بۇگىن ەلىشىلىك ساياساتتا بىرقاتار اۋىس-تۇيىستەردىڭ اڭداتپاسى ايتىلدى. كادرلىق وزگەرىستەردىڭ دەنى ماڭعىستاۋ وبلىسىندا بايقالادى. سونىمەن، قىزمەت اۋىستىرىپ جاتقاندار كىمدەر؟ قاراڭىز:

«قازمۇنايگاز» باسشىسى اۋىستى: مىرزاعاليەۆ نەگە قۋىلدى؟

كوللاج: Abai.kz

«قازمۇنايگاز» اق باسقارما توراعاسى ماعزۇم مىرزاعاليەۆتى اسحات حاسەنوۆ الماستىردى.

«سامۇرىق-قازىنا» ءال-اۋقات قورى باسقارما توراعاسى نۇرلان جاقىپوۆ «قازمۇنايگاز» اق ۇجىمىنا توراعا مىندەتىن اتقارۋشى اسحات حاسەنوۆتى تانىستىردى. ول «قازمۇنايگاز» اق اكتسيونەرلەرىنىڭ كەزەكتەن تىس باسقوسۋىنىڭ مەرزىمى بەلگىلى بولعانعا دەيىن باسقارما توراعاسى مىندەتىن ۋاقىتشا اتقارادى. ارى قاراي اكيونەرلەر شەشىمىمەن تاعايىنداۋ پروتسەسى بولادى»، - دەلىنگەن رەسمي حابارلامادا.

اسحات حاسەنوۆ 2022 جىلدىڭ قاڭتارىنان بەرى قر ەنەرگەتيكا ۆيتسە-ءمينيسترى قىزمەتىن اتقارىپ كەلگەن.  41 جاستاعى حاسەنوۆ 2019-2022 جىلدارى «قازمۇنايگاز» اق قۇرىلىمىندا جۇمىس ىستەگەن.

ال 45 جاستاعى ماعزۇم مىرزىعاليەۆتىڭ قايدا باراتىنى بەلگىسىز. ول ءار جىلدارى قر ەنەرگەتيكا ءمينيسترى، قر پرەزيدەنتىنىڭ كومەكشىسى، قر ەكولوگيا، گەولوگيا جانە تابيعي رەسۋرستار ءمينيسترى قىزمەتتەرىندە بولعان.

«وردا» ساراپشىلارىنىڭ پىكىرىنشە، «ماعزۇمنىڭ قىزمەتتەن الىنۋى – قويىلعان مىندەتتەردى اتقارا الماعاندىعىندا».

«مىرزىعاليەۆتىڭ قىزمەتتەن شەتتەتىلۋىنىڭ بىرنەشە سەبەبى بار. سونىڭ ءبىرىنشىسى: «قازمۇنايگاز» شىعىنعا باتىپ وتىر. ونىڭ ەنشىلەس كومپانيالارى شىعىنعا باتىپ، ميللياردتاعان سوماعا مەمدوتاتسيا جاساۋدا. مىسالى، «وزەنمۇنايگاز» 60 ملرد تەڭگەگە دوتاتسيا جاساۋعا تۋراى كەلدى.

ەكىنشى سەبەپ: ماڭعىستاۋداعى جاعدايدىڭ بىرقالىپتى ەمەستىگى. وندا ءارتۇرلى توپتاردىڭ ىقپالى مەن مۇددەلەرى بار. تەندەرلەرگە تالاسقان كلانداردىڭ تارتىسى، مۇناي سالاسىنداعى كەلىسىمشارتتار ت.ب. مۇنىڭ بارلىعى بۇرىس الەۋمەتتىك جانە بيزنەس كليمات قالىپتاستىراتىن فاكتورلار. وعان توقتاۋسىز ەرەۋىلدەردى قوسىڭىز. مۇنداي جۇمىسشى ەرەۋىلدەرىن كوبىنە كاسىپورنىداردىڭ وزدەرى ۇيىمداستىرادى.

مىرزاعاليەۆتىڭ قىزمەتتەن الىنۋىنىڭ تاعى ءبىر سەبەبى: «قمگ» مەن ستراتەگيالىق ينۆەستورلار اراسىنداعى كەلىسپەۋشىلىك. قازاقستان «NCOC» كومپانياسىمەن سوتتاسىپ جاتقاندا، قازىناعا تۇسپەي، تۇرالاپ تۇرعان 138 ملرد تەڭگە پايدا ءۇشىن جاۋاپتى ادام – وسى مىرزاعاليەۆ بولماق»، - دەپ جازادى «وردا» سايتى.

كوللاج: Abai.kz

ماڭعىستاۋ: كۇشتىك قۇرىلىم باسشىلارى قىزمەتتەن الىندى

ماڭعىستاۋ وبلىسى پوليتسيا دەپارتامەنتىنىڭ باستىعى ايان دۇيسەمباەۆ قىزمەتىنەن الىندى. ونىمەن بىرگە كۇشتىك قۇرىلىم تۇگەل دەرلىك قىزمەتتەن شەتتەتىلدى.

ماڭعىستاۋ وبلىستىق پد باستىعى دۇيسەمباەۆتىڭ ءىزىن باسا، وبلىستىڭ باس پروكۋرورى رۋفات قۇتتىقوۆ تا قىزمەتتەن الىنعان.

ماڭعىستاۋ وبلىستىق ۇقكد باستىعى باقىتجان ۆالەنيازوۆ تا قىزمەتىنەن الىنعان. قر ۇقق: «ول قىزمەتتەن قۋىلعان جوق. بۇل كادىمگى كادرلىق روتاتسيا. باقىتجان ۆالەنيازوۆ قىزمەتىن باسقا وڭىردە جالعاستىرادى»، - دەپ حابارلادى.

سۋرەت: lada.kz

نوعاەۆقا دا تىقىر تايادى ما؟

بلوگەر ەربول ەدىلوۆ: «بۇگىن ماڭعىستاۋ وبلىسىنىڭ اكىمى نۇرلان نوعاەۆ قىزمەتىنەن كەتۋى مۇمكىن»، - دەپ جازدى.

الايدا، رەسمي اقپارات ءالى جاريالانعان جوق. دەسە دە، ۇزىن-قۇلاقتان جەتكەن اڭگىمە شىندىققا جاناسادى. ساراپشىلار، ماڭعىستاۋداعى بۇل اۋىس-تۇيىستەردىڭ بىرنەشە سەبەبى بولۋى مۇمكىن ەكەنىن ايتادى. سونىڭ ءبىرى – «قمگ» باسشىلىعىنىڭ اۋىسۋى بولسا. تاعى ءبىر باستى سەبەپ - ماڭعىستاۋداعى جەتىباي مۇناي كەنىشىنىڭ 500-دەي جۇمىسشىسى جەلتوقساننىڭ باسىنان بەرى اق قار، كوك مۇزدا دالادا تۇرىپ، بىرنەشە اي ەرەۋىلدەتكەنى دەيدى.

Abai.kz