سەنبى, 20 شىلدە 2024
1193 3 پىكىر 10 مامىر, 2024 ساعات 16:44

قۇلىباەۆ لوندونداعى مۇلىكتەرىن ساتا باستادى

كوللاج: Abai.kz

قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ كۇيەۋ بالاسى تيمۋر قۇلىباەۆ ءوزىنىڭ لوندونداعى جىلجىمايتىن مۇلكىمەن قوشتاسقالى جاتىر.

Financial Times گازەتىنىڭ حابارلاۋىنشا، وليگارح لوندوننىڭ بۋكينگەم سارايىنان بىرنەشە مينۋت قاشىقتىقتا ورنالاسقان مەيفەر اۋدانىنداعى ءوزىنىڭ ءساندى جىلجىمايتىن مۇلىك نىساندارىنىڭ ءبىرىن 34,7 ميلليون فۋنت ستەرلينگكە ساتقان ەكەن. ناۋرىز ايىنىڭ سوڭىندا North Wind Capital كومپانياسى اتالعان عيماراتتىڭ جاڭا يەسى اتاندى.

ساتىپ الۋشى تۋراسىندا تارقاتا ايتاتىن بولساق، North Wind - Deutsche Bank جىلجىمايتىن مۇلىك سالاسىنداعى ەرەكشە جاعدايلار جونىندەگى توپتىڭ بۇرىنعى ديرەكتورى بەن ۋيليامس نەگىزىن قالاعان جىلجىمايتىن مۇلىك سالاسىنداعى ينۆەستيتسيالىق توپ. تيمۋردان ساتىپ العان نىساندى اتالعان كومپانيا قايتا جاڭارتۋدى جوسپارلاپ وتىرعان جايى بار.

كەزىندە تەگىن كەلەتىن اعىل-تەگىل اقشا كوزدەن بۇلبۇل ۇشقاندىقتان قۇلىباەۆ اپپەر-گروسۆەنور-ستريت، 42 مەكەن-جايىنداعى كورشىلەس ۋچاسكەنى ساتۋعا تىرىسىپ جاتىر. بىراق تيمەكەڭنىڭ جاعدايمەن جاقسى تانىس ادامداردىڭ ايتۋىنشا، ونى ساتىپ الۋشى ءالى تابىلعان جوق.

لوندوننىڭ ورتالىعىنداعى ەكى جىلجىمايتىن مۇلىك نىسانى جيىرما جىلعا جۋىق ۋاقىت بويى ونىڭ جىلجىمايتىن مۇلىك پورتفەلىنىڭ ءبىر بولىگى بولىپ تابىلادى. وسى ۋاقىت ارالىعىندا اپپەر-گروسۆەنور-كوشەسىندەگى № 41 ءۇي بوس قالىپ، ۇيسىزدەر ماسەلەسىن شەشۋ ناۋقانىنا قاتىسۋشىلاردىڭ اشۋىن تۋدىرىپ كەلدى.

ۇلىبريتانيا ۇكىمەتى جىلجىمايتىن مۇلىككە يەلىك ەتۋدىڭ اشىقتىعى ماسەلەلەرىندە قاتاڭ شارالار قابىلداعاننان كەيىن، قۇلىباەۆ وتكەن جىلى بريتاندىق ۆيرگين ارالدارىنداعى Merix International Ventures كومپانياسىنىڭ يەسى رەتىندە تىركەلىپ، زاڭنىڭ الدىن ورماقشى بولدى. وسى كومپانيا يەسى رەتىن وعان اپپەر-گروسۆەنور-ستريت بويىنشا 41 ۇيىنە تيەسىلى بولىپ سانالدى. ال جەلتوقسان ايىندا - ليۋكسەمبۋرگتە ورنالاسقان Vitala Investment Holdings كومپانياسىنىڭ سوڭعى بەنەفيتسيارلىق يەسى بولىپ تابىلاتىن كورسەتىلگەندەي، اتالعان ۇيگە جاپسارلاسى اپپەر-گروسۆەنور-ستريت، 42 مەكەنجايىنداعى ءۇيدىڭ يەسى دە بولىپ سانالادى.

جوعارعى سوتتىڭ قۇجاتتارى مەن مەنشىك تۋرالى ەسەپتەرگە سايكەس، اپپەر-گروسۆەنور كوشەسىندەگى 41-ءۇي 2007 جىلى 25,8 ميلليون فۋنت ستەرلينگكە، ال اپپەر-گروسۆەنور كوشەسىندەگى 42-ءۇي سول جىلى 12 ميلليون فۋنت ستەرلينگكە ساتىپ الىنعان.

2007 جىلى قۇلىباەۆ بەركشيردەگى ەندريۋ حانزاداعا تيەسىلى ساننينگحيلل پاركىن دە ساتىپ الدى. بۇل مامىلە ول سۇرالعان باعادان 3 ميلليون فۋنت ارتىق تولەگەننەن كەيىن نازار اۋداردى.

ەندى وسى اقشالار تازا ما، الدە ۇرلانىپ جىرلانعانبا سو جاعى تەرەڭدەتە قاۋزالماۋى ءۇشىن تيمەكەڭ ساتىپ قۇتىلىپ، اقشاسىن باسقا شىعۋ تەگىن تەكسەرمەيتىن ەلدەرگە اۋدارماق دەيدى ساراپشىلار.

Abai.kz

3 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1306
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 2047
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 2090