سوڭعى جىلدارى ەلىمىزدە لۋدومانيا كەڭىنەن ەتەك الىپ كەتتى. بۇل ماسەلەنى ەسكەرگەن تۋريزم جانە سپورت مينيسترلىگى قازاقستاندا زاڭسىز ويىن بيزنەسى مەن لۋدومانياعا قارسى ءىس-قيمىل بويىنشا 2024-2026 جىلدارعا ارنالعان كەشەندى جوسپاردى ازىرلەپ، ونى اشىق نقا پورتالىندا جاريا تالقىعا ۇسىندى. 

بۇل جوسپار جۇزەگە اسۋى ارقىلى قازاقستانداعى قۇمار ويىندارعا جانە ءباس تىگۋگە تۇراقتى قاتىساتىن ادامدار سانى 350 مىڭنان 201 600 ادامعا دەيىن ازايتىلماق. ونىڭ ىشىندە بيىلدىڭ وزىندە 35 مىڭ ادام "لۋدوماندار" تىزىمىنەن شىعۋى ءتيىس.

بۇل ءۇشىن قازاقستاندا ينتەرنەت-كازينولار مەن زاڭسىز بۋكمەكەرلىك سايتتار جاپپاي بۇعاتتالاتىن بولادى. قازىرگى تاڭدا بۇعاتتالعان سايتتار سانى 4500 بولسا، ولار ءۇش جىلدا 2222-گە ارتىپ، 7722 بولۋى ءتيىس:

• 2024 جىل – 450;
• 2025 جىل – 990;
• 2026 جىل – 1782.

جوسپاردى جۇزەگە اسىرۋعا رەسپۋبليكالىق بيۋدجەتتەن 80 931 200 تەڭگە قارجى بولىنبەك.

Abai.kz