قازاق حالقىنىڭ ماقتانىشى، الەمنىڭ بەيبىتشىلىك ەلشىسى - ديماش قاناتۇلى قۇدايبەرگەن تۇركيانىڭ ىستامبۇل قالاسىنداعى «بەشيكتاش» ستاديونىندا جەكە مەرەكەلىك كونتسەرتىن وتكىزدى.

عاجايىپ قارا تەڭىز جانە ءمارمارا تەڭىزدەرىن بىرىكتىرەتىن بوسفور جاعالاۋىنداعى ءزاۋلىم 40 مىڭ ادامدىق ستاديوندا ءوتتى. ياعني، ديماشتىڭ تۋعان كۇن كەشىن تاماشالاۋعا دۇنيەجۇزىنىڭ 41 ەلىنەن جانكۇيەر كورەرمەندەر جينالدى. ديماش ساحناعا قازاقستاننىڭ كوك بايراعىمەن شىقتى. بۇل كەشتە «Stranger» شوۋ باعدارلاماسى ديماشتىڭ دوستارى مەن قوناقتارى قويىلىمدارىمەن اسەرلەندى. ديماشتى قۇتتىقتاۋعا تۇركيا، قازاقستان، اقش جانە ەۋروپاداعى الەمگە ەسىمدەرى بەلگىلى اتاقتى مۋزىكانتتار كەلدى.

ساحنادا اتاقتى ديدجەي بۋراك يەتەر بولدى. ول ديماشپەن بىلتىر تۇركيادا «Weekend» ءانىنىڭ پرەمەراسى وتكەن العاشقى كونتسەرتتەن بەرى جۇمىس جاساپ كەلەدى. ەكى ءانشى بىرگە ءان ورىنداپ، كورەرمەندەردىڭ ءىلتيپاتىنا بولەندى. بۋراك ديماشقا «عارىش» كيىمىن (كۋرتەسىن) سىيلادى.

مەرەيتوي كەشىندە ديماش العاش رەت لوس-انجەلەستەن قوناق كومپوزيتور، پروديۋسەر نيتان ۆانگپەن بىرگە ونەر كورسەتتى. ديماش كومپوزيتوردىڭ سۇيەمەلدەۋىمەن ۇلى دجەكي چاننىڭ «اۆانگارد» فيلمنىڭ ساۋندترەگىن العاش رەت ساحنادا ورىندادى. ديماش 2020 جىلى فيلمنىڭ سوڭعى نۇكتەسىن قوياتىن ءانى رەتىندە «Happu» كومپوزيتسياسىن جازدى. ديماش پەن نيتاننىڭ ونەر كورسەتۋى كورەرمەندەر ءۇشىن ۇلكەن سىي بولدى. كورەرمەندەر قىتاي تىلىندە فورتەپيانو مەن ۆوكالدىڭ داۋىسىن جىلى قابىلدادى.

ديماش ۇلى ءانشى...

وسىدان 100 جىل بۇرىن ەۋروپادا، پاريجدە ءان سالعان امىرە قاشاۋبايۇلىنىڭ ونەرىن قايتالادى. جەتى وكتاۆا داۋىسى بار ديماش قازاقتىڭ انشىلىك ونەرىندەگى قۇبىلىس قانا ەمەس، ول دۇنيەنى اۋزىنا قاراتقان قازاق انشىلىك ونەرىنىڭ قۇدىرەتى. ديماش ناعىز ۇلتجاندى، قازاقشا تاربيە العان، تەكتى اۋلەتتىڭ ۇرپاعى. وسىنداي ۇل تاربيەلەگەن اتاسى قۇدايبەرگەن، اجەسى ميۋا اپا. اكەسى قانات، اناسى سۆەتاعا مىڭ العىس. اللانىڭ نۇرى جاۋسىن! قازاق حالقىنىڭ ءبىرتۋار پەرزەنتى دىنمۇحاممەد قوناەۆتىڭ ەسىمىن كىشكەنتاي ءسابي ديماشقا اتاسى قۇدايبەرگەن اقساقال ازان شاقىرىپ، اتىن - دىنمۇحاممەد دەپ قويدى. اللا قابىل ەتتى. بۇگىندە ديماشتىڭ ەسىمى الەمدى شارلاپ كەتتى.

العا قازاعىم، العا ديماشىم، العا تۇركى دۇنيەسى!

مەرەكەلىك شاراعا حالىقارالىق تۇركى مەملەكەتتەر ۇيىمىنىڭ باس حاتشىسى، ەلشى قۋانىشبەك ومىراليەۆ، حالىقارالىق «تۇركسوي» ۇيىمىنىڭ باس حاتشىسى سۇلتان راەۆ، تۇركياداعى قازاقستان ەلشىسى ەركەبۇلان ساپيەۆ، تمۇ باس حاتشىسىنىڭ ورىنباسارى مەرەي مۇقاجان، قازاقستان پارلامەنتى سەناتىنىڭ دەپۋتاتى دارحان قىدىرالى، قازاق، قىرعىز، تۇركىمەن باس كونسۋلدارى نۇريدين امانقۇل، ليرا سادىقوۆا، مۇحاممەدنۇر وۆەزوۆ، ديماشتىڭ اتا-اناسى: اجەسى ميۋا اپا، اكەسى قانات، اناسى سۆەتا، قوعام قايراتكەرى ەرجان ءۋايىس، قازاقستاننىڭ حالىق ءارتىسى نۇرلان ونەرباەۆ، قازاق پروفەسسورى ابدىۋاقاپ قارا، بەلگىلى قازاق كاسىپكەرلەرى عانيمەت عايسا، ءاسيا تىلەۋحانقىزى، قازاق دياسپوراسىنىڭ كورنەكتى وكىلدەرى فازلى توپلى، اق پارتيا ورتالىق اپاراتىنىڭ القا مۇشەسى، قازاق قىزى راشيدا زەينەشقىزى، ەرول جولشى، ەرتولقىن عايرەتۋللاح، اسەل نامازالىقىزى، دۇنيەجۇزى قازاقتارى قاۋىمداستىعىنىڭ جاۋاپتى قىزمەتكەرلەرى ءلاتيپا مۇحاش، قارلىعاش بەكپاتشاقىزى، تۇركيادا، ەۋروپادا تۇراتىن قازاق قانداستارىمىز، استانادان، الماتىدان ونەر ادامدارى، اقىن-جازۋشىلار، مىڭداعان جانكۇيەر كورەرمەندەر قاتىستى. تۇركيانىڭ جانە قازاقستاننىڭ باق وكىلدەرى، «قازاقستان»، «حابار 24» جانە «تۇركىستان» تەلەارانالارىنىڭ تىلشىلەرى بولدى. تۇركيانىڭ بارلىق وبىلىستارىندا وقيتىن قازاق ستۋدەنت جاستارى دا مەرەكەلىك كونتسەرتكە قاتىستى.

ەرجان ءۋايىس

قازاقستاننىڭ ەڭبەك سىڭىرگەن قايراتكەرى

Abai.kz