قىرعىزستان كەدەندىك وداققا كرەمل ۇسىنعان جاعدايمەن كىرۋدەن باس تارتتى. ء«بىز قىرعىزستان ازاماتتارىنىڭ مۇددەسىنە جاۋاپتى جولمەن بارامىز» دەپتى ءوز ەلىنىڭ كەدەندىك وداققا قوسىلۋى جونىندەگى «جولدىق كارتانى»  قولعا الۋ  بويىنشا ساياساتتى ۇقتىرۋدا ەل پرەزيدەنتى المازبەك اتامباەۆ.

قىرعىزستان كەدەندىك وداققا كرەمل ۇسىنعان جاعدايمەن كىرۋدەن باس تارتتى. ء«بىز قىرعىزستان ازاماتتارىنىڭ مۇددەسىنە جاۋاپتى جولمەن بارامىز» دەپتى ءوز ەلىنىڭ كەدەندىك وداققا قوسىلۋى جونىندەگى «جولدىق كارتانى»  قولعا الۋ  بويىنشا ساياساتتى ۇقتىرۋدا ەل پرەزيدەنتى المازبەك اتامباەۆ.

ول قىرعىزستاننىڭ ۇسىنىلعان  ىنتىماقتاسۋ نۇسقاسىنا بالامانىڭ ازدىعى بولا تۇرا، رەسەي، بەلارۋس جانە قازاقستان وداعىنا تەك قانا «بىشكەك تالابى ورىندالعان جاعدايدا عانا» قوسىلاتىندىعىن اتاپ ءوتىپتى.

«سىزدەر مەنى ءالى كۇنگە دەيىن نەعىپ بىلمەيسىزدەر؟ ەلگە زياندى نە نارسەگە دە مەنى «جانشۋ» - مۇمكىن ەمەس. ءبىز كەدەندىك وداققا ەگەر ءبىزدىڭ تالاپ ەسكەرىلگەندە عانا ەنەتىن بولامىز.  ال اتامباەۆتى بوپسالاۋ مۇمكىن ەمەس، مەن شىنىعىپ بولعان اداممىن. ء بىزدىڭ تاڭداۋىمىز ازداۋ، بىراق تەك قانا قىرعىزستاندىقتاردى قاناعاتتاندىراتىن ءارى ءبىزدىڭ مۇددەمىزدى قورعايتىن جولمەن عانا جۇرەمىز»، - دەپ مالىمدەپتى ول ءباسپاسوز ءماسليحاتىندا.

سونىمەن، قىرعىزستان پرەزيدەنتىنىڭ ءسوزى  كرەملدىڭ بۇرىنعى كسرو ەلدەرىن كەدەندىك وداققا كىرۋگە ماجبۇرلەيتىن  بوپساعا جۇگىنبەيتىنىم جونىندەگى العاشقى اشىق مالىمدەمە  بولدى. بۇعان دەيىن ۋكراينا مەن ارمەنيا پرەزيدەنتتەرى   ماسكەۋ تاراپىنان قىسىمنىڭ بارلىعى تۋراسىندا ادەپپەن عانا جوققا شىعارىپ كەلگەن.
بۇرىنىراقتا قىرعىزستاننىڭ ءبىرىنشى ۆيتسە-پرەمەرى جوومارت وتورباەۆ ءوز ەلىنىڭ كەدەن وداعىنا مۇشە بولۋ «جولدىق كارتاسى»  قاراشا ايىنداعى ەۆرازيالىق كومميسسيانىڭ وتىرىسىندا قىرعىز تاراپىنىڭ قاتىسىنسىز بەكىتىلگەندىگىن جانە بۇل جوسپاردىڭ رەسمي بىشكەكتى قاناعاتتاندىرمايتىنىن مالىمدەگەن ەدى.

Abai.kz