزعا كەلگەندە مەن ەلىمىزدەگى تۇڭعىش وتريادتىڭ تۇساۋكەسەر ءراسىمىن باستادىم، – دەيدى وسىدان 8 جىل بۇرىنعى جۇزدەسۋدى بۇگە-شىگەسىنە دەيىن ەستە ساقتاعان مۇحتار. – الايدا قوبالجىعاندىقتان شىعار، كىبىرتىكتەپ توقتاي بەردىم. ءسىرا، توسىرقاعانىمدى بايقاسا كەرەك، نۇرسۇلتان ءابىشۇلى مەنى سوزگە تارتىپ، ءوزىنىڭ ويلارىن ورتاعا سالىپ، تىم-تىرىس احۋالدى لەزدە وزگەرتىپ جىبەردى. سودان كەيىن عانا ءوزىمدى ەركىن سەزىنىپ، دايىنداعان ءسوزىم اياقتالعان تۇستا سالتاناتتى داۋىسپەن: «نۇرسۇلتان ءابىشۇلى، مىنا «قۇرمەتتى كوماندير» دەگەن جاساق فورماسىن سىزگە ۇسىنامىن»، – دەدىم. ەلباسى دا، جينالعان جۇرتشىلىق تا ءبىر ءسات اڭتارىلىپ قاراپ قالدى. سول كەزدە ول كىسى: «مۇحتار، نەعىپ تۇرسىڭ، كيگىزسەيشى ەندى»، – دەپ بارشامىزدى دۋ كۇلدىردى. نەگىزى، كيىمدى مەن جاي عانا كورسەتكەن سوڭ كومەكشىلەردىڭ ءبىرى الىپ كەتۋى كەرەك ەدى. ەلباسى وعان قاراماستان كۇرتەشە مەن باس كيىمدى كيىپ الىپ، ستۋدەنتتەرگە اقىل-كەڭەسىن ايتىپ، سۋرەتكە ءتۇسىپ، ەلگە ەرەكشە كوڭىل-كۇي سىيلادى. فورمامىزدى جەرگىلىكتى تىگىن فابريكاسى تىگىپ ەدى، ابىروي بولعاندا قۇيىپ قويعانداي تۇپ-تۋرا ەكەن. وسى جولعى كەزدەسۋدىڭ اسەرىنەن كوپكە دەيىن ارىلا الماي ءجۇردىم. سەبەبى پرەزيدەنت بەكىتىلگەن ۋاقىتتان دا ۇزاعىراق ايالداپ، كەلەشەكتە قالاي ارەكەت ەتۋىمىز كەرەكتىگى جايىندا ويىمىزعا كەلمەگەن توسىن يدەيالار بەردى.
«جاسىل ەلدىڭ» جەتەكشىسى
ول كەزدە 4-كۋرس ستۋدەنتى مۇحتار مىڭعا تارتا «ساربازىن» ەرتىپ، جاز بويى قالا تازالىعىمەن، ەگىلگەن كوشەتتەردى كۇتىپ-باپتاۋمەن اينالىستى. قارا جۇمىستان اجىراپ قالعان جاستار كەتپەن مەن كۇرەككە قول ۇيرەتىپ، كۇزگە سالىم وقۋ جىلى باستالاردا ءتاپ-ءتاۋىر قاراجات تاپتى. ەڭ قۋانىشتى جايت، باتىس قازاقستانداعى «جاسىل ەل» ەڭبەك جاساعى ءوز جۇمىسىنىڭ ناتيجەسى بويىنشا ەل كولەمىندە ۇزدىكتەر كوشىن باستادى. ەلباسىنىڭ باعىتتاۋىمەن ارەكەت ەتۋ، ەلورداداعى رەسپۋبليكالىق شتابپەن جانە وزگە دە وڭىرلەردەگى ستۋ¬دەنتتەرمەن ءجيى بايلانىسىپ، تاجىريبە الماسۋ الىس ايماقتاعى توپتىڭ تابىستى بولۋىنا جول اشتى.
2006 جىلدىڭ كوكتەمىندە مۇحتار باستاعان ۋنيۆەرسيتەت بەلسەندىلەرى جازعى ناۋقانعا قىزۋ دايىندىققا كىرىسىپ، قاتارىنا ەڭبەكسۇيگىش زامانداستارىن تارتۋ ءۇشىن ۇگىت-ناسيحاتتى ۇدەتكەن ەدى. استاناداعى «جاسىل ەل» رەسپۋبليكالىق شتابىنان جۇمىسقا شاقىرعان جەدەل ۇسىنىس ءتۇستى. ءبىزدىڭ كەيىپكەرىمىزدىڭ 5-كۋرستى ءتامامداۋىنا ساناۋلى كۇندەر عانا قالعاندىقتان ول كوپ ويلانباستان باس-اياعى ءبىر اپتادا جينالدى دا، جولعا شىقتى. تىرشىلىگى قىز-قىز قايناعان ەلوردا ورال ەمەس، مۇنداعى جۇمىس اۋقىمى دا، ۇيىمداستىرۋ جۇيەسى دە مۇلدە بولەك. دەگەنمەن ايماقتا جيناعان تاجىريبە مەن ءبىلىم كادەگە جارادى. «جاسىل ەل» رەسپۋبليكالىق شتابى جەتەكشىسىنىڭ ورىنباسارى قىزمەتىن ەكى اي اتقاردى. ىسىنە تىندىرىمدى، سوزىنە مىعىم جاس جىگىتكە كوپتىڭ دە كوڭىلى تولسا كەرەك، ناعىز ناۋقان – جاز ايى كەلگەندە جەتەكشىنىڭ ورنى¬نا تاعايىندالىپ، بۇكىل ەلدەگى 38 مىڭ ساربازى بار جاساقتىڭ «قولباسشىسى» بولىپ شىعا كەلدى. بولاشاققا قۇلاش ۇرعان جاس جىگىتتى تىنىمسىز ەڭبەكپەن بىتە قايناسقان قوعامدىق-ساياسي جۇمىستار كادىمگىدەي شىڭدادى. ارادا ەكى جىل وتكەن سوڭ سول ءبىر كەزەڭدەردە جۇرتتىڭ قىزىعۋشىلىعىن وياتقان سالالاردا دا باق سىناپ كورۋ ءۇشىن يننوۆاتسيالىق عىلىمي ورتا – «سامعاۋ» ۇلتتىق حولدينگىنە اۋىستى. الايدا ينجەنەر-مۇنايشى «سامعاۋدا» جاساقتا جۇرگەندەي سامعاي العان جوق. ويلانا كەلە، كاسىبي ءبىلىمى بويىنشا ەڭبەك جولىن جالعاستىرۋدى ءجون سانادى.
يننوۆاتسيانى يگەرگەن ينجەنەر
– ەلباسى دا ناعىز وندىرىستە شىڭدال¬عان تۇلعا عوي. مەن دە كوپ ويلانىپ، الدىما ناقتى ماقسات قويدىم. ورالعا ورالىپ، مۇناي كەنىشىندە ينجەنەر-مۇنايشى رەتىندە باعىمدى سىناۋعا بەل بايلادىم. ءسويتىپ، تۋعان قالاما كەلىپ، «قاراشىعاناق» مۇناي كەنىشىنە ينجەنەر بولىپ جۇمىسقا تۇردىم. ناعىز ءومىردى، قىزۋ ءوندىرىستى وسىندا كوردىم. ۇلىبريتانيالىق كومپانيادا قىزمەت ەتكەندىكتەن جاعدايىمىز جامان بولعان جوق. شەتەلدىكتەرمەن ءتۇسىنىسۋ ءۇشىن اعىلشىن ءتىلىن ۇيرەنۋگە دەن قويدىم. قاربالاسى مەن جاۋاپكەرشىلىگى مول كاسىپورىندا ءجۇرىپ، ءۇش جىلدىڭ قالاي وتكەنىن بايقاماي دا قالدىق. قىزمەتىمىز دە جوعارىلادى. ىسىمىزگە كوڭىلى تولعان اعىلشىندار سىرت ەلدەردەگى جوبالاردى جۇزەگە اسىرۋعا شاقىردى. مەجەلەگەن مەرزىم اياقتالعان سوڭ، ءوزىمدى قاشاندا باۋراپ تۇراتىن استاناعا قايتا ورالدىم، – دەيدى كەيىپكەرىمىز.
مۇحتار مانكەەۆ 2010 جىلى يندۋستريا جانە جاڭا تەحنولوگيالار مينيسترلىگىنە دەپارتامەنت ديرەكتورىنىڭ ورىنباسارى بولىپ قىزمەتكە تۇردى. جالاقىسى قاراشىعاناققا قاراعاندا ەكى ەسە از، ايتسە دە يننوۆاتسيالىق جوبالارعا جانى جاقىن جىگىت قيىندىقتىڭ بارلىعىن ەڭسەرۋگە ىشتەي دايىندالىپ تاس-ءتۇيىن كەلگەن ەدى. وڭ مەن سولىن اجىراتىپ، وندىرىستە شىڭدالىپ، ومىرلىك باعىت-باعدارىن ناقتى بەلگىلەپ العان ازاماتتىڭ ەندىگى ماقساتى ايقىن-دى. وسى ەلوردادا نازگۇل ەكەۋى وتاۋ قۇردى. تويدان سوڭ وزگەلەر سەكىلدى پاتەر جالداپ، قىم-قۋىت تىرشىلىككە ارالاسىپ كەتتى.
«باس ەكەۋ بولماي، مال ەكەۋ بولمايدى» دەگەن. شاڭىراق كوتەرگەن جىگىتتىڭ ايى وڭىنان تۋدى. ۇنەمى ىزدەنىس ۇستىندە جۇرەتىن ول يندۋستريالدى-يننوۆاتسيالىق دامۋدى جوسپارلايتىن «AstanaInnovations» كومپانياسىنىڭ باسقارۋشى ديرەكتورى بولىپ تاعايىندالدى. حالىقارالىق شارالار بارىسىندا تىڭ جوبالارىن تانىستىرۋكەزىندە ەلباسىمەن تاعى دا جولىعۋدىڭ ءساتى ءتۇستى. بىلىكتى ماماندار دايىنداعان جوبالاردى قاراپ شىققان پرەزيدەنت ءالى دە شيراتۋدى، قوعامعا لايىقتاۋدى، ءتيىمدى تۇسىن انىقتاۋدى شەگەلەپ تاپسىراتىن. تەحنولوگياسى جوعارى، وركەنيەتى وزىق ەلدەردەن ۇيرەنۋ قاجەتتىگىن ايتاتىن. ەلباسى فينلياندياعا ساپارىنان سوڭ يننوۆاتسيالىق ۇدەرىستەردى جەتىك مەڭگەرگەن وسى مەملەكەتتى ۇلگى ەتتى.
ۇزدىك ەلدىڭ ۇلگىسى
– استاناعا كەلۋ جونىندەگى العاشقى شەشىمىمە ەلباسىمەن ءبىرىنشى كەزدەسۋىم تىكەلەي اسەر ەتتى. ونىڭ ناتيجەسىن كورىپ وتىرمىن. وسى جولى فين ەلى جايىندا اڭگىمەلەگەندە تاعى دا كوپ وي ءتۇيدىم، – دەيدى مۇحتار. – قاراشىعاناقتا جۇرگەندە ۇيرەنگەن اعىلشىنشامدى ەلورداعا كەلگەن سوڭ جەتىلدىرە ءتۇستىم. پرەزيدەنتتىڭ ءسوزى قامشى بولىپ، ىزدەنۋ ناتيجەسىندە فينليانديانىڭ وۋلۋ قالاسىنداعى ۋنيۆەرسيتەتتىڭ گرانتى جاريالانعانىن ءبىلدىم. ءسويتىپ، باق سىناۋعا كىرىستىم. ينتەرنەت ارقىلى قۇجاتتاردى جولداپ، نەگىزگى سىناقتان ءوتۋ ءۇشىن وۋلۋعا باردىم. الەم بويىنشا 200 ۇمىتكەر ءوتىنىش ءبىلدىرىپتى، ال گرانت نەبارى 4-اق ورىنعا بولىنگەن. سىناقتىڭ بارلىعى اعىلشىن تىلىندە جۇرگىزىلدى. تىنىمسىز دايىندىقتىڭ ءنا¬تيجەسى ءارى باعىمنىڭ جانعانى شىعار، 4 گرانتتىڭ ءبىرى ماعان بۇيىردى. قالعانىن جاپونيا، امەريكا، گەرمانيادان كەلگەن ءۇش ازامات جەڭىپ الدى. قۋانعانىمدى كورسەڭىز! ونىڭ ۇستىنە بۇگىنگە دەيىن «بولا¬شاقپەن» شەتەلدەن وقيتىنداردىڭ اراسىنان ەشكىم فين ەلىن تاڭداماپتى. ال يننوۆاتسيالىق تەحنولوگيالار بويىنشا فينليانديا دۇنيەجۇزىندە العاشقى ورىندا.
جۇمىستان ءبىر جارىم جىلدىق اكادەميالىق دەمالىس الىپ، وۋلۋ ۋنيۆەرسيتەتىندە «بيزنەس اكىمشىسىنىڭ حالىق¬ارالىق شەبەرى» ماماندىعى بويىنشا وقىدىم. وسىلايشا ەلباسىمەن ەكىنشى كەزدەسۋىم دە ومىرىمە كۇرت وزگەرىس اكەلگەن شەشىم قابىلداۋىما ىقپال ەتتى. ەگەر ول كىسى فينليانديانى مىسالعا كەلتىرىپ، باعىتتاماعاندا، بالكىم، بارماس تا ەدىم. ءبىر جارىم جىل ىشىندە تانىم-تۇسىنىگىم قوعامعا، اينالاما، كاسىبىمە قاتىستى نە¬بىر ويلارمەن تولىقتى. ەندى وزىق مەملەكەت¬تەن العان ءبىلىمىم مەن جيناعان تاجىريبەمدى ەلىمىزدەگى ەڭ ماڭىزدى سالاداعى تىڭ جوبالاردى ىسكە اسىرۋعا ارنايمىن. ۇلت كوشباسشىسى جوبالاعانداي، قازاقستان ءالى-اق جاڭا عاسىرداعى تەحنولوگيانى تەرەڭ مەڭگەرگەن، ەڭ مىقتى مەملەكەتكە اينالادى. ونىڭ جولىندا ءسىز بەن ءبىز ەشبىر ايانىپ قالمايمىز.
...مۇحتاردىڭ ەلگە، ەلورداعا ورالىپ، ءوزىنىڭ جۇمىسىنا قايتا كىرىسكەنىنە ءۇش اي بولدى. قىزمەتى بۇرىنعىشا، بىراق وي-تانىمى، باعىت-باعدارى مۇلدە بولەك. ارىندى، قۋاتتى، يدەياشىل. پرەزيدەنت بەلگىلەگەن مەجەگە مەرزىمىندە جەتۋىمىز كەرەك دەپ شيىرشىق اتقان جاس جىگىت ۋاقىتپەن ساناسپاي، ارتىلعان مىندەتتى ابىرويمەن ورىنداۋعا قۇلشىنىپ وتىر. وردا بۇزار وتىزىنا ەندى تولاتىن ازامات ەلباسىمەن ەكى كەزدەسۋ دە ءوزىن ەرەكشە قاناتتاندىرعانىن، سونىڭ اسەرىمەن ءوزى دە كۇتپەگەن بيىكتەردى باعىندىرعانىن ايتادى. ءۇشىنشى رەت جۇزدەسە قالسا، تاعى دا تىڭ يدەيالار تابارىنا نىق سەنىمدى. سەنىمىڭ الداماسىن، مۇحتار!
بەيسەنباي داۋلەتۇلى
Abai.kz
