مەكتەپتەردە حيدجابقا تىيىم سالۋ ماسەلەسى جايلى سۇراققا وقۋ-اعارتۋ ءمينيسترى عاني بەيسەمباەۆ  جاۋاپ بەردى، دەپ حابارلايدى Abai.kz.

– ءبىلىم بەرۋ ۇيىمدارىندا ارنايى ەرەجەلەر، زاڭ بار. ءبىز وسى ەرەجەلەردى ۇستانىپ، ولاردى ورىنداۋىمىز كەرەك. بارلىق ءبىلىم بەرۋ ۇيىمدارى وسى تالاپتاردى ورىندايدى، ولار مەكتەپ ەرەجەلەرىنە، جارعىعا دا ەنگىزىلگەن. جەكە ءبىلىم بەرۋ ۇيىمدارىنا كەلەتىن بولساق، مىسالى، [وقۋشىلاردىڭ حيدجاب كيۋى بويىنشا] ناقتى شاعىم كەلىپ تۇسكەن كەزدە ءبىز اتىراۋ وبلىسىنداعى وسىنداي مەكتەپتى جاپتىق. سوندىقتان بۇل جۇمىس جالعاسادى. ءبىز وسكەلەڭ ۇرپاقتان ەرتەڭ تابىستى تۇلعانى قالىپتاستىرۋعا كوبىرەك باعىتتاۋىمىز كەرەك. سوندىقتان ءبىز بۇل ساياساتتى ءارى قاراي جالعاستىرامىز. كاسىپكەرلىك كودەكسى بويىنشا بىزدە سيگنالسىز جەكە مەكتەپتەردى تەكسەرەتىن قۇزىرەت بولعان جوق،  تىپتى بولعان كەزدە دە پروكۋراتۋرانىڭ رۇقساتىمەن تەكسەرىلەتىن. قازىر بۇل باعىتتا ۇلكەن وزگەرىستەر ءجۇرىپ جاتىر. ەندى ءبىز بارلىق ءبىلىم بەرۋ ۇيىمدارىنىڭ زاڭدىلىقتىڭ ورىندالۋىن تەكسەرۋمەن سايكەستەندىرۋ ءۇشىن كەز كەلگەن ءبىلىم بەرۋ ۇيىمدارىنا ەسكەرتۋسىز كىرۋگە مۇمكىندىك الامىز، – دەدى ول.

اقش-تىڭ الەم ەلدەرىندەگى ءدىني سەنىم بوستاندىعى جونىندەگى كوميسسياسىنىڭ بايانداماسىنا تۇسىنىكتەمە بەرە وتىرىپ، بەيسەمباەۆ ەڭ باستىسى، ەلدىڭ زاڭىنىڭ ۇستەمدىگى ماڭىزدى ەكەنىن مالىمدەدى.

Abai.kz