«ۋكراينادان كەيىن كەزەك – قازاقتاردا. شەشىم قابىلداندى». كەشەلى-بەرى ورىس ءتىلدى تەلەگرام ارنالاردا «رەسەي دۋماسىنىڭ دەپۋتاتى اندرەي گۋرۋلەۆتىڭ وسىلاي دەدى» دەگەن اۋديو جازبا تارالىپ كەتتى. بۇل تۋرالى Mezgil.kz پورتالى جازدى. 

تارالعان مالەمەتتەرگە سۇيەنسەك، رەسەي دۋماسىنىڭ دەپۋتاتى اندرەي گۋرۋلەۆ بۇل حابارلامانى مەمدۋماداعى ءوز ارىپتەستەرىنە جولداعان. وندا رەسەي ۋكراينادان سوڭ قازاقستانعا سوعىس اشاتىنى تۋرالى شەشىم قابىلدانعانى ايتىلادى.

(سۋرەت: تەلەگرام سكرينشوتى)

سوزبە-ءسوز:  «ۋكرايناعا قاراپ، تويىپ العان قازاقتار كەلەسى ءبىز دەپ اشۋلانىپ وتىر. ولار – كەلەسى بولادى. ولاردىڭ ويىندارى وسىلادى. مۇنداي شەشىم قابىلدانىپ قويعان دەپ ويلايمىن»، - دەيدى اۋديو جازباداعى داۋىس يەسى.

ال بۇگىن رەسەيدىڭ سول «سوعىس تىلەگەن» دەپۋتاتى: «بۇل سوزدەردى مەن ايتقان جوقپىن»، - دەپ اقتالىپ مالىمدەمە جاساپتى. ونىڭ سوزىنشە، بۇل ۋكراينانىڭ ءىسى. رەسەي مەن قازاقستاندى شاعىستىرۋ ءۇشىن جاسالعان-مىس. بۇيدەيدى:

«بۇگىن ءارتۇرلى كۇرەسىندى تەلەگرام ارنالاردا جاۋدىڭ «تسيپسوشنيكتەرى» (ۋكراينانىڭ اقپاراتتىق-پسيحولوگيالىق وپەراتسيالار ورتالىعىنىڭ) ءبىزدى قازاقستان رەسپۋبليكاسىنداعى دوستارىمىزبەن شاعىستىرۋعا ارەكەت ەتتى. بىراق – بۇل فەيك (وتىرىك). بۇل دورەكىلىك. مەن قازىر نەيروسەتتىڭ كىمنىڭ بولماسىن داۋسى مەن ءتۇرىن كەلتىرىپ، جاساي الاتىنىن جاقسى تۇسىنەمىن. سوندىقتان، سىزدەردى ساق بولۋعا شاقىرامىن. قازاقستان – ءبىزدىڭ دوسىمىز. ءبىزدى ەشكىممەن ۇرىستىرا المايدى»، - دەيدى دەپۋتات اندرەي گۋرۋلەۆ.

(سۋرەت رف دۋماسى سايتىنان الىندى)

گۋرۋلەۆ دەگەن كىم؟

بۇل گۋرۋلەۆتى قازاق قوعامى تانىپ قالدى. رەسەي دۋماسىندا داۋدەي دەپۋتات ەكەنىن بىلەدى. رەسەي پرەزيدەنتى ءپۋتيننىڭ «ەدينايا روسسيا» دەيتىن پارتياسىنان ەكەنەنىن، گەنەرال-لەيتەنانت دەيتىن اسكەرى شەنى بار ەكەنىن جاقسى بىلەدى. ءتىپتى، ول دۋمادا قورعانىس ىستەر جونىندەگى كوميتەتتى تىزگىندەيتىنىن دە ەستىگەن.

(سۋرەت رەسەيلىك باق سكرينشوتى)

گۋرۋلەۆ قازاقستاندى ءبىر ايدا ەكى كەزەك ارانداتتى

بىلەتىن سەبەبى مىناۋ: وسى اپتادا عانا ۋكراينا سىرتقى ءھام باس بارلاۋى تاتارستان جەرىندەگى ەكى ماڭىزدى نىسانعا سوققى بەردى. ءبىرى - «شاحەد» ۇشقىشسىز ۇشاق جاسايتىن تسەح، ەكىنشىسى – رەسەيدەگى اسا ءىرى نيجنەكامسك مۇناي وڭدەۋ زاۋىتى بومبالىق سوققى الدى.

ءدال وسى گەنەرال-دەپۋتات ا.گۋرۋلەۆ دەگەن «اسكەري ستراتەگ» «ۋكراينالىق ۇشقىشسىز ۇشاقتار قازاقستان جەرىنەن ۇشىپ شىققان» دەگەن ەشقانداي دالەلى جوق جالا جاپتى.

ول: «ەندىگى ءبىزدىڭ ءىسىمىز قازاقستانمەن بولسىن!»، - دەپ قوقان-لوقى كورسەتىپ باقتى. وعان قازاقستان: «شىندىققا ساي كەلمەيدى»، - دەپ سابىرمەن جاۋاپ بەردى. ال، ەندى، ودان كەيىن بەلگىلى بولعانداي، ۋكراينا 1300 كم قاشىقتىققا ۇشاتىن بومبالاعىش جانكەشتى-ۇشاق جاساپ شىققاندارىن مالىمدەدى. ول، ەندى، ۋكراينا تاراپىنان كەڭىنەن قولدانىلا باستايتىن بولادى دەپ كۇتىلۋدە.

ەندەشە، «تاتارستان سوققىسىنا» قازاقستاننىڭ قانداي قاتىسى بار؟ بىراق، ا.گۋرۋلەۆ وسى ۋاقىتقا دەيىن «مەن قاتەلەسىپپىن» دەپ قازاقستاننان كەشىرىم سۇراعان جوق – سول باياعى «ۇلىيمپەريالىق شوۆينيستىك» قالىبىندا قالىپ قويدى.

شىندىعىندا گۋرۋلەۆ دەگەن بوسوكپە بىرەۋ ەمەس. بىلدەي رەسەي دۋماسىنىڭ دەپۋتاتى. وندا دا قورعانىس كوميتەتىن باسقاراتىن، اسكەري شەندى ادام. ەگەر فەدەرالدى اۋقىمدا لاۋازىمعا يە وسىنداي سوزدەردى ايتسا، نەمەسە ايتتى دەگەن ءسوز تاراسا، قازاقستان تارابى وعان قانداي دا ءبىر رەاكتسيا ءبىلدىرۋى ءتيىس-اق!

(سۋرەت رف فەدەرالدى كەڭەسىنەن الىندى)

قوشانوۆ نە دەپ ەدى؟ ماتۆيەنكو نە دەپ ەدى؟

ەستەرىڭىزدە بولسا، بيىل ناۋرىزدىڭ 12-ءسى كۇنى قر پارلامەنتى ءماجىلىسىنىڭ توراعاسى ەرلان قوشانوۆ رەسەيگە ساپارلاپ قايتقان. فەدەرالدى كەڭەس ءتورايىمى ۆالەنتينا ماتۆيەنكومەن تىلدەسكەن قوشانوۆ: «ورىس ساياسەتكەرلەرىنىڭ ويسىز سوزدەرى تۋرالى تالقى جاسادىق. ارانداتۋشى اڭگىمەلەردى بىرلەسىپ تىياتىن بولدىق»، - دەپ كەلگەن.

ال گۋرۋلەۆ تاتارستانعا جاسالعان شابۋىل تۋرالى قازاقستاندى ايىپتاعاندا قوشانوۆ تا، ماتۆيەنكو دا «ءلام-ميم» دەگەن جوق!

«تاتارستانعا شابۋىل قازاقستاننا جاسالدى»، - دەپ قازاقستاندى جاۋ ساناعان گۋرۋلەۆ بۇگىن: «قازاقستان ءبىزدىڭ دوسىمىز. «قازاقستانمەن سوعىسامىز» دەگەن ارانداتۋدى مەن ايتقان جوقپىن»، - دەپ ەكى سويلەپ وتىر. ال قوشانوۆ پەن ماتۆيەنكو تاعى ءۇنسىز...

Abai.kz