ەندى موپەد يەلەرى 6 ايدىڭ ىشىندە ەسەپكە قويىپ، ا1 ساناتى بار جۇرگىزۋشى كۋالىگىن الۋى ءتيىس.

ءماجىلىس دەپۋتاتتارى "جول ءجۇرىسى تۋرالى" زاڭعا تۇزەتۋلەردى ءبىرىنشى وقىلىمدا ماقۇلداپ، كولىكتەردىڭ جەكەلەگەن تۇرلەرىنىڭ قوزعالىسىن باقىلاۋدى ەسكەرتتى. بۇل موپەدتەردى پايدالانۋعا جانە قوزعالىس ەرەجەلەرىن رەتتەۋگە مۇمكىندىك بەرەدى.

ءسويتىپ، موپەد مىنگەندەر جول قوزعالىسىنىڭ تولىققاندى قاتىسۋشىسى بولادى. ول ءۇشىن موپەد يەلەرى ۋاكىلەتتى ورگانداردا تىركەتىپ، كولىكتەرىن جىل سايىن تەحنيكالىق بايقاۋدان وتكىزۋگە مىندەتتى. سونداي-اق، جۇرگىزۋشى مىندەتتى ساقتاندىرۋدى راسىمدەۋى قاجەت.

سۋرەت: Kaspi.kz

Abai.kz